Anas, casi finidos sos tribaglios supra sos pontes de Marreri in sa 131 Dcn.

Sunt po finire sos tribaglios de afforticamentu e posta a novu in sa zura de Marreri, in Nugoro, in sa carrela istatale 131 Dcn. Sos interventos chi interessant in tuttu 13 pontes, ant prevedidu unu imbestimentu de casi 37 miliones de euros e sunt unu tasseddu importante in su programma de annoamentu de tottu sa carrela sarda.

Custos tribaglios sunt intro de unu pianu pius mannu de annoamentu de sa 131 Dcn, unu de sos trettos pius trafficados e importantes de sa Sardigna, chi at postu umpare in tottu 30 pontes, chimbe galerias, torrare a fatteriare sa parte chi eliminat s’abba e s’arreulu de barras
de sicuresa novas, po un’imbestimentu totale de casi 250 miliones de euros. S’intentu de s’Anas est de garantire sicuresa pius manna, s’iscurrere de su traffigu e sa durada de sas operas in su tempus, rispondinde a sas esigentzias de residentes, zente chi si movet e turistas.

In sa zura de Marreri sunt giai bistados finidos chimbe pontes, bogandeche tottu sos divietos po su traffigu, permittinde unu coladorzu pius fatzile e siguru po sos automobilistas. In su mentres de s’attonzu, ant a essere interessados dae sos tribaglios atteros battoro pontes permittinde de torrare a abberrere casi duos chilometros de carrela in donzi direzione.

Custu interventu at a permittire non solu de minimare sos tempos de attraessamentu, ma fintzas de accreschere sa siguresa in unu de sos trettos pius delicados de sa carrela istatale. Sa fine de custos tribaglios est unu sinnu positivu po s’isviluppu de sas carrelas de sa Sardigna. Mezzorare pontes e galerias cheret narrereimbestire derettu supra sa siguresa de sos tzittadinos,  sa possibilidade de si movere e s’efficientzia de sas retzas de trazu.
Donzi interventu, difattis, dat unu contribbudu po creare una retza pius resistente e moderna.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Unu viàziu piticu intre sos Binos Sardos Prus Nodidos.

Sa Sardigna est una de sas regiones de binàrias prus ammaghiantes de Itàlia, un’ìsula dae s’istòria millenària in ube su binu nàschet dae su faveddu continu intre mare, bentu e terra. Sos binos sardos prus nodidos sunt s’issida berà de cust’iscrocca ùnica e de sas variedades suas autoctonas, meda de sas cales non esistint in àteros logos.

Su prus famadu est su Cannònanu de Sardigna, ruju sìmbolu de s’ìsula, ispartu mescamente in Barbàgia e Ozzastra, connottu pro s’istruttura sua, sos nuscos de frutos rujos maduros, ispètzias e mata mediterrànea e pro su ligàmene cun sa bezzesa de sas populatziones locales. Intre sos biancos si annodittat su Vermentinu de Gaddura DOCG, s’ùnicu binu sardu a denominatzione de orìgine controllada e garantida, friscu, sapidu e nuscadu, nàschidu in un’iscrocca granìtica e bentosa chi dd’at donadu elegàntzia e mineralidade.

In su sud-ovest de s’ìsula s’affirmat su Carignanu de su Sulcis, a bortas contipizadu subra de bìnzas antigas a arboreddu a curtzu a su mare, unu ruju cadriu e modde, cun tanninu galanosu e cun nuscos de fruta iscura e ispètzias. Meda difùndidu in su tzentru-sud est su Monica de Sardigna, unu binu traditzionale, pagu tànnicu e de buffada fàtzile, cun nuscos de cariasa e frores, ideale pro sa coghina de donzi die.

Intre sos biancos istòricos bi est su Nuragus de Casteddu, una de sas variedades de vide prus antigas de s’ìsula, forzis introdùida dae sos Fenicios, chi donat binos lèbios e friscos, ligados a su connottu de sos massajos. Prus cumpressa e delicada est sa Malvasia de Bosa, prodùida in s’adde de su Temu, unu binu aromàticu chi podet èssere siccu o durche, cun notas de frores, de mendùla e mele, figura de una produtzione artesana de balore mannu.

Unu casu ùnicu in su panorama italianu est sa Vernàccia de Aristanis, binu biancu ossidativu afinuadu suta unu velu de frementu, cadriu e fungudu, cun nuscos de fruta sica, ispètzias e mendùla ranchida. A costazu de custos nùmenes istòricos cumparint variedades comente su Bovale, o Muristellu, chi dat binos fraigados e potentes, e su Torbadu de L’Alguer, variedade rara torrada a agatare in sos ùrtimos annos, capatze de espressare biancos elegantes, friscos e minerales.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22