Su Casteddu ispettat s’allenadore novu: cursa a duos intre Pisacane e Vanoli
Ambos tenent calidades differentes ma complementares, e mustrant duas solutziones divressas meda comente esperientzia e bisione abbile.
canale WhatsApp
Su Casteddu ispettat s’allenadore novu: cursa a duos intre Pisacane e Vanoli.
Sa banchina de su Casteddu est uffissialmente bagante dae su 4 de lampadas passadu, cando sa sotziedade at comunigadu sa fine de s’appitzigu cun Davide Nicola, chi est abbennida passados solu undighi meses dae s’arrivu suo, chi est de su mese de triulas 2024. Sa detzisione at marcadu s’incumintzu de unu capitulu novu po su club ruju e blau, chi como est chircande su tennicu zustu po ghiare s’isquadra in s’istagione imbeniente e che la leare a cumbattere a livellos pius artos.
Su guvernu de su Casteddu est faghinde un’analisi attenta de sas solutziones possibiles, cuntzentrandesi supra duos candidados printzipales chi tenent unu rolu de importu in sa cursa po sa banchina: Fabio Pisacane e Paulu Vanoli. Ambos tenent calidades differentes ma complementares, e mustrant duas solutziones divressas meda comente esperientzia e bisione abbile.
Fabio Pisacane, ex diffessore e cona de su Casteddu, connoschet in manera funguda s’ambiente ruju e blau. Pustis de aere appiccadu sas iscarpittas a sa puntza, at leadu sa carriera de allenadore cun galabera, regollinde esperientzias in fileras pius in bassu e mustrande un’accreschimentu donzi die. Pisacane est appretziadu po su cuntattu tzertu e po sa capatzidade sua de creare una truma zunta e motivada, elementos chi si diant podere iscopiare de fundamentu in d’unu momentu de annoamentu po su club.
Dae s’attera parte, Paolo Vanoli battit cun issu unu baldulette pius forte comente tennicu, pro itte at crompidu esperientzias in realidades divressas, fintzas in su campu de sos zovanos de clubs importantes inube bi sunt proffessioneris de importu. Sa preparatzione de manera sua e sa capatzidade de tribagliare supra s’isviluppu de sos giogadores, sunt puntos de fortza chi diant podere azzuare su Casteddu a fraigare unu
disignu a mesu e longu agabbu. Su seperu intre Pisacane e Vanoli no at essere simple.
Attività realizzata col contributo della Regione Sardegna — IMPRENTAS 2024-2025. LR 22/2018, art. 22
© RIPRODUZIONE RISERVATA
Benito Urgu, unu de sos comigos prus connoschidos e appretziados de sa Sardigna
canale WhatsApp
Benito Urgu, unu de sos comigos prus connoschidos e appretziados de sa Sardigna.
Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.
In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.
Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.
Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.
Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.
Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.
Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.
Attività realizzata col contributo della Regione Sardegna — IMPRENTAS 2025-2026. LR 22/2018, art. 22
© RIPRODUZIONE RISERVATA
