In Tuerredda cust’istiu intrada solu cun sa prenotassione.

S’istiu 2025 at a battire cun segus una novidade importante po una de sas prendas pius amadas de sa costa sarda: Sa plaja de Tuerredda, tzelebre po sas abbas suas gristllinas e sa rena crara meda, at essere atzessibbile solu cun sa prenotassione. Una revolussione pitticca po sos turistas meda e sos chi bi bistant chi, in sos annos, funt abesos a si nde pesare a s’arbeschida e a si infilerinare po si garantire unu logu in d’unu de sos angulos pius conicos de sa Sardigna.

A lu detzidere est bistadu su Comune de Teulada, chi dae pagu at approadu unu cambiu de sas regulas de su comune po controllare sas presentzias in sa plaja. Su provvidimentu faghet parte de un’irbirgu pius largu po tutelare s’ambiente e compidare su carrigu de sa zente, cun s’intentu de preservare un’eco-sistema de su mare e de sa costa chidrinu meda, postu a sa proa dae s’accreschimentu de sos turistas in s’istiu.

Sa novidade pius importante est s’introiduitzione de un’appricu digitale, chi si est isfroscande, chi at a serbire po prenotare s’intrada a Tuerredda. S’app at a essere a pagamentu, mancari a custu momentu non sunt bistados ispartos sos elementos supra sos pretzios, e comente los impittare. Mancari su cambiu de sas maneras de intrada, s’affrontadura massima de zente po donzi die at addurare a 1.100 pessonas, comente sos annos passados.

Custu liminariu fit giai bistadu postu in su 2021, respondinde a sa dimanda turistica chi creschiat e sas cunsenguentzias chi si podiant biere supra sas plajas: muntones de arga, minimamentu de sa costa, perdida de prantamine de sa costa e difficultade in su controllu de sa sicuresa in mare. Su seperu de Tuerredda sighit una punna chi como est semper pius isparta in medas logos turisticos italianos e internatzionales: abbilantzare s’intrada in sas plajas e logos naduralisticos po mesu de istrumentos digitales e prenotassiones, cun s’intentu de cuntziliare turismu e agguantu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Inciassados in Dubai supra sa Msc Euribia: fintzas casteddajos intre sos passizeris chi isettant de torrare.

Sunt firmos in su portu de Dubai, supra sa Msc Euribia, pustis de sa frimmada de repente a sa tramuda a banda de Doha, aereoportu dae su cale deppiant leare su bolu po torrare in Italia. Intre sos passezeris bi sunt fintzas duas truppas de casteddajos: unu de sette pessonas e un’atteru de battoro-chimbe turistas. S’arribbu insoro si prevediat oe a Casteddu-Elmas, ma s’aggravamentu de sa situassione in Mediu Oriente at fattu brincare donzi programma.

In sas urtimas oras sa zura de su Gulfu est bistada interessada dae de bottu dae un’escalation militare chi at interessadu medat attores regionales, cun boleos de missiles, attaccos punnados e unu affortigamentu de sos sistemas de defensa aerea. Sa serrada partziale de sa zura aerea in carchi zura istrategica intre sa cale fintzas su Qatar, at custrintu parizzas cumpanzias a suspendere o cansare sos bolos, cun d’unu effettu domino supra sos cullegamentos internatzionales. Fintzas sas tramudas de sos crocieristas a sa banda de Doha sunt bistados iscancellados po motivos de siguresa, dassande sa nave frimma in Dubai.

A sos passezeris no est bistadu permittidu de s’ istesiare dae su terminal de su portu e, a custu mamentu, non sunt arrivadas comunicatziones deffinitivas supra sos tempos de torrada. Custu manzanu carchi crocierista at contadu de aere intesu attesu su sderroccu de iscoppiu, cosa chi at alimentadu sa timoria supra sa nave. Sas autoridades locales ant cunfirmadu sa balidia de sos sistemas de defensa chi diffendent sa zura de Dubai.

Cun sa colada de sas oras accreschet s’anneu e sa tesone, mescamente intre chie tenet abbojas perdidas o impignos urgentes in Italia. Carchi passezeri diat essere baludande de si movere po contu suo, comente arrivare in Oman e tentare unu bolu dae inie a s’Europa, ma si tratta de supposissiones cumplicadas e no privas de problemas- Medas preferrint isettare s’uffitzialidade e sa possibbile ordimizzassione de unu pianu
po torrare, cordinadu dae sa Farnesina.

In su mentres sa nave addurat unu puntu de relata e benit cussiderada comente unu logu siguru in cunfrontu a sa dudesa de fora.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22