Casteddu, sa torrada de sa genti arrubia: 9.000 cropas faghent su niu in d’una iscioppada de nadura e bellesa.

Donzi beranu, su Parcu Naturale Regionale de Molentargius-Saline, chi addurat intre Casteddu e Quartu S. Elena, si tramudat in d’unu cataffale
naturale de bellesa rara. In custu angulu ispantosu de sa Sardigna, mizza e mizza de genti arrubia ,seperant sa zura po faghere sos nios,
donande un’ispettaculu unicu e ammaghiante a chie tenzat sa fortuna de lu biere. Cust’annu su numeru de cropas chi ant fattu su niu est arrivadu a 9.000, sinzande unu accreschimentu in cunfrontu a sas istagiones de sos annos passados e cunfirmande s’importantzia de Molentargius comente unu de sos logos pius importantes de su Mediterraneu po custa ispessia.

Sa zura de su Bellarosa Maggiore, unu de sos isprigos de abba printzipales de su parcu, accasazat custos puzzones chi sunt unu lugore, chi, partinde dae sos primos meses de s’annu, incuminzant a s’affacchiare po si preparare a faghere sos nios. Intre Martzu e Aprile si podet biere cando fraigant sos nios, fattos de fangu a forma de campingios pitticcos chi bessint fora de s’abba e chi divenint unu logu siguru in su cale sas feminas ponent sos ovos.Pustis de carchi chida de incubassione, naschent sos pitticcos, chi si podent reconnoschere po sas pumas ferulattas, chi ant addurare gai fintzas a cando no ant a divennere mannos, momentu in su cale ant a divennere arrubios.

Su fraigu de sos nios de sa genti arrubia de Molentargius, est unu abbenimentu chi attrait s’attentzione no solu de appassionados de birdwatching e fottografos de sa nadura, ma fintzas de turistas e zente chi istat inie e chi est curiosa de ammirare sa bellesa de custos puzzones galanosos meda. Po permittere a tottus de  abbaidare dae accurtzu custu abbenimentu chentza discumbeniare sos animales, su parcu ordiminzat tour ispeciales in tottu s’istagione.

Custos percursos ghiados, permittint a sos bisitadores de iscoperrere no solu s’istravanada colonia de genti arrubia, ma puru s’ecosistema intreu de su parcu, chi accasazat paritzas atteras ispessias diffendidas e bantat una bista chi che bogat s’alenu intre isprigos de abba a salinas antigas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22