Sos artistas interpretes de sas Mustras de cust’annu a sa Galleria Siotto de Casteddu.

Sa Galleria Siotto de Casteddu, logu de esposissione de sa Fundatzione de chirca Siotto, presentat su programma de sa prima metade de su 2025. Sese artistas, donzunu cun d’unu limbazu e un’istile distintivu, ant essere sos interpretes de unu riccu calendariu espositivu chi bi at essere dae bennarzu a lampadas. Sas esposissiones andant dae sa pintura a sa fottograffia, po arrivare a operas creadas cun tennicas originales, mustrande unu biazu in mesu de connottu e mudamentu.

Sas mustras ant abberrere giovia 23 de bennarzu cun Nova Express, sa mustra personale de Riccardo Camboni. S’artista Othieresu at esponnere bindighi operas fattas cun pintura acrilica, ispiradas a su tzelebre libru de William Burroughs. Custu primu abbenimentu at a signare s’incomintzu de un’istagione artistica chi promittit de attirare s’interesse de appassionados e curiosos.

In frearzu at a essere sa borta de Valeria Musu, chi at a presentare Distopia, un regorta de fottograffias dedicadas a bistas chentza lacanas. Sa mustra si at a podere bisitare dae su 13 de frearzu a su 2 de martzu. Dae su 27 de martzu a su 13 de aprile at essere imbetzes interprete Luca Centola, cun su progettu suo fottografficu Disamparadu. Custu tribagliu naschet dae un’iscrucculla fatta in Sardigna e reflettit supra su signifficu de disamparu po mesu de figuras de iscolas abbandonadas, imparis cun sa tzittade de Matera.

In su mese de aprile, dae su 24 a su 27, Sonya Orfalian at a battire in iscena Ashkhar: intre chelu e terra, un’esposissione chi accomettat su tema de s’ispartinamentu de sos armenos po mesu de s’arte bisiva. S’artista, de naschida armena e chi istat in Italia, ponet impare elementos de sa pessone sua e consideros istoricos in sos tribaglios suos.

In su mese de Maju at essere sa borta de Francesco Cocco, pintore zovanu meda, chi at a esponnere po sa prima borta a su pubbricu cun sa mustra Caccia alle streghe. Dae s’8 a su 25 de maju si ant a podere ammirare sas pinturas suas fatta cun s’ozzu, chi si annodittant po sa maturidare espressiva e su meledu cadriu.

Po serrare sos sese meses, dae su 12 a su 19 de lampadas, at essere Davide Tocco cun Messincarta. Sas operas mustradas, fattas impittande una macchina po iscriere Olivetti Dora, curreggent su tema de sa tessidura po mesu de un’andala nova.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Su fenomenu de sos mangones in s’istagnu de Molentargius: un’ispettaculu naturale in su coro de sa tzittade.

S’istagnu de Molentargius, intre Casteddu e Quartu S. Elena, offerret unu de sos ispettaculos prus ammaghiantes de sa Sardigna cun sa presentzia regulare de sos mangones arrubios. Custos puzzones galanos, chi faghent parte de sa zenia Phoenicopterus roseus, sunt attirados dae sas abbas calmas e salamattas de sa zura, chi offerrint cundissiones ideales po los faghere pappare e faghere sos nios. Su Parcu Naturale Regionale de Molentargius-Saline, chi est mannu casi 1.600 ettaros e cumprendet istagnos, abba e salinas istoricas, est bistadu fattu po tutelare custu eco-sistema unigu, reconnoschidu a livellu internatzionale dae su Protocollo de Ramsar.

Sos mangones arribant donz’annu dae zuras divressas de su Mediterraneu, comente Francia,Spagna e nord Africa, e acciappant in Molentargius unu furriadorzu seguru gratzias a sas abbas bassas, riccas de cosa de pappare e paza marina, e a sa trancuillidade de s’ambiente. Dae su 1993, sa zura est divennida fintzas unu logu po faghere sos nios: donzi beranu sas cropas, fraigant nios de fangu, ponent sos ovos e creschent sos puzzoneddos, dande vida a unu fenomenu de biodiversidade ispettaculare.

Su tempus massimu de appellida andat dae martu a triulas, cando sos puzzoneddos naschent cun pinnammene ferulattu e sos mannos si movent tottu imparis, pappande e comunicande intre issos, creande una bera “nue arrubia” chi si biet dae attesu meda. Pro diffendere sas niadas, su Parcu controllat su livellu de s’abba e alindat s’intrada a carchi zura, garantinde gai sa trancuillidade chi serbit a sos puzzones. Fintzas fora de s’istajone sessuale, sos mangones  addurant a s’ispissu in s’istagnu o in sas zuras umidas accanta, comente s’istagnu de Santa Gilla, offerrinde un’ispettaculu unigu con sos bolos elegantes insoro e accumpanzados dae atteras zenias de puzzones de s’abba, intre sos cales mengones,tzurullios, filippas e anadras.

Sa presentzia de sos mangones in Molentargius, ets unu esempru craru de bivere imparis intre natura e tzittade, mustrande comente un’eco-sistema delicadu potat esistire a pagos passos dae su tzentru de sa tzittade. Custu fenomenu naturale no est solu un’occasione po su birdwatching, ma fintzas un’indittu de sa puresa de sas abbas e de sa calidade de s’habitat, cuffirmande s’importantzia de tutelare e balorizzare sas zuras umidas sardas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22