Sas Dies Europeas de su Patrimoniu torrant fintzas in su 2024, apparande un’occasione unica po torrare a iscoperrere sa ricchesa culturale e istorica de sa Sardigna. S’abbenimentu, chi si at a tennere in su fine chida de su 28 e 29 de cabudanni, at a tennere comente tema “Patrimoniu in caminu”, unu titulu chi reflettit s’importantzia de sos caminos, de sas bias de comunicassione e de sas retzas chi in su tempus ant favoressidu su cambiu intre sos populos e sas culturas, contribbuinde a formare s’identidade cumone europea.

Cust’annu, sa Sardigna si annoditat cun pius de 80 disignos chi ponent impare museos, archivios, bibliotecas, fundatziones, columenes, assotzios culturales e coperadivas, arrendinde sa regione interprete de duas dies riccas de attividades. S’initziativa est cordinada dae s’Uffitziu Istampa e Comunicatzione de sa Direzione Regionale Museos Natzionales Sardigna, poninde impare casi chentu operadores culturales pubbricos e privados, prontos a apparare propostas meda po sos visitadores.

Unu de sos momentos pius isettados de su fine chida est s’abertura a sero de sos museos chi si prevedid po sapadu 28 de cabudanni. Sos visitadores ant podere bintrare in sos printzipales museos e logos culturales de sa
Sardigna cun d’unu billette de solu unu euro, un’initziativa pensada po faghere divennere su patrimoniu culturale ancora pius atzessibile.

Sas Dies Europeas de su Patrimoniu non si attremenant solu a sas tzittades printzipales. S’initziativa si at illascare a tottu s’iscrocca sarda dae su norti a su mesudie, faghinde partetzipare medas museos e logos de importu culturale in tzentros pius o mancu pitticcos e pius pagu connoschidos. At essere un’occasione po balorizare su patrimoniu ispartu de s’isula, chi andata dae sos sitos archeologicos de simana nuragica, a sas cresias de su Evo mesanu, fintzas a sas operas de custu tempus e a sos caminos ligados a su connottu populares.

Sos abbenimentos proponnidos no ant a pertoccare solu s’arte e s’archeologia, creande un’offerta de medas campos. Su tema est “Patrimoniu in caminu”, imbidat a unu cunsideru artu supra su rolu de sos caminos de comunicatzione, siat fisigos chi conicos, po fraigare ligonzos intre sas pessonas e sas simanas istoricas divressas.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dea Mama: una de sas divinidades prus antigas de sa Sardigna.

Sa Dea Mama est una de sas friguras prus antigas e ammaghiantes de s’istoria de sa Sardigna. Si trattat de una divinidade feminina chi pro sas populassiones de sos tempos antigos mustraiat sa vida, sa naschida e sa saliosidade. Sos archeologos ant acciappidu medas istatueddas chi la mustrant in paritzos sitos de s’isulas, sinzu chi custa frigura teniat unu rolu importante meda in sa religione e sa cultura de sas comunidades antigas. Custos oggettos antigos sunt de mizza e mizza annos faghet, meda prima de sa tzivilidade nuragica.

Sas istatueddas de sa Dea Mama sunt casi semper pitticcas e fattas de terra cotta o in pedra. In casi tottus sas istatuas su corpus femininu est meda evidentziadu, cun tittas, bentre e costazos evidentziados. Custas formas non fuint unu particulare artisticu simple, ma teniant unu signifficu forte meda. Serbiant difattis a mustrare sa capatzidade de sa femina de dare sa vida. Pro sas populassiones antigas sa femina fuit bida comente una frigura sacra pro itte mustraiat sa naschida, sa creschida e s’andare a daenantis de sa comunidade.

In cussu tempus sa vida de sas pessonas fuit ligada a s’istrinta cun sa nadura. Sas comunidades biviant mescamente de laurantza e pesadura e dippendiant de su tottu dae sa saliosidade de sa terra.Si sos campos produiant pagu o si sos animales non proliffigaint, sa vida de sas biddas fuit in perigulu. Po custu motivu, sa saliosidade fuit cussiderada un’elementu de fundamentu e sa Dea Mama mustraiat propriu custa fortza de sa nadura capatze de ingendrare e nudrire sa vida.

Est probabbile chin sas istatueddas benzerent impittadas in su mentres de ritos religiosos o tzerimonias ligadas a sos mamentos prus importantes de sa vida de sa comunidade, comente sa semenadura, su regortu o sa naschida de sos pitzinnos. Pro mesu de custos ritos sas populassiones dimandaiant affianzu, bundantzia de sos regortos e primorosidade po sas biddas.

Sa Dea Mama fuit duncas bida comente una frigura amparadora chi garantiat s’ecchilibriu e su benessere. Intre sos oggettos prus connoschidos bi est sa Dea Mama de Turriga, un’istatuedda in terracotta de su terzu millenniu A.C. Sa frigura est bistada fatta sezzida cun sas manos supra de su bentre, unu gestu chi mustrat in manera crara su tema de sa maternidade e de s’ingendra de sa vida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22