Dae su 4 a s’8 de cabudanni 2024 si est tentu in Beja, in Portogallo, su Campionadu Mondiale IMCA-PAWC, un’ abbenimentu importante meda in su mundu de s’agility e paragility. S’Italia, cun sa natzionale de gruxeris e paragility CIS, si est imponnida commente s’isquadra pius manna e prena de addelentu in mesu de sas 13 natziones chi ant partetzipadu, binchinde su titulu de Campione de su Mundu.

In mesu de sos medas italianos chi ant partetzipadu, brillat s’istoria de su sardu Fabrizio Cavassa e de sa chi non si podet iscrobare cumpanza sua a imbattoro francas, Kira, una cropa chi at donadu emossiones e sutzessos istravanados.

S’Italia est bistada capatze de si annoditar gratzias a paritzas prestassiones desampladas in tottu sas classes, binchinde paritzas medallas a sa sola e puru in isquadra. A che pigare in s’iscalinu pius artu est bistada s’isquadra Small, cun Alessandro, Daniele, Chia e Anna Chiara, mentres s’isquadra de sos mesanos, cun Fabrizio, Lucia, Isabella e Daniele, at conchistadu issa puru su titulu de Campione de su Mundu.

S’isquadra Large, cun Roberto, Manuela,Sabrina e Stefania, at cumpletadu su poderiu de sos colore e’ chelu.

Fintzas in sas cumpetissiones a sa sola, sos sutzessos non sunt mancados. Daniele cun Saki est divennidu vice campione de su Mundu in sa classe Small, mentres Roberto e su fidele cumpanzu suo Row, ant conchistadu su titulu de Campiones de su Mundu in sa classe Large. Sabrina e Leo ant imbetzes segudadu su secundu iscalinu de su palchittu. Po sa paragility, Antonella e Gioia si sunt annoditadas commente campionessas de su Mundu, sighidas dae Nicola e Nala, vice campiones de su Mundu in sa classe insoro.

Uno de sos partetzipantes pius emossionantes de sas garas est bistadu Fabrizio Cavassa chi arrivaiat dae Terranoa, accumpanzadu dae sa cattedda sua Kira. Poderados dae sa Fundatzione Domus de Luna, Cavassa e Kira ant bividu custu mondiale commente una de sas urtimas cumpetissione fattas impare, bida s’edade de sa cattedda, chi est arrivande a sa pesone isportiva.Intames, sos risurtados alcansados e sa notissia chi su prossimu Mondiale si at a tennere propriu in Italia, ant ispintu sa mama de Fabrizio, a espressare su disizu de faghere sighire sa carriera de Kira.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Turismu, record novu po sa Sardigna: presentzias meda

Sos datos de s’istajone 2025 mustrados a sa Bit de Milano.

Su 2025 est bistadu un’annu eccetzionale po su turismu in Sardigna, cun numeros de record de bisitadores chi ant cunfirmadu s’isula intre sos logos prus disizados de su Mediterraneu. S’istajone at registradu una creschida custante in sos mesese de istiu e fintzas in s’istajone bassa, mustrande comente semper prus turistas seperent sa Sardigna fintzas in beranu e attonzu,attirados non solu dae sas plajas suas, ma fintzas dae sa ricchesa de cultura, natura e enogastronomia.

Sa capatzidade ritzettiva de s’isula est creschida meda, cun albergos e extra albergos novos, chi ant permittidu de accasazzare bisitadores chi arribant dae tottu s’Italia e dae fora. Intre sos istranzos sunt parizzos sos turistas chi arribant dae Germania, Francia, Svizzera e Regno Unito, mentres in Italia, sa Sardignas addurat unu logu preferridu po chie benit dae Lombardia e Lazio. Fintzas sos aeroportos de s’isula ant registradu una creschida de sos passezzeris, cunfirmande un’accreschimentu custante e s’interessu internatzionale pro sa Sardigna.

Addia de su turismu balneare, est creschinde meda s’offerta ligada a sos abbenimentos culturales, isportivos e a sa balorizzatzione de sos burgos e de sos caminos intre s’isula, chi at permittidu de dividere sos arrivos in atteras istajones e apparare esperientzias divressas. Abbenimentos comente su Giru de Sardigna in bicicretta e s’Americas Cup de bela in Casteddu sunt opportunidades importantes po faghere arribare bisitadores fintzas in sos meses chi benint cussiderados prus calmos, cun recaidas positivas po s’accolomia locale e po sos albergos de s’isula.

Su sutzessu de s’istajone 2025 cuffirmat s’importantzia istrategica de su turismu po s’accolomia sarda. Non si trattat solu de numeros e presentzias, ma de una parte chi dat unu contribbudu a mantennere bivu su connottu, balorizzare su patrimoniu naturale e culturale e creare logos de tribagliu. Sa Sardigna est mustrande de essere capatze de apparare unu turismu sustenibbile, divressu e de calidade, capatze de faghere arrivare bisitadores italianos e istranzos tottu s’annu.

Abbaidande a su tempus benidore, s’isula puntat a affortigare de pius custa creschida, imbestinde in sa promotzione internatzionale, in sa cura de sas iscroccas e in sa balorizzatzione de tottu su chi rendet sa Sardigna unica in sa bista de su mediterraneu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22