In sa sala de sos libros de su Palattu Apostolicu, Paba Frantziscu at retzidu in audentzia privada Beniamino Zuncheddu, su pastore sardu chi at passadu 33 annos in presone, cundennatu cun inzustissia po aere bocchidu tres pessonas. Solu su mese de bennarzu passadu, Zuncheddu est bistadu assoltu in su protzessu de revisione, chi at fattu finire una de sas mudas pius dolorosas e chentza zustissia de sos urtimos tempos in Italia.

Arrestadu a solu 26 annos, Zuncheddu est bessidu dae presone a s’etade de 60 annos, giughinde supra de issu su pesu de 30 annos de sufferentzia. Intames, s’istoria sua no est solu cussa de un’omine chi at tentu un’inzustissia, ma puru cussa de una fide chi non podiat ruere e de una fortza istravanada. In su mentres de s’incontru cun su Paba, Zuncheddu at donadu una copia de su libru iscrittu paris cun s’abocadu suo, intitoladu:”Deo so innozente”. In cust’urtimu libru, contat s’esperientzia dolorosa sua in daesegus de sas traessas, passada in tres presones divressas, medas bortas in cunditziones urtimas, commente sa vida forzada cun atteras undighi pessonas intro de una tzella pitticca meda.

Mancari sas cunditziones de vida esserent tostas meda e sas porfias de donzi die, in mesu de sas cales sa mancantzia de logu po drommire e sas difficultades puru po si samunare, Zuncheddu non at mai perdidu s’isperantzia. In su mentres de sa muda sua bessit a pizu su retrattu de un’omine chi, mancari provadu dae s’inzustissia, at ischidu acciappare sa fortza in sa fide e s’amore po sa famiglia sua, chi at sighidu a lu agguantare fintzas in sos momentos pius diffitziles. Custa fide li at permittidu de iscampare e de divennere una figura de fentomu fintzas po chie, in presone, viviat situatziones peus de sas sua. In su negotziu cun su Paba, Zuncheddu at cundivisu su percursu de perdonu chi at incumintzadu. At contadu commente, mancarsu su dolore e s’inzustissia chi at tentu, siat resessidu a perdonare cussos chi lu aiant accusadu in manera farsa, faghindeli retzire una cundenna chi non fit zusta.

Unu perdonu chi no est bistadu fatzile, ma chi at acciappidu raghinas artas in sa fide sua. S’istoria de Beniamino Zuncheddu ponet dimandas artas supra sa debilesa de su sistema de sa zustissia e supra sas
cunseguentzias devastantes de unu errore de sa zustissia. Ma est fintzas una testimonia de commente sa fide e su perdonu potant iscampare e frorire puru in sas occasiones pius diffitziles.

Attività realizzata col contributo della Regione Sardegna — IMPRENTAS
2023-2024. LR 22/2018, art. 22

Suerzu, patrimoniu detzisivu de sa Sardigna, intre natura e isviluppu.

In Sardigna, su suerzu est una de sas dodas prus importantes e pretziadas, capatzes de ponnere impare defensa de s’ambiente, connottu produttivu e creschida accolomica. S’isula est sa printzipale zura italiana po sa produssione de su suerzu e accasazzat buscos mannos de Quercus Suber, su suerzu tipicu de su Mediterraneu. In particulare, logos comente sa Gaddura tenent sueredas mannas chi deffinint sa bista e sunt un’elementu de s’identidade po sas comunidades locales.

Custos  buscos tenent una funtzione ambientale de importantzia manna: dant unu contribbudu a surbire sa CO2, diffendent su terrinu dae sa frazadura e favoressent sa biodiversidade, apparande furriadorzu a medas zenias animales e de prantamine. Sa regorta de su suerzu, chi si faghet po mesu de sa decortiga fatta a manu a trettos istabilidos, non tenet bisonzu de che imbolare s’arbure. Sa coriola torrat a bessire a sa sola, permittinde tziclos de produssione chi podent durare po medas deghinas de annos.

Custu sistema permittit de faghere divennere sa filera de su suerzu unu esempru beru de sos azzudos de sos padentes. Supra su pianu accolomicu, su suerzu est una boghe de signifficu pro medas zuras de sa parte de intro de sa Sardigna, dande unu contribbudu a s’occubassione e sa vitalidade de sas iscroccas de campagna. Dae  su suerzu si faghent tuppones po su binu, isolantes pro sa domos, oggettos de design e produttos de s’artesanadu chi benint bendidos fintzas a fora
de s’Italia. In carchi tzentru de su nord de s’isula bi est una parte manna meda de s’industria de su suerzu italiana, cun dittas chi ant affortigadu in su tempus cumpetentzias ispecilisticas e reconnoschimentos a livellu internatzionale.

Addia de su balore accolomicu e ambientale, su suerzu cunserbat unu signifficu culturale forte. Sas tennicas de tribagliu, sa sapidoria trasmittida e su cunfrontu intre comunidade e iscrocca contant un’istoria antiga chi sighit a si revertire. In Sardigna, su suerzu no est solu una fortza produttiva, ma una cosa chi mustrat s’identidade e s’ecchilibriu intre omine e nadura, unu patrimoniu chi fintzas oe dat unu contribbudu a deffinire sa cara de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22