Prestassiones istravanads po sos color’e chelu a su Campionadu de su
Mundu CMAS de Apnea Indoor, chi sunt bistados fattos in Belgrado, in
Serbia. In mesu de tottus, si distinghet s’addelentu de su zovanu Simone
Murru, unu piccioccu de 16 annos de Sestu, chi at conchistadu sa sua
prima medalla de oro cun su tempus de 4’49”59 chi at impressionadu
tottus, diventande gai, campione de su mundu de apnea endurance 8×50
m in sa filera junior.

S’artziada sua a sa betta non si est frimmada inoghe:
su die imbeniente, Murru at reprigadu sa binchida, binchinde un’attera
medalla de oro in s’endurance 4×50 junior. S’istravanada presta sua est
arrivada a sa betta cun sa binchida in s’apnea speed 100 m junior,
frimmande su tempus a 38”22.

S’Italia, ghiada dae su Capu delegassione Michele Geraci e su Direttore
Tecnicu de Apnea Indoor Monica Barbero, at serradu sa cumpetissione
mondiale cun d’una summa de 16 medallas. In sa filera junior, sos color’e
chelu ant binchidu 4 medallas de oro, duas de arghentu e duas de brunzu,
mentres in sa filera senior, su bottinu est bistadu de duos oros,
un’arghentu e chimbe brunzos.

Simone Murru at mustradu de essere una promissa de s’apnea italiana e
de tottu su mundu.

Sas binchidas suas non solu li ant permittidu de
bessire a pizzu commente campione chentza nissuna discussione de sa
filera sua, ma ant fintzas battidu braga meda a sa natzione. S’impignu suo,
sa dedissione in sos allenamentos po binchere sos marghines suos, sunt
bistados premiados cun risurtados desamplados. Sa proa sua at ispiradu
campiones zovanos e appassionados de apnea, evidentziande
s’importantzia de s’ostinassione e de sa passione in s’isport.

Tottu s’isquadra italiana at mustradu unu livellu de preparassione e
proffessionalidade arta meda. Sa cumpetissione de Belgrado at bidu sa
partecipatzione de zente arrivada dae tottu su mundu, arrendinde sas
binchidas de sos color’e chelu meda pius signifficativas. Sa ghia esperta de
su Capu Delegassione Michele Geraci e de su Direttore Tecnicu Monica
Barbero est bistada de fundamentu po arribare a custos risurtados.

S’accottu tecnicu e de emotzione insoro at permittidu a sos piccioccos de
espressare a su menzus su potentziale insoro.
In pius de sas medallas de oro conchistadas dae Murru, puru sos atteros
cumponentes de s’isquadra italiana ant dadu su contribbudu a su
sutzessu cumplessivu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sas Salinas de Casteddu intre istoria, connottu in s’iscrocca de Santa Gilla.

Sas Salinas de Casteddu sunt unu de sos logos prus tipicos de su sud de sa Sardigna e si agattant in sa zura de s’istagnu de Santa Gilla, a pagos passos dae sa tzittade. Cust’iscrocca aunit in manera unica su tribagliu de s’omine e sa ricchesa de sa natura, creande una bista particulare, fatta de bartzas de abba, colores e mudores. S’istoria insoro est antiga meda e arribat dae su tempus de sos romanos, cando su sale fuit produidu irfruttande su sole e su bentu. Cun su colare de su tempus s’attividade est creschida e si est ordiminzada semper menzus, divenninde una fortza de fundamentu po s’accolomia locale.

Pro annos meda su sale produitu in Casteddu est bistadu bendidu fintzas in atteras iscroccas, dande unu contribbudu a s’isviluppu de sa zura. S’assentu de sa produssione est simple ma balidu. S’abba de su mare benit fatta bintrare in sas bartzas e dassada ispaporare gratzias a su cardu e su bentu. Cando s’abba si ritirat, su sale addurat in su fundu e benit regortu. Est unu protzessu naturale chi ancora oe sighit ritimos ligados a sas istajones e sas cundissiones de su clima.

Addia de s’aera produttiva, sas salinas sunt fintzas unu logu naturale de balore mannu. S’istagnu de Santa Gilla est difattis una zura importante meda pro sos animales, mescamente sos puzzones. Intre sos prus connoschidos bi sunt sa zente rubia, chi in sos annos sunt divennidos una cona de s’iscrocca. Imparis cun issos bivent medas atteras zenias chi acciappant in custas abbas unu logu ideale pro pappare e si pasare.

In sos urtimos annos sunt divennidas unu puntu de arribu semper prus apprezziada dae chie bisitat Casteddu. Semper prus pessonas si accostant a custu logu pro iscoperrere comente si produet su sale e pro iscrudignare sa natura dae accurtzu. Sos colores de sas bartzas e sa bista abberta faghent divennere sa zura ammaghiante meda, mescamente in sas oras de s’intrichinu.

Sas salinas sunt oe un’ecchilibriu intre passadu e presente. Dae una parte sighint a contare unu connottu antigu ligadu a su tribagliu e sa produssione de su sale, dae s’attera sunt un’ambiente naturale de diffendere e balorizzare. Sas salinas de Casteddu sunt meda prus de unu logu produttivu. Sunt una parte importante de s’istoria e identidade de s’iscrocca, unu esempru de comente s’omine e sa natura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22