S’abila marina in Sardigna, nova istravanada iscoperta:abbistadu unu niu novu cun sos puzzoneddos.

Sas operassiones po ponnere sos aneddos e retzidores GPS supra sos puzzoneddos naschidos in su 2024, ant tentu sutzessu in Portu Conte, sinzande sa fine de sa cuinta istagione de naschidas po s’abila marina, torrada a faghere su niu in Sardigna passados sessanta annos.

In su mentres de custas attividades est bistada fatta un’iscoperta istravanada: unu secundu niu cun duos puzzoneddos, chi at fattu arrivare a chimbe su numeru de sos puzzoneddos naschidos in su 2024. Portu Conte e Capo Caccia sighint duncas a si affortigare commente puntos de arrivu chirrados dae ispetzias de puzzones acchiladores importantes meda po sa cusservatzione, commente su grifone, su benturzu capovaccaio e s’abila de mare.

Custa iscopertas faghent parte de su disignu natzionale “Abila de mare Italia”, arrivadu a s’editzione numeru vinti, chi ponet impare medas parcos natzionales e regionales in tottu s’Italia. Su disignu s’avvalessiri de s’esperientzia e professionalidade riconnoschida de una truma tecnica iscentifica, cun sa partetzipassione de s’Ispra. In Portu Conte, un’assentu de videosurvegliantzia, permittit de controllare sos nios 24 oras supra 24 chentza ammuinare sos puzzones, recollinde datos importantes meda supra su trazu insoro.

Su presidente de su Parcu de Portu Conte, Raimondo Tilloca, at espressadu suddisfassione manna po sas urtimas iscopertas, evidentziande commente sos logos amparados sunt divennidos unu puntu de riferimentu po sos puzzones chi bistant in sas zuras de sa costa marina. Capo Caccia, dat pasada a sa secunda colonia de su Mediterraneu de su puzzone de sas temporadas e una colonia manna de bertas.

S’aumentu de sa colonia de sos benturzos, gratzias a unu disignu Life chi ponet impare s’universidade de Tattari e s’Agentzia Forestas, est un’atteru sutzessu mannu. Cust’annu sunt bistadas registradas noe cropas de benturzos, chi ant dimustradu su tribagliu bene fattu po cunservare los cunservare.

Su parcu de Portu Conte est como riconnoschidu commente un’area de eccellentzia po faghere sos nios, cunsiderande chi est s’unica amparada a livellu natzionale cun duos nios attivos de abila marina. Sa presentzia de custa ispecies chi sunt importantes meda po sa cunservatzione, est una cunfirma de su bonu livellu de cantu est bistadu fattu po tutelare sos puzzones e serbit de ispinta po tribagliare semper de pius supra s’impignu printzipale de diffendere habitat e ambiente.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22