Massimo Zedda, presidente de su partidu Progressista, est bistadu designadu commente candidadu sindigu in Casteddu po sas eletziones de s’8 e 9 de lampadas, cun s’accottu de su campu ispartu de tzentru-manca, su cale at accattadu una base forte in sa binchida de pagu tempus faghede in sas eletziones de sa Regione, chi ant juttu a sa presidentzia Alessandra Todde, figura importante meda de su movimentu 5 isteddas.

S’arribu de Zedda commente candidadu sindigu, est bistadu su risurtadu de unu protzessu politicu cumplicadu, chi at istentadu de una chida dae sa nomina de sa Guvernadora noa, ma po finire, sas dudas sunt bistadas binchitas.Su nomene sou fit giai bessidu a campu a su cuminzu de s’annu, in linia cun sos ecchilibrios de sa politica istabilidos in sas eletziones de sa Regione.

Casteddaju de 48 annos, Zedda juchet un’esperientzia politica forte meda assegus de sas palas, essende bistadu cunsizzeri regionale in sos urtimos chimbe annos e commente sindigu de Casteddu dae su 2011 a su 2019, innantis de aere perdidu sas eletziones cun Christian Solinas commente presidente de sa Regione in su 2019.

Sa detzisione sua de si candidare est bistada antitzipada dae sa disponibilidade sua a faghere sas primarzas, ma s’alliantza de tzentru- manca ghiada dae su Partidu Democratigu e su Movimentu 5 Isteddas, at prefferridu po unu seperu fattu imparis a sa mesa de su cunsizzu, faghinde un’attera borta su chi fit giai bistadu fattu po sas eletziones regionales.

A su cumintzu, su Partidu Democratigu teniat dudas po sa candidadura deZedda, cussiderande sa possbilidade de candidare su segretariu regionale Piero Comandini. Intames, cun s’eletzione de Comandini commente presidente de su Cunsizzu Regionale e sa baludassione de sa candidadura de Davide Carta, esponnente inportante de su PD de Casteddu, sa mesa de su cunsizzu at mustradu s’accottu de tottus po Zedda, cosa cunfirmada puru dae sas atteras fortzas de sa politica chi ant partetzipadu.

In su mentres, sa mesa at reffudadu s’idea de amprariare de piusu su campu, faghine partetzipare Azione e su movimentu de Renato Soru, chi si fit candidadu a sa sola a sas eletziones regionales, e chi sighit su
percursu sou de cambiu.

Gai, s’8 e su 9 de lampadas, sos elettores de Casteddu si ant agattare in daenanti a una porfia in mesu de duos: Massimo, chi rappresentat su tzentru-manca e Alessandra chi rappresentat su tzentru-destra e chi fit giai assessora a su tribagliu e vicepresidente de sa giunta Solinas. S’iscena est pronta po una cumpetissione politica ammaghiante e de determinu po su tempus benidore de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dea Mama: una de sas divinidades prus antigas de sa Sardigna.

Sa Dea Mama est una de sas friguras prus antigas e ammaghiantes de s’istoria de sa Sardigna. Si trattat de una divinidade feminina chi pro sas populassiones de sos tempos antigos mustraiat sa vida, sa naschida e sa saliosidade. Sos archeologos ant acciappidu medas istatueddas chi la mustrant in paritzos sitos de s’isulas, sinzu chi custa frigura teniat unu rolu importante meda in sa religione e sa cultura de sas comunidades antigas. Custos oggettos antigos sunt de mizza e mizza annos faghet, meda prima de sa tzivilidade nuragica.

Sas istatueddas de sa Dea Mama sunt casi semper pitticcas e fattas de terra cotta o in pedra. In casi tottus sas istatuas su corpus femininu est meda evidentziadu, cun tittas, bentre e costazos evidentziados. Custas formas non fuint unu particulare artisticu simple, ma teniant unu signifficu forte meda. Serbiant difattis a mustrare sa capatzidade de sa femina de dare sa vida. Pro sas populassiones antigas sa femina fuit bida comente una frigura sacra pro itte mustraiat sa naschida, sa creschida e s’andare a daenantis de sa comunidade.

In cussu tempus sa vida de sas pessonas fuit ligada a s’istrinta cun sa nadura. Sas comunidades biviant mescamente de laurantza e pesadura e dippendiant de su tottu dae sa saliosidade de sa terra.Si sos campos produiant pagu o si sos animales non proliffigaint, sa vida de sas biddas fuit in perigulu. Po custu motivu, sa saliosidade fuit cussiderada un’elementu de fundamentu e sa Dea Mama mustraiat propriu custa fortza de sa nadura capatze de ingendrare e nudrire sa vida.

Est probabbile chin sas istatueddas benzerent impittadas in su mentres de ritos religiosos o tzerimonias ligadas a sos mamentos prus importantes de sa vida de sa comunidade, comente sa semenadura, su regortu o sa naschida de sos pitzinnos. Pro mesu de custos ritos sas populassiones dimandaiant affianzu, bundantzia de sos regortos e primorosidade po sas biddas.

Sa Dea Mama fuit duncas bida comente una frigura amparadora chi garantiat s’ecchilibriu e su benessere. Intre sos oggettos prus connoschidos bi est sa Dea Mama de Turriga, un’istatuedda in terracotta de su terzu millenniu A.C. Sa frigura est bistada fatta sezzida cun sas manos supra de su bentre, unu gestu chi mustrat in manera crara su tema de sa maternidade e de s’ingendra de sa vida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22