In sa maestosa e sulenne guarnitza de sa Sala de su Cunsizzu de palattu Bacaredda, fraicu importante in su coro de Casteddu, si est fatta una tzerimonia de desamplada importantzia e signifficu artu. In custu cuntestu, lughizadu dae sa lughe de s’istoria e de sa tradissione, Irene Testa, eminente figura, impegnada in sa bardiada de sos dirittos de sas
pessones suggettas a affrontaduras de sa libertade personale, at retzidu su premiu de grandesa Ninetta Bartoli.

Custu riconnoschimentu, chi leat su numene dae sa prima sindiga de Italia, eleggida cun braga in sa bidda de importu de Borutta in su 1946, est un riconnoschimentu a sos chi si sunt annoddittados po s’impignu politicu alluttu intro de sas istitutziones, cun d’una attenzione particulare a s’impignu de sas feminas.

S’abbenimentu, organizadu cun cura e dedissione, est bistadu promovidu dae sa setzione de Casteddu de sa Fidapa(Federazione Italiana Donne Arti Professioni e Affari), assotziadu a sa pius connoschida BPW(Business Professiona Women)International. Sa tzerimonia de sa premiassione at bidu sa partezipatzione de personalidades distintas de sas istitussiones, commente su Presidente de su cunsizzu comunale de Casteddu e sos sindigos de sos comunes de Casteddu, Borutta, Arborea, Biddamassargia, Crabhas e medas atteros, tottus assortidos po tzelebrare s’impignu e sa dedissione de Irene Testa.

In su mentres de su solenne momentu, est bistada posta in evidentzia s’importanzia de su tribagliu inscansabbile de Irene Testa e sa dedissione sua po sos presoneris e sas pessonas debiles, e brivas de tutela. Su premiu li est bistadu dadu comente riconnoschimentu po s’impigniu sou custante e sa sensibilidade sua po cussos chi si accattana in situassiones de debbilesa intro de su sistema cumplicadu meda de sas presones.

In su discursu sou, prenu de commossione, cun su cale at atzettadu su premiu, Irene Testa at espressadu ingraenza arta po su riconnoschimentu de grandesa, evidentziande s’onore sou po essere bistada seperada po s’impignu sotziale sou. At arrebronadu s’importantzia de s’unidade de sos intentos po sa protessione de sos dirittos de sos omines e de sa dignidad de tottu sas pessonas, dedicande su premiu a sas mamas chi ant perdidu sos fizzos in daesegus de sas travessas, gai commente cussos chi ant gherradu po sa zustissia e sa veridade.

In mesu de custos, at mentovadu Augusta Zuncheddu, chi at dedicadu 33 annos de sa vida sua chircande
zustissia po su frade Beniamino Zuncheddu, testimonzande s’ostinassione e sa determina po affirmare sos valores de sa zustissia e de sa agualidade. Concruinde s’affriscionosu interventu sou, Irene Testa at iscramadu cun
braga e berbore: “Viva sa feminas!”, tzelebrande sa carraffale forza e s’animu de sas feminas in su cunfruntu cun sas porfias de sa sotziedade de oe, abberinde gai una pagina noa de isperantzia e unione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dea Mama: una de sas divinidades prus antigas de sa Sardigna.

Sa Dea Mama est una de sas friguras prus antigas e ammaghiantes de s’istoria de sa Sardigna. Si trattat de una divinidade feminina chi pro sas populassiones de sos tempos antigos mustraiat sa vida, sa naschida e sa saliosidade. Sos archeologos ant acciappidu medas istatueddas chi la mustrant in paritzos sitos de s’isulas, sinzu chi custa frigura teniat unu rolu importante meda in sa religione e sa cultura de sas comunidades antigas. Custos oggettos antigos sunt de mizza e mizza annos faghet, meda prima de sa tzivilidade nuragica.

Sas istatueddas de sa Dea Mama sunt casi semper pitticcas e fattas de terra cotta o in pedra. In casi tottus sas istatuas su corpus femininu est meda evidentziadu, cun tittas, bentre e costazos evidentziados. Custas formas non fuint unu particulare artisticu simple, ma teniant unu signifficu forte meda. Serbiant difattis a mustrare sa capatzidade de sa femina de dare sa vida. Pro sas populassiones antigas sa femina fuit bida comente una frigura sacra pro itte mustraiat sa naschida, sa creschida e s’andare a daenantis de sa comunidade.

In cussu tempus sa vida de sas pessonas fuit ligada a s’istrinta cun sa nadura. Sas comunidades biviant mescamente de laurantza e pesadura e dippendiant de su tottu dae sa saliosidade de sa terra.Si sos campos produiant pagu o si sos animales non proliffigaint, sa vida de sas biddas fuit in perigulu. Po custu motivu, sa saliosidade fuit cussiderada un’elementu de fundamentu e sa Dea Mama mustraiat propriu custa fortza de sa nadura capatze de ingendrare e nudrire sa vida.

Est probabbile chin sas istatueddas benzerent impittadas in su mentres de ritos religiosos o tzerimonias ligadas a sos mamentos prus importantes de sa vida de sa comunidade, comente sa semenadura, su regortu o sa naschida de sos pitzinnos. Pro mesu de custos ritos sas populassiones dimandaiant affianzu, bundantzia de sos regortos e primorosidade po sas biddas.

Sa Dea Mama fuit duncas bida comente una frigura amparadora chi garantiat s’ecchilibriu e su benessere. Intre sos oggettos prus connoschidos bi est sa Dea Mama de Turriga, un’istatuedda in terracotta de su terzu millenniu A.C. Sa frigura est bistada fatta sezzida cun sas manos supra de su bentre, unu gestu chi mustrat in manera crara su tema de sa maternidade e de s’ingendra de sa vida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22