Sa giovana erede de s’imperu de sas meighinas tedescu Basf, Marlene Engelhorn, ada abbisadu unu cinnu chene prezedentzes in su campile de sas donassiones, affirmande sa volontade sua de destinare una parte prus manna de sa fortuna sua, chi parede siada de 25 miliones de euros, po initziativas chi serbana a promovere sa distributzione de sa ricchesa.

In d’unu momentu in su cale s’abberela de sa politica parede siada de impedimentu po sos avantzamentos de sa paridade finantziaria, Marlene Engelhorn ada seperadu de si leare de persona, sa responsabilidade de unu cambiu signifficativu.

Po mandare a denanti custa initziativa loabile meda, sa picciocca chi tenede 31 annos, ada disignadu de creare unu cunsizzu indipendente cumpostu de 10.000 pessonas seperadas sighinde sa sorte, chi rappresentene sa popolatzione de s’Austria. Custu cunsizzu ada a essere incarrigadu de esaminare in manera attenta meda de detzidere supra de
sas cosas de faghere chi siana prus balidas poi ispartire una suma gai manna de inari.

Sa detzisione de Engelhorn, no est solu unu attu de generosidade, ma faghede cumprendere puru una visione padria de commente sa ricchesa tiada essere donata in manera ecua, binchende tottu sas cosas chi si faghene sempere, commente sas fundatziones de beneffatores privados.

Sas intentas de Marlene Engelhorn, fini giai bistadas comunicadas in bettada de sa morte de sa mannai sua in su 2022, poninde in evidentzia sa visione de custu afficcu de sa cundivisione de sa abbonidade.

Tottu custu ada a ponnere a pare unu cunsizzu indipendente de 50 chi istana in Austria, ischeriados in mesu de 10.000 seperados a casu dae unu Istitutu democraticu natzionale. Custos tzittadinos, chi ana a tennere un’edade de prus de 16 annos, ana a partetzipare a addobbios chi si ana a faghere in sos meses dae Martu a Lampadas cun ismastri de custu campu. In su mentres de custa dibatta, si ada a allegare e si ada a detzidere su determinu de sa ricchesa de Marlene Engelhorn, chircande de garantire chi custa suma, manna meda, benzada usada in manera
balida, e cun evidentzias supra de sa sotziedade de s’Austria.

S’afficcu de ponnere a pare sa popolatzione in custas dessisiones, este unu assempru nou de democratitzazione de s’ ispartidura de sa ricchesa, e ada a podere serbire commente ispirassione po atteras cosas commente custa a livellu de tottu su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Turismu, record novu po sa Sardigna: presentzias meda

Sos datos de s’istajone 2025 mustrados a sa Bit de Milano.

Su 2025 est bistadu un’annu eccetzionale po su turismu in Sardigna, cun numeros de record de bisitadores chi ant cunfirmadu s’isula intre sos logos prus disizados de su Mediterraneu. S’istajone at registradu una creschida custante in sos mesese de istiu e fintzas in s’istajone bassa, mustrande comente semper prus turistas seperent sa Sardigna fintzas in beranu e attonzu,attirados non solu dae sas plajas suas, ma fintzas dae sa ricchesa de cultura, natura e enogastronomia.

Sa capatzidade ritzettiva de s’isula est creschida meda, cun albergos e extra albergos novos, chi ant permittidu de accasazzare bisitadores chi arribant dae tottu s’Italia e dae fora. Intre sos istranzos sunt parizzos sos turistas chi arribant dae Germania, Francia, Svizzera e Regno Unito, mentres in Italia, sa Sardignas addurat unu logu preferridu po chie benit dae Lombardia e Lazio. Fintzas sos aeroportos de s’isula ant registradu una creschida de sos passezzeris, cunfirmande un’accreschimentu custante e s’interessu internatzionale pro sa Sardigna.

Addia de su turismu balneare, est creschinde meda s’offerta ligada a sos abbenimentos culturales, isportivos e a sa balorizzatzione de sos burgos e de sos caminos intre s’isula, chi at permittidu de dividere sos arrivos in atteras istajones e apparare esperientzias divressas. Abbenimentos comente su Giru de Sardigna in bicicretta e s’Americas Cup de bela in Casteddu sunt opportunidades importantes po faghere arribare bisitadores fintzas in sos meses chi benint cussiderados prus calmos, cun recaidas positivas po s’accolomia locale e po sos albergos de s’isula.

Su sutzessu de s’istajone 2025 cuffirmat s’importantzia istrategica de su turismu po s’accolomia sarda. Non si trattat solu de numeros e presentzias, ma de una parte chi dat unu contribbudu a mantennere bivu su connottu, balorizzare su patrimoniu naturale e culturale e creare logos de tribagliu. Sa Sardigna est mustrande de essere capatze de apparare unu turismu sustenibbile, divressu e de calidade, capatze de faghere arrivare bisitadores italianos e istranzos tottu s’annu.

Abbaidande a su tempus benidore, s’isula puntat a affortigare de pius custa creschida, imbestinde in sa promotzione internatzionale, in sa cura de sas iscroccas e in sa balorizzatzione de tottu su chi rendet sa Sardigna unica in sa bista de su mediterraneu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22