Est bistada un’impresa epica chi ada interessadu sa comunidade manna de appassionados de sos videojocos, cussa de unu giovanu giocadore de solu 13 annos, connoschidusupra de sos sociale media, cun su nomene de Blue Scuti, chi ada conchistadu unu percursu istraordinariu, accabbande Tetris po NES.

Custo jocu, meda connoshidu e amadu in tottu su mundu, e famadu po sa difficultade sua chi creschet sempere est bistadu affrontadu dau custu giocadore giovanu meda, in d’una partida chi c’ada leadu s’alenu e chi est durada 39 minutos.

In su mentres de custu tempus incredibile de jocu, su giocadore, bravu meda, est resessidu a controllare sa velocidade sempere pius manna de sos ladiris, giughinde su livellu de s’isfida a su massimu gradu.

Cando est arrivadu a su livellu 237, aiat giai pius de sette miliones de puntos, cantzellande pius de 1.500 lineas in su jocu. Custa cosa istraordinaria si est pottida biere in d’unu video de You Tube, otteninde s’ammiratzione de sa comunidade manna de appassionados de viedojocos.

Est importante meda ponnere in evidentzia chi Tetris po NES arrivada a sa velocidade pius arta partinde dae su livellu 29, e diventande meda diffitzile de lu controllare. Passare custu livellu, dimandada su controllu de tecnicas ispetziales chi potant superare cussos chi sunu sos limites de su controllu originale.

Sa partida de su giovanu Blue Scuti, at dimustradu no solu abilidades istraordinaria, ma puru una connoschentzia avanzada meda de sas regulas de su jocu. Su puntu pius artu de s’impresa est arrivadu a su livellu 237, cando su jocu ada isperimentadu unu crash, po unu cumportamentu isbagliadu de su programma. Bellecchì custas difficultades, paritzos espertos de cu stu jocu sunu giai chircande de resorvere custu problema tecnicu e de andare fintzas a su livellu 255, chi est cunsideradu s’urtimu livellu dae sos mattessi chi ana disignadu su jocu.

Sa partida istraordinaria de Blue Scuti, non solu aggiunghet unu capitulu nou a s’istoria de Tetris,ma est apprettande sa curiosidade e s’entusiasmu de jocadores de tottu su mundu, chi commo si dimandana si ada essre possibile de arrivare livellos noos de custu videojocu. S’istoria andada a daenanti, cun s’isperantzia chi atteros appassionados de tetris pottana ottennere ispirazione da custa impresa istraordinaria chircande de passare sos limites chi sunu bistados giai accattados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

In s’ambiente carrigu de emossiones de sa parrocchia de Istella Maris, s’artista prenu de talentu naschidu in Tortulè Mario Lai, at in finis cussinnadu una copia pretzisa de sa Cresia de Istella Maris a su parrocu sou, don Filippo Corrias. Naschidu in su 1954, Lai si delettat dae tempus a faghere monumentos de sa tzittade, mustrande una destresa e una passione chi lu marcant.

S’amore sou fungudu po sas bellesas de sa idda sua,Tortulè, si biet a subraera in sas operas chi faghet, donzuna prena de diligu e de unu apegu unicos.

Giai in passadu, s’abilidade artistica sua at acciappidu issida in sa copia de sa sea de sant’Andria, cussinnada a sa parrocchia ghiada dae don Crobeddu,coberande ammirassione e appretziamentu da tottu sa comunidade. Intames, custa borta, s’impignu sou si est cuncentradu supra de sa Cresia de Istella Maris.

Pustis de meses longos de dedissione e impignu, su fruttu de su tribagliu sou est bistadu bocadu a campu a sos ogios de sa comunidade sua. Sa Cresia de Istella Maris, fraigada in su 1966, torrat a bida como in tottu sa magnifficentzia sua, po mesu de custa copia fatta a manu. Donzi partigulare, dae su maestosu campanile a sos cumplicados tarassios de su portale, est bistadu copiadu cun abilesa e cura de sos particulares pius pitticcos, testimonzande s’amore e su rispettu chi Lai tenet po su patrimoniu de sos progettos de sa tzittade sua.

Usande taulas cun pius pizos, s’artista at ischidu acciappare s’essentzia e s’ambiente sacru de custu logu de cultu. Sos internos de sa Cresia, riccos de figuras e istoria, sunt bistados rendidos cun d’una pretzisione chi at aggioccadu, leandeche sos osservadores in d’una devossione e ispiritualidade fungudas.

Donzi angulu, donzi arcu e donzi pintura a friscu sunt bistados copiados cun d’una fidelidade istravanada, donande a sos ispettadores un’esperientzia de visione unica e chi istrasinat. S’integru de custa opera de arte est bistada accollida cun galabera e ingraenzu dae parte de sa comunidade de sa parrocchia, chi at pottidu iscoperrere sa bellesa e s’importantzia de su propriu logu de cultu po mesu de sos ogios de s’artista.

Gratzias a su talentu e sa dedissione de Mario Lai, sa Cresia de Istella Maris sighit a bivere e ispirare cussos chi si
accostant cun fide e devossione, mentres s’amore de s’artista po sas bellesas de Tortulè, brillant po mesu de donzi elementu de sa creassione sua, assentande s’istoria e religiosidade de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22