Connoschides su ritu de is candeberis?

In tottu s’italia, s’urtimu die de s’annu chi ch’est bessinde, e su primu de cussu chi est bintrande, est usantzia de pappare cosas chi siana de bonu auguriu po s’annu chi est bintrande.

Sas vainzeddas in manera particulare sunu unu simbulu de prosperidade e de auguriu de inricchimentu po s’annu nou. In Sardigna esistini finzas atteros ritos, commente, po faghere unu esemoiu, cussu de Is candeberis. Un’usanzia, custa chi est tipica de sa parte bassa de sa Sardigna e de sa zona de su Sulcis Iglesiente, p onde nominare calicunu, Flumini Majore, Gonnosfanadiga, Narcao e Arbus, est cussa de Is candeberis.

Su manzanu de su trintunu de su mese de Nadale, sos massajos de sas biddas abberiana sas giannas de sas domos insoro po offerrere a sos chi teniana pius bisonzu unu prattu de trigu cottu, su ranu cottu in su latte, (tipicu de su Sulcis Iglesiente) oppuru cottu in su binicottu( piusu in su Mediu Campidanu), commente auguriu de abbonidade e pospore po s’annu chi est bintrande.

In pius de essere unu auguriu bonu, su ranu chi beniat apparadu dae sos massajos, serbiada, supra de tottu in sos annos de de caristia e de e de mancanzia de cosa de pappare, po faghere in manera chi a su nessis in cussu die de s’annu, nissunu esseret fammidu. Sas chenas abbundantes de tando, non fini certu sas chenas cun meda cosa de pappare de oe, supra de tottu in sos tempos in sos cales di fidi de tirare sa chinta po meda.

A tempos de oe, custas difficultades de su passadu, las ammos irmenticadas, commente non irmenticamos de sos atteros chi sunu pius pagu fortunados de nois, pro itte bi este zente chi no tenede mancu sas cosas pius importantes chi serbini po bivere una vida chi pottada essere dignitosa.

Lunis, 6 de maju est bistada una die istorica po Lanusei, pro itte at bidu s’avviu de sa prima andala “atzessibile” de su tottu in Sardigna, un’opera chi sinzat unu passu in daenanti importante meda a sa parte de s’incluisione.

Custu disignu istravanadu est bistadu imbentadu e fattu dae su Comune de Lanusei, paris cun s’Agenzia Forestas e su’accottu de sos fundos PSR(GAL Ozzastra) e POR FESR(Regione Autonoma de sa Sardigna, assessoradu a s’ambiente, Forestas). Est bistadu unu protzessu chia at dimandadu tempus, impignu e dinari, ma chi at battidu a sa creassione de un’andala tzertificada e posta in manera uffitziale in su catastu de sas andalas regionales RES.

S’Andala Segura est meda pius de unu caminu simple; est un’esperientzia incluisiva chi abbratzat sa diversidade de sos omines, favoressende s’incluisividade sotziale e chircat de garantire s’agualidade de intrada po tottus.Cun d’una longaria de 1,6 km, custu percursu a forma de aneddu si innoigat in d’unu pianu graniticu artu de su monte Seleni, a milli metros supra su mare.

Su chi arrendit s’Andala Segura unicu, est sa grande accessibilidade, disignada po azzuare sas pessonas chi sunt marturas e non si podent movere, o de sos sensos e chi non cumprendent meda. Donzi afficcu est
bistadu curatu cun attentzione meda po garantire un’usu a sa sola, o cun assistentzia.

Su caminu est postu po su 90% in mesu de palos inue iscudere sos fustes, garantinde sa sicuresa po sos chi no bient o bient pagu. In pius, bi sunt puru accottos chi si podent toccare.

Po rendere su caminu meda pius atzessibile, bi at essere puru una carrotzedda chi andata a elettritzidade puru fora de su caminu, permittinde a meda pessonas de godire de su tottu de custa esperientzia in mesu de sa natura.

Su nomene” Andala Segura” muttit torra unu sensu de siguresa e cunfiantza, trasmittinde s’idea de unu caminu chi accollit e diffendet. Su trassadu de Andala Segura apparat non solu un’esperientzia de natura e bellesa de sa bista, ma puru sa possibilidade de iscumbattare chirros de interessiu po s’archeologia commente su nuraghe Gennacili e sas duas tumbas de gigantes. In pius, sos visitadores ant a tennere s’occasione de iscoperrere operas de arte de s’ambiente commente “Sa poesia abbaidat attesu” de Stefania Lai.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22