Cun s’arribu de su Nadale, sas temperaduras cumintzant a èssere prus bàscias, e sas tzitades sardas s’abrontant a acollire s’atmosfera màgica de sa Paschighedda, sa festa prus ammajadora de s’annu. Ocannu, sa Sardigna at a ofèrrere belle 70 eventos ispartzinados in diversas localidades de s’Ìsula, donende cuntentu e felitziadade a mannos e minores.

Babbu Nadale, ghiadu dae s’iscuadra de animadores, at a èssere su protagonista de deghinas de eventos chi ant a animare sos caminos e sas pratzas de sas tzitades sardas printzipales. Una chedda de elfos, animales de cumpangia, e stores ant a contribuire a creare un’atmosfera de festa e de ispàssiu.

Chenàbura  su 1 de nadale b’at a èssere s’aberidura de sos Mercateddo de Nadale in pratza Yenne e in su cursu Vittorio Emanuele II a Casteddu. Babbu Nadale e is assistentes suos at a èssere presente, paris cun tres de sos elfos, pro animare su bidditzolu màgicu de Nadale formadu dae caraterìsticas domigheddas in linna e pro nde boddire sas litereddas de sos pipios. S’incantu de su Nadale at a torrare a illuminare su coro cummertziale de Casteddu lunis su 4 de nadale.

Santa Claus at a èssere protagonista in su primu fine de chida de nadale cun duos addòbios ispetziales in Terrarba (Aristanis) e Ussassa (Ogiastra). Su 2 de nadale, Babbu Nadale at a fàghere tapa a su Vivàju Sentiero Verde de Terrarba, adobiende sos pipios de sa zona. Domìniga, in su padente Niala, in su ristorante omònimu, piseddos e babbos ant a tènnere s’oportunidade de pràndere in cumpangia de su betzu cun sa barba bestidu de ruju.

S’atmosfera de Nadale no at a acabbare in su fine de chida ma at a sighire  finas a su 6 de ghennàrgiu, cun una sèrie de eventos prevìdidos fintzas a Aristanis, Tàtari, Nùgoro, Serdiana, Sant’Andria de Frius, Barì, Crabonaxa, Biddexidru, Serri, Pauli, e Pula.

In Casteddu, sos apassionados s’ant a pòdere gosare de momentos ispetziales in La Rinascente, Good e Palatzu Doglio. Sa Corte de s’hotel 5 isteddos at a èssere su palcoscènicu de sa Festa de s’Immaculada. In prus, ant a sighire totu su mese sos addòbios in sos mercatinos de su tzentru de su cabulogu, oferende a residentes e visitadores s’oportunidade de s’atzufare in s’atmosfera incantada de sas festas de Nadale e Annunou.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22