In su coro de sa Sardigna, una terra rica de istòria e arcanu, s’agatat unu monumentu preistòricu istraordinàriu e raru chi faghet cùrrere s’imaginatzione de chie tenet modu de lu bisitare: su Dolmen de Motorra. Custu monumentu funeràriu antigu est un’esèmpiu etzetzionale de unu dolmen a passadissu- Amus a iscobèrrere sos segretos e s’importu de custu giassu, chi nos cunsentit de fàghere unu biàgiu in su tempus, atzufende·nos  in s’istòria e in sa cultura millenària de sa Sardigna.

Postu su territòriu de su comunu de Durgali, in sa provìntzia de Nùgoro, su Dolmen de Motorra est atzessìbile colende dae su caminu panoràmicu de sa SS 125. Custu caminu oferit a sos visitadores un’esperièntzia ùnica in mesu a sos montes maestosos, baddes birdes e sas costas lughentes de su mare sardu. Su percursu ebbia pro cròmpere su dolmen est un’aventura istraordinària.

Custu monumentu funeràriu, unu de sos prus antigos de sa Sardigna, est un’esèmpiu raru de dolmen a passadissu. Fraigadu cun sa pedra de preda niedda, su Dolmen de Motorra est costituidu dae elementos fichidos in su terrinu chi essint dae sa terra, sustentende una lastra de cobertura manna e irregulare, chi mesurat unos 2 metros de diàmetru. Custa istrutura poligonale, isculpida e traballada dae sos millènnios de espositzione a su tempus, rapresentat una testimonia bera de sa cultura preistòrica sarda.

In su tempus passadu, unas cantas lastras verticales aiant in pitzu àteras lastras, creende unu passadissu elegante chi giughiat a sa càmera funerària. Custa càmera, inghiriada dae aneddos de pedra, serbiat comente  logu de interru pro sos mortos de s’època preistòrica. Ma su dolmen teniat fintzas unu significadu prus fungudu: serbiat comente  logu de cultu e de memòria, sutaliniende s’importu de custu monumentu in sa fida de sa comunidade locale.

Su Dolmen de Motorra, cun s’istrutura architetònica artìstica ùnica, abarrat unu de sos giassos preistòricos prus dèchidos de sa Sardigna. Cada annu, medas visitadores de totu su mundu andant a Durgali pro ammirare sa bellesa de custu logu isspantosu. Su giassu est una testimonia de s’istòria millenària de sa Sardigna e de sa cultura sua. Su tempus paret  chi inoghe si siat firmadu, cunsentende·nos de torrare a bìvere unu passadu dèchidu chi est abarradu intatu sèculos e sèculos fians a sas dies de oe.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22