Su campione de s’Al-Nassr est istadu “tropu istimosu” cun un’artista chi l’at regaladu unu cuadru. Pro su còdighe penale iranianu Ronaldo at cumìtidu su reatu de adultèriu e como arriscat meda.

Cento caladas de fuste a Cristiano Ronaldo si at a torrare a pònnere pee in Iràn. Segundu su còdighe penale iranianu, su giogadore portoghesu diat àere saludadu in maneta tropu afetuosa  s’artista Fatemeh Hammami Nasrabadi, cummitende un’atu de adultèriu.

CR7 resesset semper a fàghere faeddare de sese. Custa borta, però, su binchidore pro 5 bias de sa Botza de Oro, no est finidu in sos giornales pro sas capatzidades atlèticas suas, ma  pro un’acusa de adultèriu chi in Iràn benit punidu cun 100 frustadas.

Chircamus de cumprèndere mègius: in trasferta in Teheràn cun s’Al-Nassr, su campione portoghesu at addobiadu a s’artista Fatemeh Hammami Nasrabadi, fèmina de 37 annos chi resesset a pintare impreende sos pòddighes de sos pees e chi aiat realizadu unu retratu de su giogadore.

Issu l’at intregadu una malliedda sua, saludende·la cun tropu istima, chi, però, segundu su còdighe penale de Teheràn unu gestu comente a cussu, podet èssere interpretadu comente adultèriu e si èsseret a torrare a pònnere pee in Iran

In su vìdeu si bidet su campione de fùbbalu saludende cun un’abbratzu s’artista. Posca sas fotos de ritu, in antis cun sas òperas de Nasrabadi e posca cun sa malliedda de su nùmeru 7. Fatu fatu, in antis de si saludare e de si lassare, torrat a abbratzare sa fèmina e li donat unu basu in cherveddos.

De seguru unu gestu bellu,  làstima però chi pro su còdighe penale iranianu siat cunsideradu adultèriu, e pro custu su calciadore diat dèvere pagare una pena de chentu frustadas. Su campione portoghesu, pro mègius seguresa, tando l’at a cunbènnere a non torrare a pònnere pee in Iràn, a su mancu pro unu bellu pagu de tempus.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

S’iscola frantzesa de s’aggregamentu Nitting-Voyer-Hermelange, posta in sas campagnas prenas de espressione a costazzu de Sarrenbourg, Mosella, in sa parte norti orientale sa Frantza, at dae pagu tempus accollidu battoro istudiantes novos in su corpus de sos istudiantes. Ma bi est una particularidade chi non si podet creere: custos istudiantes non sut umanos, ma battoro berbeghes prenas de gratzia.

John Deere, Valeriane Deschamps, Phil Tondus e Marguerite Duprès, sunt sas berbeghes chi ant acciappidu logu in sas aulas de s’iscola, in d’una protesta prena de intriscu contra sas regulas chi amminettaiant sa serrada de classes cun d’unu numeru mancante de istudiantes.

Sa situassione fit critica: su ministeru de s’istrutzione frantzesu aiat istabilidu chi po mantennere funtzionante sa cuinta de s’iscola elementare in su mese de capidanni, sos tres comunes teppiant tennere a su nessi 98 iscrittos. Bell’e gai, su numero de sos istudiantes fit firmu a 94.

Po binchere custa porfia, su sindigu prenu de inzeniu e s’uffitziu iscolasticu ant dezisu de leare in prestitu battoro berbeghes dae unu gentile massaju de su logu. Donzi berbeghe est bistada trattada cun sa mattessi guera de un’istudiante beru: est bistada assinzada a issas una famiglia adottada, unu indiritzu e puru una data de naschida. Sos particulares sunt bistados controllados cun meda attentzione e sos dossier finidos sunt bistados
mandados a su Ministeru de s’istrutzione, cun s’azzudu e sa collaboratzione de s’uffitziu de su comune.

Ma pro itte berbeghes? Commente ispiegat Loic Firtion, presidente de s’assotziu de sos babbos e sas mamas,” a differentzia de sas berbeghes, sos pitzinnos non tepent essere trattados commente numeros”. Custa movida disabbuda at battidu unu nuntzu forte meda supra su bisonzu de trattare sos istudiantes cun sentidu chi benit dae intro e individualidade, imbetzes chi los relegare a tzifras simples in d’unu fozu de calculu.

S’accollidura riservada a sas berbeghes dae parte de sos istudiantes beros est bistada carda meda e prena de ispiritu. Sos cumpanzos de classe ant preparadu cartellos de benennidu e ant creadu unu chintu pitticcu fora de s’iscola, in manera chi sas berbeghes poderent passare su tempus insoro in trancuillidade cando fint in iscola.

Custa protesta disabbuda , non solu at postu s’attentzione supra sa situassione critica de sas iscolas de campagna, ma at puru promovidu unu nuntzu de incluisione e rispettu po donzi membru de sa comunidade iscolastica, umanu o animale chi siat.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22