In intro de s’istàdiu Amsicora de Casteddu, unu murale nou dedicadu a su mìticu Gigi Riva at a èssere presentadu a su pùblicu su 22 de santugaine imbeniente. Custa òpera de arte, chia at a èssere manna 5 metros de artària e 6 metros de larghia, at a èssere posta a s’intrada de su logu istòricu acanta su Casteddu at conchistadu s’iscudetu in cussa istajone memoràbile 1969/70. S’arte chi tzèlebrat su fùbbalu e sos eroes suos est unu tributu afetuosu a cussu chi est istadu apanigiadu su “Rombo di Tuono” e chi at agiuntu una pàgina de oro in s’istòria de su fùbbalu italianu.

A cuncordare custa creatzione istraordinària ant a èssere  sos artista santuaijesos de s’Assòtziu Culturale SKIZZO, ghiados dae Giorgio Casu. Custu no est su primu tentativu de s’assòtziu de onorare a Gigi Riva: in su 2017, cun sa ghia de Paolo “Mamblo” Mazzucco, fiat istadu fatu unu murale mannàciu pròpiu in Santu ‘Ainju, chi finas a tando rapresentaiat su donu prus mannu a su giogadore de su Casteddu.

Su chi faghet custu progetu galu prus ispetziale est chi si tratat de un’initziativa populare chi non dipendet dae finantziamentos pùblicos o privados. Su presidente de su Comitadu “Una statua Gigi Riva,” Pietro Porcella, sutalìniat comente  custa initziativa rapresentet unu tributu meritadu dae un’òmine chi at semper incarnadu sos valores prus nòbiles de s’ètica sotziale e isportiva. Gigi Riva est istadu un’esèmpiu de fidelidade a sa tzitade sua e a sa regione sua, devenende unu sìmbulu de orgòlliu pro Casteddu e sa Sardigna intrea.

Ferdinando Secchi, membru de su Comitadu, cumpartzit custa matessi bisione e agiunghet chi, essende cumbintos chi fiat pretzisu a mantènnere bia sa reconnoschèntzia in sos cunfrontos de custu òmine mannu, si sunt dedicados cun determinu a custu progetu. A su postu de s’istàtua proposta, su murale at a èssere presentadu cun orgòlliu domìniga su 22 de santugaine a sas 18.00, a s’intrada s’istàdiu Amsicora. Custa òpera de 30 metros cuadrados, at a èssere unu donu a sa  mannesa de Gigi Riva e fintzas unu invitu a  sas generatziones benidoras a sighire sos arrastros nòbiles suos.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa proposta de leze Pratobello 24 arribat in Cunsizzu regionale:partit s’iter istitutzionale.

Sa proposta de leze de initziativa populare Pratobello 24 bintrat in finis in su caminu istitutzionale de su Cunsizzu regionale de sa Sardigna. Su presidente de su Cunsizzu, Piero Comandini, at accraradu s’imbiada de su testu a sas cummissiones cumpetentes, faghinde partire s’iter de s’esamene chi prevedit su regulamentu de su Cunsizzu e marcande unu coladorzu isettadu dae meses dae sos chi ant poderadu s’initziativa.

Est unu risurtadu importante no solu supra su pianu de sas protzeduras, ma puru politicu e de signifficu. Pratobello 24 naschet, difattis, dae unu appellu populare mannu e partetzipadu: in s’istiu de su 2024 sos obreris fundadores ant regortu 211.000 frimas in tottu s’isula, unu numeru istravanadu chi testimonzat s’interessiu e sa partetzipassione deretta de una parte manna de sa cittadinantzia supra sos temas a su tzentru de sa proposta.

Cun s’assignadura a sas Cummissiones, si aberit como unu mamentu de cunfrontu e devuccamentu. In su mentres de sos tribaglios istruttorios ant essere iscurtados sos delegados de sos comitados chi ant fattu partire s’initziativa, chi ant podere faghere intendere sas resones insoro, e sos intentos de sa proposta de leze, naschida dae s’imbassu e fraigada po mesu de unu percursu de partetzipassione isparta. Sos ascurtos ant essere unu mamentu crae po garantire unu faeddu derettu
intre istitutziones regionales e tzittadinos, in su signu de trasparentzia e cundivisione.

Sas Cummissiones ant aere sa faina de controllare su testu, baludare sas osservatziones o probostas de modifica e faghere sa relatzione po la faghere arribare in Aula. Solu a s’accabbu de custu coladorzu sa proposta at podere essere chistionada e votada dae su Cunsizzu regionale, giammadu a narrere su parrere suo supra de un’initziativa chi at giai mustradu una lezittimassione populare manna meda.

S’intrada formale de Pratobello 24 in Cunsizzu regionale est duncas unu coladorzu importante in su caminu legislativu sou e unu bancu de proa po sos istrumentos de democratzia de intzidida chi prevedint sas lezes regionales. Unu signale importante fintzas supra su rolu de sos tzittadinos in sas detzisiones, giamados no solu a espressare cunsensu, ma fintzas a dare unu contribbudu in manera attiva a su fraigu de sas politicas pubbricas chi appartennent a su tempus benidore de sa Sardigna.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22