Sa startup austrìaca Revo Foods est resèssida a fàghere su primu salmone veganu imprentadu in 3D in Europa, oferende un’alternativa sustenìbile a s’alimentatzione traditzionale a base de pische. Custos filetos, realizados cun micoproteinas bogadas dae sas antunnas e grassos vegetales, s’assimbìgiant siat in su gustu, siat in s’aèrgiu su salmone traditzionale. Sos ingredientes includent micoproteinas, proteinas de soia, ògiu de sèmenes de girasole, gelificantes, aromas, vitaminas, colorantes e àteru ancora.

Segundu Revo Foods, su salmone veganu tenet unu impatu ecològicu meda inferiore respetu a su salmone traditzionale, cun una reduida de su 77-86% de sas emissiones de CO² e de su 95% de su consumu de abba durche.

Custa innovatzione est una bortada significativa in su mercadu emergente de sos alimentos ìticos alternativos, mirende a reduire s’impatu ambientale de sa pisca industriale. Mancari su setore at bidu investimentos mannos meda, peruna azienda aiat galu cròmpidu sa difusione de Revo Foods.

Su salmone veganu at otentu unu grandu interessu, causende s’ade iscortas agabbu de totu sas provistas giai dae sa primu chida de bèndida in Vienna. Nointames, su prètziu de 7 èuros pro 130 gramos e s’impreu de s’imprenta 3D in su setore alimentare intzitant unos cantos pessamentos. Sos imbentores cren chi sos  costos s’ant a abbassare cun s’espansione de sa produtzione e sutalìniant chi sa tecnologia  3D est paragonàbile a àteros protzessos industriales alimentares giai impreados.

Cando chi su salmone veganu rapresentet un’alternativa prus sustenìbile a sa petza bovina, contribuende a reduire s’isfrutamentu de sas risursas de su mare e s’incuinamentu de microplàsticas, su disafiu printzipale at a èssere conchistare su pùblicu, andende  prus addae de su giru de clientes chi sunt atentos a sas chistiones ambientales. Nointames, sos imprendidores creent chi ofèrrere intreveradas bàlidas potzat  ispìnghere a bellu a bellu sos consumadores cara a sèberos  alimentares prus responsàbiles e sustenìbiles.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Su Carrasegare in Sardigna: ritos e caratzas antigas e identidade chentza tempus.

Su Carrasegare in Sardigna est meda prus de una festa in caratza. Est unu ritu de tottus chi affundat sas raighinas suas in tempos attesu meda, intritzinde connottu paganu, conas agrarias e devossione populare. Sas tzelebrassiones de carrasegare in s’isula si annodittant po sa presentzia de caratzas antigas, fattas in linna o suerzu, e de costumenes carrigos de signifficos ideales. Donzi bidda custoit su propiu Carrasegare, cun ritos e personalidades unigas, dassadas dae ingendra a ingendra e ligados in manera funguda a su tziclu de sa nadura e su mundu agropastorale.

Intre sas bogadas a campu prus nodidas bi est su carrasegare de Mamujada, in su coro de sa Barbagia. Inoche isfilant sos tzelebres Mamuthones e Issohadores, friguras prenas de misteriu chi incarnant unu ritu dae sa frigura forte. Sos Mamuthones, cun sas caratzas insoro nieddas e sos marratzos pesantes ligados a s’ischina, andant a daenanti cun passos lentos e ritimigos, cun su sonu cottu de sas campanas.

Accanta a issos si movent sos Issohadores, bistidos de ruju e biancu, chi cun d’una fune acciappant baltzigamente sos ispettadores, cun d’unu gestu de bonu auguriu.

In Otzana, in su Nugoresu, su Carrasegare est dominadu dae sas caratzas de sos Boes e Merdules. Sos primos mustrant sos animales, sos boes, mentres sos secundos incarnant sos meres insoro. Sa manifestassione est un bera e propria apparada de teatru a s’abbertu, chi mustrat s’appitzigu de cuntrastu e a su mattessi tempus vivu intre s’omine e sa nadura, intre istintu e controllu.

Atterettantu ammaghiante est su Carrasegare de Oroteddi, cun sos Thurpos, friguras trinas e imbruttadas cun foddine, chi ammentant massajos e pastores. S’aera insoro modesta po seperu, muttit sa fatiga de su tribagliu in sos campiles e s’asprighine de sa vida in campagna, mentres sa protzessione paret unu ritu de puriffigassione e de torrare naschere.

In su tzentru de Aristanis bi est sa Sartiglia, una de sas manifestassiones cun sos caddos prus antigas de su Mediterraneu. Inoghe su Carrasegare leat unu carattere ispettaculare e sulenne: parigliantes cun sas caratzas si affilant cun sos caddos po chircare de infertzire un’istedda appiccada in artu, in d’unu ritu chi ponet impare abbilesa, fortuna e sacralidade. Sa Sartiglia est unu mamentu tzentrale de s’identidade de sa tzittade e est sighida dae medas ispettadores .

Attività realizzata col contributo della Regione Sardegna — IMPRENTAS 2025-2026. LR 22/2018, art. 22