Giorgia Banchero, Najibe Zaher, Alessandro Sanna e Simone Picci, sunt issoro, sos giòvanos tra  18 e 24 annos, de Casteddu, Ceraxus e Assèmini, mortos in s’intzidente de aborada de Marconi. Duos àteros pitzocos chi fiant in  una Ford Fiesta cun issos sunt fertos ma foras de perìgulu in su Policlìnicu e in s’Ispidale Brotzu.

Sa tzitade est istada ischidada dae sos sonos de sas sirenas chi chircaiant de lòmpere su logu de s’intzidente in s’arborada de Marconi, a s’artària de s’asse medianu. A dolu mannu, pro sos bator giòvanos isfortunados, non b’est istadu perunu isperu. Imbetzes.

Sa serada fiat comintzada i n su Poetu,  posca a s’arbèschida si fiant postos in màchina pro torrare a tzitade, ma in pagos segundos, ant adobiadu unu destinu malu. Est un’istòria chi, a dolu mannu, si repitet a s’ispissu in custos annos, ma at a èssere impossìbile de ismentigare pro sos parentes e sos amigos de sos giòvanos mortos e feridos. At a èssere serbire tempus e una indàgine longa pro cumprèndere sas càusas de custa tragèdia.

S’intzidente drammàticu est acontèssidu oe sas 5 de su mangianu. In  su logu de s’intzidente sunt intervènnidos chimbe echipàgios de su 118, sos pompieris, sos Carabineris e medas unidades de sa Politzia Locale, coordinadas dae su Tenente Coronellu Margagliotti Sergio.

A pustis, fintzas su Cumandante de sa Politzia Locale Giambattista Marotto e su Majore Gesuina Olmetto, Ufitziale in Positzione Organizativa de sa Politzia Locale de Casteddu, si sunt unidos pro sas iscumbatas.

Dae una prima ricostrutzione, paret chi su veìculu interessadu, una Ford Fiesta cun ses pitzocos chi finat biagende dae Casteddu conca a Cuartu  cando, at corfidu unu martzapee e e posca unu pilastru a oru de caminu, bortende·si. Unos cantos giòvanos sunt istados iscutos a foras de su veìculu e bator de issos ant pèrdidu sa vida. Sos àteros duos sunt ricoverados, unu in s’Ispidale Brotzu de Casteddu e s’àteru a su Policlìnicu de Pauli, ma sas vidas issoro non sunt in perìgulu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Casteddu in difficultade: terza derrotta una fattu de s’attera e sa Cremonese si accurtziat.

Su Casteddu est bivinde unu mamentu complicadu meda.S’isquadra at perdidu po sa terza borta una fattu de s’attera e como sa classifica faghet un’attera borta frea. Sas atteras isquadras chi battagliant pro si salvare sunt recuberande puntos, e su vantazu de sos ruju e blau si est minimande semper de prus.

Su peus nuntzu est arrivadu dae Parma, inube sa Cremonese at binchidu.Cun custu risurtadu est arribada a solu tres puntos dae su Casteddu. Custu cheret narrere chi sa battalla po addurare in sa categoria est abberta de su tottu.

Sos numeros de sas urtimas partidas sunt negativos meda. In sas urtimas sette partidas, su Casteddu at leadu solu duos puntos. At perdidu chimbe bortas e pareggiadu duas. Est unu de sos peus risurtados intre sas isquadras chi chircant de si salvare. Eppuru, pagu tempus faghet, sa situsassione pariat divreassa meda: tres binchidas una fattu de s’attera aiant fattu isperare in d’unu finale de istajione prus tranchillu. Pustis de cussu mamentu positivu,peroe, s’isquadra si est frimmada. Fintzas sa sotziedade aiat leadu detzisiones pensande chi su peus esseret passadu, comente sa bendita de Luperto propriu a sa Cremonese, chi como est una cuncurrente diretta.

Sa classifica est ancora intzerta. Fintzas atteras isquadras si podent accostare o binchere su Casteddu. Sa Fiorentina diat podere andare a daenantis, mentres su Lecce podet tennere sos mattessi puntos. Tottu at a dipendere dae sos risurtados de sas partidas imbenientes prima de sa frimmada. Su mese de Aprile at essere importante meda. Su Casteddu at a deppere accomettare su Sassuolo in domo sua e pustis at a giogare in domo contra sa Cremonese. Sunt duas partidas de fundamentu pro cumprendere comente at andare a si accabbare s’istajone.

S’isquadra at a torrare a si allenare martis in Assemini, ma bi ant  essere medas ausentzias. Carchi giogadore est impignadu cun sa natzionale sua, comente Caprile e Palestra cun s’Italia. Fintzas Kilicsoy e Obert non bi ant a essere, gai comente Sulemana e fortzis Litetas, chi no est a su menzus. Unu nuntzu bonu arribat dae Borrelli, chi est recuberande e diat podere giogare dae s’incumintzu de sa prossima partida. Sa torrada sua est importante, pro itte su Casteddu at sinzadu pagu in sas urtimas partidas.

Como su Casteddu non podet prus isbagliare. Serbit una reatzione lestra pro evitare de finire in mesu de sos aggios. Sas partidas imbenientes ant a essere detzisivas pro si salvare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22