Su Casteddu Calcio est cuntentu e bregiosu de annuntziare a totu sos tifosos suos s’achistu de sos deretos a sas prestatziones isportivas de su calciadore Gaetano Oristanio chi si trasferit a Sardigna dae s’Internatzionale cun sa fòrmula de su prèstidu cun deretu de riscatu e contra-riscatu.

Naschidu in Vallu della Lucania, classe 2002, creschet dae su puntu de vista de su fùbbalu in su setore de giòvanos noeddu-asuolos in ue at bintu sos campionados Under 16 e Under 17. In sa Primavera colletzionat 42 presèntzias totales cun 10 gol e 6 traversones, protagonista in su percursu chi in s’istajone 2019/20 conduit  s’iscuadra finas a sos cuartos de finale de su campionadu Uefa Youth League (3 retes in 6 garas giogadas).

In s’istiu 2021 si nche tràmudat a s’èsteru in prèstidu a s’iscuadra olandesa de su Volendam: in  sa prima istajone sua intre sos professionistas falat in campu 35 bias e marcat bene 7 retes, contribuende a sa conchista de sa promotzione in Eredivisie. Est in su Volendam fintzas su campionadu sutzessivu pro si pònnere in giogu in sa màssima sèrie olandesa: gogat 27 garas (1 gol e 3 passàgios) e est intre sos autores de sa sarvesa.

Intre sos mègius giogadores de sas natzionales de giòvanos asulos, cun sas cales at colletzionadu finas a como 30 garas e 7 retes, at giogadu cun s’Under 17 sos Mundiales de categoria in Brasile in su 2019. At esordidu in Under 21 in Itàlia-Lussemburgu 3-0 de su 6 de làmpadas 2022.

Mancosu naturale, impreadu mescamente comente  trecuartista, podet giogare fintzas cun su ruolu de esternu de atacu. Tècnica e bisione de giogu faghent de issu unu pretziosu “òmine assis”t; sa progressione sua botza in su pee, su dribblàgiu sicu, sa capatzidade de s’insertate, li cunsentint de arribbare cun fatzilidade a sa concrusione e agatare su gol gràtzias a unu tiru forte e pretzisu.

Ànimu  e talentu a su servìtziu de s’iscuadra: bene bènnidu a Sardigna, Gaetano!

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Bisestu grae a Igrèsias: betzu abbuttinadu dae unu camiu in s’attraversamentu po sos pedones.

Unu bisestu grae in carrela at iscuttuladu eris manzanu sa tzitade de Igrèsias, cando un’òmine de 75 annos est istadu abbuttinadu dae unu camiu mentres traessaiat sa carrela in s’attraversamentu pro sos pedones de sa carrela de Venètzia. Su betzu est istadu luego azuadu e leadu in còdighe ruju a s’ispedale Brotzu de Casteddu pro more de sas fèrtas tentas, calicuna de sas cales grae in manera particulare.

Segundu sas primas novas, su bisestu est acontèssidu a manzanu tardu, ma sos motivos pretzisos sunt ancora de cumprendere. S’òmine, segundu testimonzos presentes, fiat traessende cun atentzione cando su camiu l’at collidu. Su corpu l’at ghettadu subra de s’asfaltu, causende-li fèridas chi si bidiant e fertas a conca.

Su agghiadore de su mezu, aggiorottadu, s’est firmadu luego pro dare azudu e abisare sos servìtzios de emergèntzia. In su logu sunt intervennidos cun lestresa sos agentes de sa politzia locale e sos carabbineris, chi ant serradu deretu una parte de sa carrela pro permìtere s’arrivu de sos succursos e garantire sa siguresa de sa zura. Pagu a pustis est arrivada un’ambulàntzia de su 118, chi bìdas sas cunditziones crìticas de su betzu, at dimandadu s’interventu de s’elissuccursu pro che lu leare cun lestresa a s’ispidale Brotzu de Casteddu.

Segundu su chi ant relatadu sos duttores, s’òmine at tentu unu corpu grae in conca e medas segadas in sas ancas. In su mamentu, sas cunditziones suas sunt graes meda e sos duttores sunt compudande sas cunditziones suas donzi mamentu. Sas fortzas de s’ordine sunt sighinde sas chircas pro cumprendere s’andamentu pretzisu de su bisestu, ascurtande testimonzos e controllande sos resurtados de sas registratziones vìdeu de sa zura. Non si podet escluire chi fatores comente sa lestresa de su mezu, sa visibilidade o sa distratzione pòtant àere dadu contribbudu a su bisestu.

Su bisestu at creadu preoccupatzione manna intre sos tzittadinos de Igrèsias, meda de sos cales ant ispainadu timoria subra de sa siguresa de sos pedones, subra de totu in zura punnadas dae betzos e pitzinnos.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”