Tesla faghet s’intrada sua in su mundu de su nolitu automobilìsticu italianu, e sa tzitade de Casteddu s’ammàniat a acollire custa innovatzione. A printzipiare dae su mese de trìulas de ocannu at a èssere possìbile nolitare una Tesla Model Y, unu SUV de mannia mèdia, a traessu  su servìtziu de nolitu ofertu dae sa sotziedade locale.

Sa Tesla Model Y est unu veìculu 100% elètricu, alimentadu dae unu dòpiu motore a tira integrale, chi garantit prestatziones ispantosas. Cun un’atzelerada dae 0 a 100 km/h in  3,7 segundos ebbia e una lestresa màssima de 250 km/h, custa vetura promitet un’esperièntzia de ghia istravanada. S’autonomia sua nche isciaddet sos 500 km cun una càrriga ebbia, cunsentende biàgios longos sena pessamentos.

In prus, sa Tesla Model Y disponet de unu sistema de ricàrriga lestra in sas istatziones Supercharger de Tesla. In  15 minutos ebbia de càrriga, est possìbile otènnere un’autonomia agiuntiva de 241 km. Custu signìficat chi sos impitadores de su nòlitu ant a pòdere godire de sas funtzionalidades de una Tesla fintzas pro percursos prus curtzos sena s’apessamentare de s’autonomia resìdua.

Sa seguridade est una prioridade pro Tesla, e sa Model Y at otentu su puntègiu màssimu de 5 isteddos in sa valutatzione de seguridade Euro NCAP de su 2022. Custu cunfirmat s’aficu de s’azienda in su garantire su màssimu amparu pro sos ghiadores e pro sos passigeris.

Cun s’introdutzione de sa Tesla Model Y in su nòlitu de sas autoveturas de Casteddu, s’aberit unu capìtulu nou pro sa mobilidade sustenìbile e s’impreu de veìculos elètricos in Itàlia. Custa initziativa rapresentat unu passu a in antis in sa promotzione de una mobilidade prus neta e contribuit a sa reduida de sas emissiones de gas serra.

S’arribu de sa Tesla in su car sharing de Casteddu marcat unu traguardu mannu pro s’Itàlia, aberende su caminu a s’impreu difusu de veìculos elètricos de gama arta. At a èssere interessante osservare comente custa novidade at a bènnere acollida dae sa comunidade e cale impatu at a tènnere in sa mobilidade urbana e in sa sensibilizatzione cara a sa sostenibilidade ambientale.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Brevettes,Italia intre sas primas deghe in Europa: sinzales positivos mancari sa minimada.

Fintzas si si registrat una minimada pitticca in su numeru de sos brevettes, s’Italia resessit su mattessi a bintrare intre sos primos 10 Paisos in Europa. In su 2025,dittas e imbentores italianos ant presentadu 4.767 dimandas de brevettes, unu datu chi est minimadu de pagu cunfrontadu a s’annu passadu. Mancari custa minimada,peroe,s’Italia resessit a mezzorare sa posissione sua in sa classifica,arrivande a su postu 10 in su mundu e cunfirmandesi intre sos Paisos europeos prus attivos in custu campu.

Su campu chi si mustrat prus forte est cussu de sas carraduras e de sas macchinas, chi sighit a creschere mancari in su mentres atteros campos abbraccant.Appena pustis si agattant sas tennologias ligadas a sa movida de sas mertzes,comente sistemas de carradura e imballazu,sighidas dae macchina ispetziales e inzenneria tzivile. Unu cinnu positivu arribat fintzas dae sa creschida de su brevette unicu europeu, una cosa chi permittit de diffendere un’imbentu in prus Paisos cun d’una dimanda sola. Custa cosa faghet divennere simples sas protzeduras e minimat sos pretzios,facilitande pro sas ditta pitticcas e medias, ma fintzas pro sas universidades e tzentros de chirca, de tutelare sas ideas insoro e las ponnere in su mercadu.

Propriu in su campu de sa chirca pubbrica si annodittat su Cunsizzu Natzionale de sas Chircas, chi si cunfirmat intre sos interpretes printzipales in Italia e tenet unu bonu risurtadu fintzas a livellu europeu. Custu mustrat s’importantzia de sa chirca pubbrica po agguantare s’isviluppu e creare opportunidades novas. Mancari sos signales chi dant corazzu, addurant peroe difficultades. Sa minimada, mancari pitticca, in su numero de sos brevettes mustrat chi bi est ancora bisonzu de accomettare de prus sas dittas e sos imbentores, mescamente in d’unu campu internatzionale semper prus in cumpetissione. In prus,est de fundamentu minimare sas differentzia in sas zuras de s’Italia.

In tottu custu, s’Italia mustrat de tennere ancora capatzidades bonas in su campu de modernizzassione,resessinde a mantennere unu postu importante in Europa. Intamen, po mezzorare de prus at essere netzessariu imbestire de prus in sa chirca, accomettare sas dittas e azzuare sos zovanos a revertire sas ideas insoro in disignos chi si pottant faghere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22