“Mi faghes rìere. Andas puru a agiuare, deo m’apo a agatare calicunu àteru. Adiosu”. Custu su messàgiu retzidu in WhatsApp dae su mere de traballu.

A 24 annos, s’istudiante universitàriu est istadu lissentziadu deretu a pustis de àere pedidu duas dies a su mere de traballu pro andare a Emilia a agiuare sos isfollados de s’alluvione. Faghiat su porta pizzas pro una pizzeria  in su fine chida.

Su nùmene suo est Marco Santacatterina. Su titulare lu diat àere bogadu de su traballu in WhatsApp cun unu messàgiu lègiu, ricu de insullos e de ofesas. Su pitzocu no at chertu fàghere su nùmene de sa pizzeria pro evitare de la pònnere a sa brallina mediàtica.

S’atzione sua de  solidariedade pro sa regione corfida dae s’undamentu l’est costada a beru cara a su pitzocu vènertu. Tenet 24 annos e istùdiat a s’universidade.  Si narat Marco est istadu lissentziadu deretu pro àere pedidu duas dies lìberas de su traballu pro andare a Emilia a apangare su ludu e a agiuare sos isfollados de s’alluvione. Sa risposta de su mere de traballu est lòmpida in deretura cun unu messàgiu in s’aplicatzione de messagìstica. Pro issu ofesas  e faeddos malos.

A sa torrada a bidda sua s’istudiante est torradu a sa pizzeria, ma su mere l’at naradu de si nd’andare non b’aiat prus bisòngiu de issu.

Su pitzocu nch’est abarradu male meda e pro custu at detzisu de contare su fatu a unu giornalista. ” Sa cosa chi m’at postu fele est ca deo apo pedidu duas dies lìberas pro andare a tèndere sa manu in Emìlia-Romagna a pustis de àere bidu sas imàgines de su dannu fatu dae s’alluvione. Custu pro more ca so abarradu ispantadu dae su chi fiat capitadu e pro more chi su fatu m’at ammentadu s’alluvione chi in su 2011 at corpidu sa tzitade mia, Vicenza. Tenia petzi 12 annos e no apo pòdidu fàghere nudda, ma como chi so mannu apo detzisu de agiudare”.

Gasi Marco at mutidu a sa protetzione tzivile de e at cumentzadu a traballare pro che bogare su ludu dae sas domos alluvionadas paris cun sa sorre.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22