In Sardigna, a banda su mare e sas ispiàgias incontamindasa, b’at àteros logos pro s’ispassiare, addatos a mannos a pitzocheddos.  Pomimus unos cantos de sos prus bellos e importantes.

Su primu est seguramentes su parcu Sardigna in miniatura, a presu de Barùmini. Su Parcu proponet una biàgiu in mesu a sas localidades prus famadas de sa Sardigna torradas a copiare ma in iscala pitica.  Àteru ispàssiu est cussu a s’iscoberta de s’universu cun su planetàriu e su museu de s’astronomia. Pro serrare, prus addatu a sos pipios, b’est su parcu de sos dinosàuros, unu percursu intre sos gigantes chi ant fatu s’istòria riproduidos in iscala naturale. Bè, bi garantimus chi ais a colare una lughente die.

Àteru logu de ispàssiu, ma fintzas de imparu, est s’acuàriu de Cala Gonone. S’acuàriu de Cala Gonone est un’autèntica prenda de s’architetura moderna, basadu subta unu progetu de Peter Chermayeff e Sebastiano Gaias. Sistrutura s’incrarat subra su Golfu de Orosei e est unu beru paradisu pro more de sos animales chi acasàgiat. Contat cada annu mìgias e mìgias de visitadores, mescamente pipios de ogna edade. S’acuàriu impreat materiales de ritziclu e sistemas a bassu consumu energèticu.

Su Nuraxi de Barùmini. A pagos km dae su parcu Sardigna in Miniatura agatamus unu de sos logos prus dèchidos e chi ant signadu s’istòria in Sardigna. Su nuraxi de Barùmini, cun prus de 3500 annos de istòria est unu de is giassos tuteladu dae s’UNESCO, adatu a mannos e pipios, cun unu servìtziu de retzida cortesu e gentile.

Serramus cun su Butterfly Housede  S’Ulumedu. In custu parcu est istada torrada a cuncordare sa Prima Biosfera Tropicale de sa Sardigna. Bisitare custu logu paris cun sos pipios est unn’esperièntzia ùnica cun un’artu balore educativu. In sa Biosfera b’at prus de 400 mariposas, matas tropicales e babbois. Est unu logu ispantosu, prenu de birde, cun duos parcos giogos pro pipios, duas piscinas, duos tzilleris, unu ristorante e una pitzeria. Cunsigiadu meda pro sas famìlias.

“Progetto finanziato con l’Avviso Pubblico IMPRENTAS annualità 2021-2022”

Sa fine drammatiga de su zovanu benturzu Arricelli, pustis de su bolu attrividu dae sa Sardigna a sa Sicilia, nos ammentat sos arriscos de sos movimentos de ispartinadura de sos zovanos alabros.

Su destinu sou, interrumpidu cando fit bolande supra su mare in mesu de Punta Raisi e San Vito lo Capo, nos ponet daenanti a sa debilesa de custas creaduras magniffigas, in d’unu mundu semper pius bortadu a sos interessios de sos
omines.

Arricelli fit unu de sos 15 benturzos de sa colonia noa de su Sarrabus- Gerrei, e sa perdida sua est una disgrassia non solu po sa comunidade iscentifica chi lu compudabat, ma puru po tottus sos chi appretziant e si affuscant de sa rimunida de sos animales arestes.

Bell’e chi non tottu est perdidu. In su mentres chi pranghimos sa perdida de Arricelli, semus animados dae sos sutzessos e dae sa resistentzia de sos atteros membros de sa colonia de Villasalto. Su benturzu Sannicolò sighit s’iscumbattamentu de sa Sardigna, ispinghindesi cun atza in medas regiones de s’isula, cun su bentu chi che lu diat leare fintzas in Corsica.

A sa mattessi manera, sos atteros benturzos commente Sinnai,Ballao,Gerrei,Armungia,Quirra e Muravera, mustrant unu adattamentu chi surprendet meda, addurante po su pius tempus in sa sura de sos Sette Frades, ma iscumbattande puru iscroccas pius attesu, ma torrande semper a sa sicuresa de sa gabbia Forestas. S’azzudu de sos pastores, commente sos frades Aledda, est importante meda po garantire unu approvistamentu de cosa de pappare po sos benturzos.

Su rolu insoro non solu assicurat chi custas creaduras ispantosas potant bivere, ma azzuat puru a su sutzessu totale de su disignu po conservare sos benturzos, apparande unu ispartimentu ecologicu de sas carasas chi faghet bene siat a s’ambiente siat a sa comunidade locale.

In su mentre chi pranghimos sa perdida de Arricelli, rennovamos s’impignu nostru po diffendere e preservare sas zenias minettadas, pro itte atteras disgrassias commente custa si potant iscansare e chi su chelu sigat a essere surcadu dae sas alas de custos alabros magnifficos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22