Editzione nùmeru noe de su programma “Il contadino cerca moglie”, intre sos partetzipantes b’at a èssere fintzas Alessandro, pitzocu de 32 nnos de Atzara (Nùgoro).

Ant a èssere 8 sos protagonistas bènnidos de diversos corratzos de Itàlia, chi ant a partetzipare a sa de ses editziones de “Il contadino cerca moglie”, su programma de vida reale presentadu dae Gabriele Corsi  chi at a andare in direta custu atòngiu.

Giai unos meses a oe sunt istados presentados sos protagonistas, chi ant allegadu de issos e de su chi faghent. S’est tratadu de sa primu puntada de presentatzione, chi pretzedet su programa beru, chi tra pagu at a andare in unda.

Alessandro, massaju de Atzara, in su vìdeu de sa presentada de sa trasmissione at naradu chi bivet in una de sas biddas prus bellas de Itàlia, una biddighedda minore de sa Sardigna acanta coltivat frutora e berdura, e produet ògiu e binu. A pustis de una delusione de amore, pro more chi sa s’amorada sua l’at lassadu a in antis de si cojuarent, non bidet s’ora de agatare una pitzoca cun cale pòdere cumpartzire totu su chi at fraigadu in custos annos.

Paris cun Alessandro b’ant a èssere peri àteros 4 bagadios in chirca de amore: Dario, massaju e bacàrgiu de bacas de ratza marchigiana, tenet 32 annos e istat in provìntzia de Recanati; Stefano, 47 annos de sa provìntzia de Lecce, mègius comente comente  “Patata Joe”, coltivat patata e olias in s’azienda agrìcula sua; Teodoro, 28 annos, naschidu in Südtirol, a pustis de àere bìvidu a Firenze at realizadu su bisu suo, tramudende·si in unu bidditzolu in Toscana acanta coltivat canapa; e in fines Enrico, 23 annos, pro totus “Il Nol”, bacàrgiu de sa Badde de Fassa, chi a 15 annos at comporadu sa primu baca sua e dae tando non s’est prus firmadu.

Sa primu puntada at a andare in unda domìniga 2 santugaine a ora de sas 21.25 in su canale Noe de su digitale terrestre de sa prataforma Discovery.

“Progetto finanziato con l’Avviso Pubblico IMPRENTAS annualità 2021-2022”

Pranos de creschida e balorizzassione de s’iscrocca: sa Fundatzione Barumini affortigat su soberamentu intre Europa e Italia.

Sighit su caminu de sa Fundatzione Barumini pro faghere connoschere sa Marmilla fora de sas lacanas regionale e natzionales. In sas urtimas chidas custu impignu si est abberadu cun sa partecipassione a duos abbenimentos importantes dedicados a su turismu e su soberamentu de sas iscroccas. Duas esperientzias divressas ma ligadas dae su mattessi intentu chi est cussu de contare un’iscrocca ricca de istoria cultura e bista.

Su primu mamentu est bistadu in Parigi pro su Salone Mondiale de su Turismu. Su seperu de si presentare imparis at dadu prus fortza a su nuntzu e at permittidu de apparare una bisione cumprida de sa Marmilla. Intro de sos logos espositivos sas realidades ant mustradu sas particularidades printzipales de s’iscrocca. Attentzione manna est bistada posta a sos sitos archeologicos, a sa natura e su connottu locale. Su tribagliu cundivisu at fattu divennere prus balida sa presentatzione e at attiradu s’interessu de sos bisitadores e operadores de tottu su mundu.

Cussu frantzesu est difattis unu de sos abbenimentos prus importantes in Europa pro custu campu. Accorrat donz’annu unu numeru mannu de partetzipantes e est unu puntu de addobiu intre chie tribagliat in su turismu e chie chircat logos novos de bisitare. In su mentres de su Salone sa Fundatzione Barumini Sistema Cultura at presentadu una manera de biazzare prus abbizosa e prus lenta. Unu turismu chi ponet a su tzentru s’esperientzia deretta, su cuntattu cun sa nadura e s’iscoperta de sas biddas pitticas. Sunt bistados contados sos caminos, su connottu e sos logos prus pagu connoschidos chi sunt una ricchesa manna pro s’iscrocca.

S’intentu est cussu de apparare a sos bisitadores un’esperientzia bera fatta de addobios connoschentzia e partecipassione. Unu modellu chi aunit cultura ambiente e identidade locale e chi puntat supra sa calidade de s’offerta prus che supra sa cantidade de sos bisitadores. Custu caminu mustrat chi su soberamentu de s’iscrocca non podet essere dassadu a su casu ma depet essere fraigadu cun attentzione e continuidade. Sa presentzia in mustras natzionale e internatzionales azzuat a affortigare sa frigura de sa Marmilla e a la faghet divennere semper prus connoschida.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22