Sos Placebo, sunt una rock banda britànnica formada dae Brian Molko e Stefan Olsdal, in atividade de su 1994 e chi at bèndidu prus de 10 milliones de discos. Sa banda est nòdida pro àere creadu un’istile musicale vàriu meda chi andat dae su grunge a su punk rock cun influèntzias eletrònicas e sound british.

Su nùmene de sa banda torrat s’acàpiat a su cuntzetu mèdicu de s’efetu placebo, una situatzione chi produet in su malàidu sa sensatzione de istare mègius. Sa banda at publicadu in su 2016 su vìdeu de su petzu “Jesus So” realizadu in Sardigna, in sas marinas de San Salvatore e Scivu in s’Aristanesu, in Sardigna.

Su vìdeu est istadu giradu cun sa partetzipatzione de sos Boes e Merdules de Otzana e de  Gionata Feuer Frei, pro sa regia de Joe Connor e sa fotografia de James Henry, cun un’iscuadra de professionistas belle totu sarda.

Sos Bòes e sos Merdùles sunt duas mascaras de sa traditzione barbaritzina tìpicas de su carrasegare de Otzana e intre sas prus connotas in totu sa Sardigna. Rapresentant sa luta intre s’istintu areste e sa resone umana; difatis, in sas esibitziones de carrasegare, su Boe benit sighidu, frustadu e atzapadu dae su Merdule, chi reagit cun mòvidas violentas e improvisas.

Duncas comente amus naradu fintzas sos Placebo si sunt fatos amajare dae sa Sardigna, e non pro bi colare sas vacàntzias istiales ma comente paesàgiu chi faghet de isfundu a sa cantzone famada “Jesus So”. Su sìngulu de sa banda inglesa formada dae Brian Molko (boghe, chiterra) e Stefan Olsdal (bassu, chiterra, tastiera) est ambientadu in atmosferas de su britpop chi agatant in sas marinas incantadas de San Salvatore e Scivu, in s’aristanesu, sa curnisa perfeta issoro. Su vìdeu est istadu difatis giradu totu in sa Terra de sos Nuraghes cun sa partetzipatzione pròpiu de sos Boes e Merdules de Otzana e de su mannu Gionata Feuer Frei. Totu cun sa regia de Joe Connor e sa fotografia de James Henry. Mancu a lu nàrrere, s’iscuadra fiat pro su 95 pro chentu sarda. Una produtzione de su regista britànnicu Dom Murgia, fintzas issu de sas orìgines sardas.

“Progetto finanziato con l’Avviso Pubblico IMPRENTAS annualità 2021-2022”

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22