“Nox Oceani est meda de prus de un’assòtziu isportivu – narat Francesca de Natale – est unu progetu chi bolet ispainare tra sos atletas un’istile de vida virtuosu in sos cunfrontos de s’ambiente”.

Sa barca ecològica at a èssere una versione riciclabile de sa deriva prus famada a su mundu, sa barca cun sa cale sos pipios imparant a andare pro mare e velegiare in autonomia. S’idea nostra est sa de prodùere una barca chi superat su problema de s’eliminatzione a sa fine de sa vida sua, pro ite costruida cun fibras de linu e materiales ritziclados. S’Optimist nostru, duncas, una bia arribbadu a su màssimu impreu suo e a pustis de àere fatu ispassiare sos giòvanos velistas in giru pro sos campos de regata at a pòdere èssere ritzicladu, duncas trasformadu in ogetos noos de vàriu gènere“.

Custa pitica deriva, sa prima barca ecològica fata in Sardigna, at a èssere costruida a Terranoa e at a potare unu messàgiu importante meda, su de abituare sas generatziones noas a s’ecosostenibilidade e a sa cunservatzione de s’ambiente acantu bivimus. “Sos giòvanos atletas nostros – ispiegat Francesca de Natale – ant a èssere sos primos e beros testimones.”.

Comente allenadore de s’iscuadra agonìstica de Nox Oceani est istadu seberadu Camillo Zucconi, velista tituladu e medàllia dae oro Coni chi ogni die acumpàngiat in mare sos piticos skipper pro sos allenamentos. Ma non b’at petzi àteros giòvanos chi nos agiudant. Intre sas imbarcatziones a disponimentu de s’iscuadra b’est fintzas sa RS21, unu monotipu internatzionale de ùrtima generatzione. Su RS21 est s’ùrtima creatura de su cantiere inglesu RS Sailing chi puntat a sa sostenibilidade ambientale. Sa barca est costruida cun rèsinas ecològicas e est alimentada, pro s’essida e sa torrada in portu, cun unu motore elètricu a emissiones zero.

Naturalmente fintzas sa base logìstica de Nox Otzèanos deviat èssere coerente cun sa filosofia ecològica de sa fundadora sua. “Gràtzias a un’acòrdiu cun sos amigos de su Yacht Club Cala dei Sardi – sighit Natale – tenimus sa possibilidade de isfrutate sos ispàtzios de su Marina in su Golfu de Cugnana, ùnicu beru esèmpiu virtuosu de istrutura portuale ecocumpatìbile in ue no esistent infrastruturas in chimentu fissas ma unu pradu birde mannu a disponimentu de sos istràngios, e in ue sos molos sunt mòdulos galleggiante chi no impedint su naturale flussu de sas currentes, duncas s’abba de su Marina est semper lìmpida e cristallina. Su logu dèchidu pro sos pipios e sas famìlias”.

“Progetto finanziato con l’Avviso Pubblico IMPRENTAS annualità 2021-2022”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22