A pustis de sa torrada de s’iscuadra in sèrie B, fiat at cunsideradu giai postu de mòvida. Radiomercadu l’aiat giai post in partèntzia. E imbetzes Marko Rog, tzentrucampista croatu acuistadu dae su Nàpoli tres istajones a como, abarrat a su Casteddu: ufitzializadu su perlongamentu de su cuntratu finas a su 2026.

Sa detzisione fiat in s’àera dae paritzu tempus: sas rechertas fiant medas, ma Rog at seberadu de abarrare pro proare de torrare a portae s’iscuadra deretu in A a pustis sa retrotzessione de su mese de maju coladu.

Rog si gia tingòllidu a su genugru in  sa segunda istajone de sos sardos. Posca s’interventu e sa ripresa, ma su rugradu si fiat torradu a segare durante sa preparatzione in bista de sa colada istajone. Rog fiat resèssidu a torrare in campu in sa parte finale de su campionadu coladu. A pustis de sa torrada de s’iscuadra in sèrie B, sa partèntzia pariat iscontada cun sa Sampdoria chi s’est acurtziada prus de totus. Ma como Rog at detzìdidu: abarrat a su Casteddu fintzas in sèrie B.

In sas 55 presèntzias totalizadas in garas ufitziales, su croatu s’est conchistadu s’iscena a fortza de cuntrastos, botzas coberadas e prestatziones de livellu. In campu de issu si notat deretu s’abbistesa tàtica, grinta e velotzidade, semper a disponimentu de sos cumpàngios; foras de su campu est unu pitzocu ùmile, chi pensat a su traballu, capatzu de si fàghere chèrrere bene dae  totus.

Pro custu su Casteddu Calcio at annuntziadu su rinnovu cuntratuale suo, cchi at firmadu unu nou acòrdiu cun s’iscuadra finas a su 30 de làmpadas de su 2026.

A s’esòrdiu cun sa màllia de su Casteddu, su 18 austu, in Copa Itàlia contra su Chievo Verona, aiat fatu bìdere deretu cantu baliat. Sa prima rete in campionadu unos cantos meses a pustis, su 10 de santandria, in una partida memoràbile: est issu a abèrrere sas marcaduras in su 5 a 2 in domo contra sa Fiorentina.

“Progetto finanziato con l’Avviso Pubblico IMPRENTAS annualità 2021-2022”

A pustis de tres annos dae regnu de Giovanni Carboni cun Rubacuori Baio, su sartu a ostàculos saludat sa torrada in tronu isolanu de Gianleonardo Murruzzu. Su cadderi aristanesu binchet su campionadu sardu de brincu ostàculos in s’Ippopark de Figari. Lu faghet a oto annos dae  su de sete tìtulos. “Cun Taissa Sarda apo bintu in totue, mancaiat petzi su tìtulu regionale”, at cummentadu satisfatu Murruzzu.

Gara difìtzile e tècnica meda sa de su percursu disegnadu dae Giovanni Bussu in s’impiantu gestidu dae Piera Monti e Angelo Pala, in sa manifestatzione organizada in collaboratzione cun sa Fise Sardegna. Bella meda sa fòrmula noa in de tres dies de garas cun proas diferentes. Su binòmiu Gianleonardo Murruzzu-Taissa Sarda at dadu unu signale pretzisu, binchende cun percursu netu sa proa de chenàbura, a tempus subra de ostàculos de 135 tzentìmetros. Sàbadu, in sos 140 tzentìmetros, imbetzes, a s’impònnere est istadu Luigi Angius cun Rarità.

In sa de tres proas, a duos manches cun ostàculos de 140 tzentìmetros, su cadderi aristanesu at piatzadu unu dòpiu netu pro tènnere resone subra de Luigi Angius, chi at pagadu caru s’errore in sa prima manche, resessende però cun una segunda manche perfeta a conchistare sa prata a in antis de s’òtimu Giovanni Onnis subra de Tiberio, chi imbetzes at furriadu un’ostàculu in su barrage.

Su de bator postos pro Antonio Meloni, 19 annos, cun Vadir (s’annu coladu at bintu su I gradu), mentras su campione essidore Giovanni Carboni at serradu a su de chimbe postos cun Its G, sedda olandesa de calidade ma de su caràtere non simple meda.

Sos àteros binchidores. Su campionadu de I gradu at bidu sa resessida de Gabriele Visca cun Courtney a pustis de sas duas medàllias de prata de sas editziones coladas. At pretzèdidu Giorgio Laconi cun Alys Jvh Z e sa mègius amàtzone de sos campionados sardos, balet a nàrrere Beatrice Schirru cun Della Spock.

Vitòria in domo (Tzìrculu Sos Olivastri) pro Francesca Dessena cun Conan Mc Murphy in sos Brevetos pony. Pòdiu cumpletadu dae Alice Agnese Granella cun Tehiya Sundance e Anita Putzu cun Ma Belle Fleur Vh Bruulhof.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”