Robert De Niro, s’atore hollywoodianu at coladu unas cantas dies in Sardigna pro sas ripresas de sa sèrie televisiva cosa sua “Searching for Italy”. Eris, in partèntzia dae s’Aviatzione generale de s’aeroportu de Terranoa,  at fatu fotografias cun sos ammiradores e est istadu cortesu cun totus. S’istella famada de orìgines italianas, creschida in Little Italy, pagu prus de duas chidas a oe est istada intre sos màssimos protagonistas de su Tribeca film fèstival de New York. Paris cun Al Pacino at omagiadu sos cojos de oro de “I Padrino”, sa pellìcula cult de Francis Ford Coppola.

A cunfirmare sa presèntzia de Bob in Sardigna est istada Barbara Molino, funtzionàriu contàbile de su Cunsòrtziu de gestione Àrea Marina Proteta Tavolara – Punta Coda Cavallo.

S’atore e regista newyorkesu  at giradu s’Ìsula  pro unas cantas chida pro sas ripresas de sa istajone noa de sa sèrie tv  “Searching for Italy”. Mescamente est istadu a Casteddu e S’Alighera, ma  foras de su set at chertu connòschere fintzas sa coghina tìpica gadduresa, in sa zona de Terranoa, dae ue est partidu.

Ma De Niro no est istadu s’ùnicu vip a èssere istadu bidu in s’Ìsula in custas dies. Dintzas su cestista de sa Nba pro sos Phoenix Suns, Chris Paul, e sa top model brasiliana Gisele Bündchen. Tapa sarda fintzas pro Nelson Piquet, su campione de Fòrmula 1.

Torrende a sa sèrie televisiva de De Niro, Searching for Italy est unu programa de coghina condudu dae Stanley Tucci in sos pannos de su Cicerone gastronòmicu a s’iscoberta de traditziones e segretos de sas coghinas regionales de Itàlia. At esordidu  su 14 freàrgiu cun sa produtzione Raw TV pro CNN.

Immoe sutn girende sa segunda istajone. Segundu Stanley Tucci custa est un’ocasione importante pro s’Itàlia e pro s’istòria gastronòmica sua. Unu progetu naschidu dae sa grandu passione pro sa coghina nostrana de su famadu atore newyorkese, cun orìgines italianas. Tucci giai in passadu at firmadu libros de retzetas ispiradas a sas raighinas suas (sos mannois de Tucci fiant arribbados a sos Istados Unidos dae sa Calàbria).

 “Progetto finanziato con l’Avviso Pubblico IMPRENTAS annualità 2021-2022”

Sas Salinas de Casteddu intre istoria, connottu in s’iscrocca de Santa Gilla.

Sas Salinas de Casteddu sunt unu de sos logos prus tipicos de su sud de sa Sardigna e si agattant in sa zura de s’istagnu de Santa Gilla, a pagos passos dae sa tzittade. Cust’iscrocca aunit in manera unica su tribagliu de s’omine e sa ricchesa de sa natura, creande una bista particulare, fatta de bartzas de abba, colores e mudores. S’istoria insoro est antiga meda e arribat dae su tempus de sos romanos, cando su sale fuit produidu irfruttande su sole e su bentu. Cun su colare de su tempus s’attividade est creschida e si est ordiminzada semper menzus, divenninde una fortza de fundamentu po s’accolomia locale.

Pro annos meda su sale produitu in Casteddu est bistadu bendidu fintzas in atteras iscroccas, dande unu contribbudu a s’isviluppu de sa zura. S’assentu de sa produssione est simple ma balidu. S’abba de su mare benit fatta bintrare in sas bartzas e dassada ispaporare gratzias a su cardu e su bentu. Cando s’abba si ritirat, su sale addurat in su fundu e benit regortu. Est unu protzessu naturale chi ancora oe sighit ritimos ligados a sas istajones e sas cundissiones de su clima.

Addia de s’aera produttiva, sas salinas sunt fintzas unu logu naturale de balore mannu. S’istagnu de Santa Gilla est difattis una zura importante meda pro sos animales, mescamente sos puzzones. Intre sos prus connoschidos bi sunt sa zente rubia, chi in sos annos sunt divennidos una cona de s’iscrocca. Imparis cun issos bivent medas atteras zenias chi acciappant in custas abbas unu logu ideale pro pappare e si pasare.

In sos urtimos annos sunt divennidas unu puntu de arribu semper prus apprezziada dae chie bisitat Casteddu. Semper prus pessonas si accostant a custu logu pro iscoperrere comente si produet su sale e pro iscrudignare sa natura dae accurtzu. Sos colores de sas bartzas e sa bista abberta faghent divennere sa zura ammaghiante meda, mescamente in sas oras de s’intrichinu.

Sas salinas sunt oe un’ecchilibriu intre passadu e presente. Dae una parte sighint a contare unu connottu antigu ligadu a su tribagliu e sa produssione de su sale, dae s’attera sunt un’ambiente naturale de diffendere e balorizzare. Sas salinas de Casteddu sunt meda prus de unu logu produttivu. Sunt una parte importante de s’istoria e identidade de s’iscrocca, unu esempru de comente s’omine e sa natura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22