Casteddu e Pavoletti galu paris. Est ufitziale difatis, su perlongamentu de su cuntratu finas a su 2024 cun s’atacante lìgure. L’at annuntziadu sa sotziedade sarda tràmite sos canales sotzietàrios suos.

“Su Casteddu Calcio comùnicat su rinnovu cuntratuale de su giogadore Leonardo Pavoletti chi at sutascritu cun su Casteddu un’acòrdiu nou finas a su 30 de làmpadas de su 2024. Classe 1988, bantat prus de 130 retes in carriera intre sos professionistas, de sos cales 38 cun sa màllia ruju-blu. A palas una gaveta longa prena de gol chi l’at permìtidu de arribbare finas a sa Natzionale, cun a cale at marcadu in s’esòrdiu suo su 26 martzu 2019 contra su Liechtenstein. Chimbe fintzas a como sas istajones in Sardigna, duas de sas cales  concruidas in dòpia tzifra, 141 sas presèntzias. Su corfu de conca est s’ispetzializade sua: carisma e esperièntzia a su servìtziu de s’iscuadra. Puntu de riferimentu pro sos prus giòvanos, risursa pretziosa pro s’atacu: a in antis paris, Leo”.

Pavoletti at esordidu cun su Casteddu  10 cabudanni 2017, in sa gara interna de campionadu contra su Crotone (1-0). Su 15 santugaine 2017 realizat su primu gol suo cun sos isolanos, a iscàpitu de su Genoa, chi at a essire però binchidore etotu dae s’iscontru (3-2). Concruit s’istajone cun 11 retes cumplessivas, de sas cales 9 realizados de conca, istabilende su primadu istajonale. Cunfirma sas bonas prestatziones suas fintzas in s’istajone 2018-2019, cun 16 retes (10 de conca).

Su 25 austu 2019, sa prima die de sa Sèrie A 2019-2020, segat su ghenugru, ma recùperat in  7 meses. Su 10 de freàrgiu 2020, in prena riabilitatzione, subit una lesione noa.  Torrat a giogare una partida ufitziale su 1º de austu 2020, in ocasione de sa derrota esterna contra su Milan.

Su 29 santandria 2020, in s’istajone 2020-2021, Pavoletti torrat a su gol cun su Casteddu, a 553 dies dae s’ùrtimu pretzedente, resurtende detzisivu pro su parègiu contra s’Ispètzia. A pustis de àere tentu dificultade cun De Francesco, Pavoletti agatat pru  ispàtziu cun Leonardo Semplici, andende a sinnu durante sa prima gara de su tècnicu nou, binta 0-2 in domo de su Crotone. Su 17 de abrile 2021, in ocasione de sa resessida interna contra su Parma (4-3), lompet a100 presèntzia in màllia ruju-blu. In sa matessi partida marcat peri su primu gol de sos sardos. Su 9 de maju marcat in s’iscontru diretu sarvesa giogadu in domo de su Benevento, bintu 1-3.

Cun s’esòneru de Semplici e su s’arribbu de Walter Mazzarri, durante s’istajone 2021-2022, poderat solu su ruolu de riserva in s’atacu, ma intrende dae sa panchina marcat gol importantes is sos iscontros sarvesa contra Salernitana (1-1), Empoli (1-1), Sampdoria (2-1) e Bologna (2-1).

 “Progetto finanziato con l’Avviso Pubblico IMPRENTAS annualità 2021-2022”

Claudio Ranieri est bistadu nomenadu Allenadore Gentleman de sa serie B 2022/2023 in onore de Gigi Simoni, retzinde su titulu gratzias a sas prefferentzias espressadas dae sos vinti allenadores de sa serie BKT. Custu riconnoschimentu arribat pustis de aere giai binchidu su premiu duos annos faghede, pigande su testimonzu dae Stefano Pioli, chi aiat binchidu s’annu prima.

S’integru de su premiu si est tentu in Milano, inube Ranieri at retzidu sa Torretta de San Siro, simbulu de unu premiu chi tzelebrat sos balores beros de su giogu de sa botza, in mesu de su cale, su Fair Play, chi s’allenadore de su Casteddu incarnat in manera tipu.

S’ordiminzu de su Premiu Gentleman, ideadu dae Gianfranco Fasan, cun s’azzudu de sa Lega Serie B, at bidu sa presentzia de sa famiglia de Gigi Simoni, paris a amigos e gasetteris comente Luca Tronchetti e Alberto Cerruti, e de su presidente de su Coni CRL Marco Riva.

Ranieri at espressadu s’ingraenzu sou retzinde su premiu a nomene de Gigi Simoni, deffinindelu un’omine mannu e evidentziande s’importantzia de su Fair Play in su giogu de sa botza e in s’isport in generale. Su presidente de sa Lega B, Mauro Balata,at bantadu Ranieri commente una figura istravanada de su giogu de sa botza in Italia, evidentziande su rolu sou de puntu de relata po sos giogadores e allenadores zovanos,tambene comente isparghidore de sos menzus balores isportivos.

Su premiu est bistadu dadu a Ranieri non solu po su sutzessu battinde su Casteddu in Serie A, ma mescamente po sa lessione de isportividade in sa finale Play off, inube at dimandadu a sos tiffosos suos de nde la finire cun sos allolojos e de tzacullimanare sos tiffosos de su Bari, mustrande rispettu mannu po sos ribales e favoressende s’isportividade in mesu de sas duas isquadras. Custu attua at corpadu tottu sos allenadores de sa Serie B, chi l’ ant premiadu commente su chi meritaiat de piusu in s’annu 2022/2023.

Gianfranco Fasan, s’ordiminzadore de su premiu, at bantadu Ranieri, non solu po custu attu de currettesa, ma puru po s’esempiu custante de lealtade e rispettu po su ribale, balores chi dant trauda positiva a su giogu de sa botza e a s’isport.

Su premiu Allenadore Gentleman “Gigi Simoni”, marcat s’incomintzu de s’edisssione numeru 29 de su Premiu Gentleman Fair Play, chi si at a tennere in s’iscola Militare Teuliè de Milano. At a presentare Massimo Caputi paris cun Laura Barriales e Giorgia Rossi, e at essere tzelebrada giobia 16 de maju e at biere s’assignadura de medas riconnoschimentos, in mesu de sos cales sos Giocadores Gentleman de sa Serie A e su premiu Gentleman Mario Morosini, dedicadu a su giogadore chi incarnat a su menzus su Fair Play in sa Lega B.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22