Mèritu de De Ligt e Vlahovic, chi torrant a sarbare una partida comintzada male pro sos biancunieddos, a càusa de su gol a pustis de su minutu 10  de Joao Pedro. Una partida non bella meda: contra unu Casteddu serradu a palas, sa Juve at bintu cun isfortzu meda. Fintzas gràtzias a sos giogadores prus tècnicos e ispirados: Cuadrado, autore de su primu traversone; Dybala, protagonista de su passàgiu-gol pro Vlahovic. Pro sa Juve una partida de bìnchere in cale si siat modu. Fiat tropu importante. Su Casteddu imbetzes non podiat fàghere de prus e a sa fine s’est arrèndidu.

Pro s’iscuadra de Walter Mazzari est sa de chimbe iscunfita de sighidu: como arriscat de èssere sighida dae su Genoa e duncas sa Sèrie B. Una derrota marigosa, pro ite pro unu pagu su Casteddu si fiat fintzas illùdidu de pòdere conchistare de sos 3 puntos. Lassare semper s’initziativa a sos aversàrios, a sa fine, no est torradu a contu. S’ischema de sa partida est totu in sos primos minutos: sa Juventus cumandat, ma su Casteddu non lli assat ispàtziu lìberu pro sa manovra. Paret fàtzile, ma nonest gasi. Su Casteddu conchistat sa prima botza grae de sa partida e andat a gol: Marin irraighinat s’isfera de sos pees de Dybala a tzentrucampu e bolat a dereta, sa Juventus perdet sos puntos de riferimentu, Arthur non serrat subra Joao Pedro chi piatzat unu deretu còmodu còmodu.  A su 23′ sa Juventus paret àere giai risòlvidu su problema cun su primu gol in A de Luca Pellegrini.

Est unu diagonale chi s’istichit in s’àngulu, ma sa traietoria est deviada. Su Var iscoberit chi su tocu detzisivu est su de su cuidale de Rabiot. Totu de torrare a fàghere. Sa punitzione de Dybala finit foras de pagu. Semper Dybala paret s’elementu cun prus initziativa, ma a bias li mancat sa letura giusta de s’isvilupu de s’atzione. E pro Vlahovic botzas netas non nche nd’at, mancu pro fàghere artziare s’iscuadra. Tando sa Juventus nche proat, torrende a mòvere dae su bassu cun Arthur, ma s’atzione est semper difìtzile. Proat e torrat a proare, però, su gol arribbat. Sa mossa giusta est de Cuadrado, ispostadu in sa fàscia de manca. Prima unu tiru de su colombianu custringhet Cragno a s’àngulu. Posca, semper Cuadrado s’imbentat dribbling e assist pro De Ligt chi, lassadu petzi in àrea, marcat de conca. In su segundu tempus si torrat a mòvere cun una Juve prus cumbinta chi, in su de tres minutos, s’illudet duas bias. Prima cun Chiellini (gol annulladu pro foragiogu) e posca cun un’ocasione de oro pro Dybala. Como sa Juventus paret prus detzìdida e su Casteddu prus pagu cumbinta respetu a sa prima fratzione de giogu. Resurtadu? Si giogat petzi in sa metade campu rujublu. Allegri ponet Bernardeschi a su postu de Rabiot. A sa fine sa botza intrat. Vlahovic marcat su gol chi serrat sa partida.

 “Progetto finanziato con l’Avviso Pubblico IMPRENTAS annualità 2021-2022”

Sa Fundatzione Mont’e Prama si cuffirmat animadore in Firenze pro su TourismA.

Sa Fundatzione Mont’e Prama si cuffirmat animadore in Firenze pro su TourismA, su salone de s’archeologia e de su turismu culturale accasazzadu in su Palattu de sos Cungressos e ordiminzadu dae Giunti Editore impare a sa rivista Archeologia Viva. Una vitrina natzionale importante chi at bidu s’intzidida attiva de s’ente impignadu in su controllu e baloritzassione de sos sitios de su Sinis, cun d’unu programma padriu de addobios dedicados a sos contos de sas prendas de Crabas.

In su mentres de sos addobios sunt bistados illustrados sos disignos de chirca e baloritzassione de su Parcu Archeologicu naturale de su Sinis, cun d’unu devuccamentu supra sas attividades iscientificas chi si sunt faghinde e supra sos avantzamentos chi ponent a cunfruntu su patrimoniu archeologicu, sa bista e s’isviluppu chi si podet sustentare. A presentare sas attividades sunt bistadas sas archeologas Ilaria Orri e Viviana Pinna, s’archeologo Giorgio Murru e su presidente de sa Fundatzione Antony Muroni.

Meda logu est bistadu dedicadu fintzas a sos disignos chi si sunt faghinde in sos sitios chi tenet sa Fundatzione, poninde attentzione meda a sos interventos de mezzoramentu po s’intrada e s’ammodernamentu de sa zura archeologica de Tharros, addia de su programma de accreschimentu de su Museu Tzivicu Giuanne Marongiu. Intre sos temas tzentrales, sas prossimas esposissiones dedicadas a sos zigantes de Mont’e Prama e de devuccamentu intre su mundu Nuragicu e cussu Etruscu. Supra cust’urtimu disignu ant faeddadu Giorgio Murru e s’etruscologu Paulu Giulierini, evidentziande su percursu iscientificu de s’esposissione de su tempus benidore.

In su mentres de sa maniffestassione no est mancadu unu mamentu de cunfruntu cun espertos e buyer interessados a su turismu archeologicu, occasione chi serbit pro affortigare sas relatas e faghere connoschere s’iscrocca de Crabas comente destinatzione culturale importante. Sa presentzia a TourismA est po sa Fundatzione Mont’e Prama un’atteru passu in su caminu de affortigamentu de sa frigura sua a livellu natzionale, cunfirmande su rolu tzentrale de su Sinis in sa bista de
s’archeologia mediterranea e de su turismu culturale.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22