In ocasione de sa festa de duas dies dedicada a s’ògiu de ghermanu e a su pane traditzionale, in Irbono, domìnigu su 3 de mese de idas, a is 3 e mesu de merie, in sa domo museu “sa Domu de is Ducus”, bia de Santu Giuanne, at a èssere presentadu su libru “Carlo Felice e i tiranni sabaudi” de Francesco Casula (Editore Grafica del Parteolla, 2016, Euro) Paris cun s’autore nd’ant a allegare Giuseppe Melis Giordano, professore in s’Univesidade de Casteddu, s’Assessora a sa cultura Agnese Stochino e su sìndigu Andrea Piroddi.

Su libru chistionat de sa polìtica de is Savòias, siat comente suberanos de su Rennu de Sardigna (1726-1861), siat comente Rees de Itàlia (1861-1946). Is sèberos polìticos issoro ant a causare un’abbrandamentu de belle chibant’annos de s’isvilupu de sa Sardigna e cunseguèntzias graes in s’economia e in sa cultura isulana.

De totu custu e de àteros cunsideros si nd’at a allegare domìnigu chi benit in Irbono, acudide in medas.

Est istada chida de apuntamentos e ispantos in Fonne, in su coro de sa Sardigna, acanta mìgias de visitadores e apassionados ant patetzipadu a un’ispetàculu fatu de màscaras de su mundu, folklore internatzionale e ìpica.

Sa manifestatzione de “Identidades – Grande sfilata di machere tradizionali”, est cumentzada sàbadu 5 de austu, dae sas 17. Protagonistas printziapele sunt istados sos meres de domo, Urthos e Buttudos e sas Mascheras Limpias, ma fintzas sos carotes istàngios, comente  MasquAoste (Venètzia), CivitaMask (Venètzia), Colombina, Pantalone e Arlechino (Bèrgamu), Krampus (Südtirol), Su Bundu (Orane), Merdules Bezzos (Otzana), Mamutzones Antigos (Samugheu), Mamuthones e Issohadores (Mamujada), Urtzu e Sos Bardianos (Ula Tirso), Sos Tumbarinos (Gavoi), Su Sennoreddu (Teti), Mascara Gattu (Sarule), Is Arestes e s’Urtzu Pretistu (Sòrgunu), Cambas de Linna (Gùspini), Tamburinps e Trumbetieris (Aristanis), S’Attitidu ‘Osincu (Bosa).

A sas 22 si sunt esibidos sos grupos folclorìsticos locales de sos Brathallos Folk Fonne, in intro de su fèstival internatzionale de su folklore, chi at bidu in iscena fintzas sos grupos istràngios comente Karpaty (Islovàchia), Samba (Brasile), Pro logo de Samugheu e Biddobrana de Biddaubrana. A sighire ballos in pratza cun Mariantonietta Bosu (sonetu) e Francesco Fais (boghe), cun sa presentatzione de Roberto Tangianu.

“A pustis de duos annos de firmu dèvidu a s’apretu sanitàriu amus torradu a fàghere custa grandu manifestatzione, chi est lòmpida a sa de 5 editziones”, at naradu Antonio Marratzu, unu de sos organizadores . Màscheras e cultura, duncas, peri cun ‘abertura de su museu acanta sos bisitadores ant pòdidu bisitare sa mustra fotografica. Partetzipatzione manna peri a sas bisitas ghiadas in su territòriu a s’iscoberta de sa tziviltade nuràgica fonnesa a Madau e Gremanu.

Partetzipatzione manna fintzas a sa de  36 editziones de su Pàliu de Fonne.  Sa cursa a pilu prus sighida de s’Ìsula, organizada dae sa Sotziedade Ìpica Fonnesa, cun unu monteprèmios de 31.000 èuros. A bìnchere est istadu Francesco Caria con Costerino per il comune di Esporlatu, segundu Gavino Sanna e tertzu Pasquale Salis.

“Progetto finanziato con l’Avviso Pubblico IMPRENTAS annualità 2021-2022”