S’amministratzione comunale de Irbono at postu 40 m’gia èuros de fundos de bilantzu comunale pro sa manutenzione, assèliu e cumprimentu de is domos de su tzentru istòricu de sa bidda.

S’initziativa est nàschida cun s’idea de imbitzare sa gente, massimamente is giòvanos, a torrare a bìvere in sa parte prus antiga de sa bidda, su tzentru istòricu, in is ùrtimos annos disabitadu e lassadu a s’abbandonu.
Su sìndigu Andrea Piroddi at fatu ischire chi si in medas ant a aprofitare de custos finantziamentos, tando su bandu s’at pòdere torrare a repìtere peri pro is annos imbenientes.

Is contributos podent èssere impreados finas dae is butegheris pro torrare a asseliare is butegas piticas e àteras atividades sotziales, cummertziales e allògios pro turistas.

Su contributu comunale at a interessare màssimu su 50 pro chentu de is ispesas ammissìbiles, cun unu mìnimu de 2 mìgia èuros e unu màssimu de 5 mìgia.

Lunis, 6 de maju est bistada una die istorica po Lanusei, pro itte at bidu s’avviu de sa prima andala “atzessibile” de su tottu in Sardigna, un’opera chi sinzat unu passu in daenanti importante meda a sa parte de s’incluisione.

Custu disignu istravanadu est bistadu imbentadu e fattu dae su Comune de Lanusei, paris cun s’Agenzia Forestas e su’accottu de sos fundos PSR(GAL Ozzastra) e POR FESR(Regione Autonoma de sa Sardigna, assessoradu a s’ambiente, Forestas). Est bistadu unu protzessu chia at dimandadu tempus, impignu e dinari, ma chi at battidu a sa creassione de un’andala tzertificada e posta in manera uffitziale in su catastu de sas andalas regionales RES.

S’Andala Segura est meda pius de unu caminu simple; est un’esperientzia incluisiva chi abbratzat sa diversidade de sos omines, favoressende s’incluisividade sotziale e chircat de garantire s’agualidade de intrada po tottus.Cun d’una longaria de 1,6 km, custu percursu a forma de aneddu si innoigat in d’unu pianu graniticu artu de su monte Seleni, a milli metros supra su mare.

Su chi arrendit s’Andala Segura unicu, est sa grande accessibilidade, disignada po azzuare sas pessonas chi sunt marturas e non si podent movere, o de sos sensos e chi non cumprendent meda. Donzi afficcu est
bistadu curatu cun attentzione meda po garantire un’usu a sa sola, o cun assistentzia.

Su caminu est postu po su 90% in mesu de palos inue iscudere sos fustes, garantinde sa sicuresa po sos chi no bient o bient pagu. In pius, bi sunt puru accottos chi si podent toccare.

Po rendere su caminu meda pius atzessibile, bi at essere puru una carrotzedda chi andata a elettritzidade puru fora de su caminu, permittinde a meda pessonas de godire de su tottu de custa esperientzia in mesu de sa natura.

Su nomene” Andala Segura” muttit torra unu sensu de siguresa e cunfiantza, trasmittinde s’idea de unu caminu chi accollit e diffendet. Su trassadu de Andala Segura apparat non solu un’esperientzia de natura e bellesa de sa bista, ma puru sa possibilidade de iscumbattare chirros de interessiu po s’archeologia commente su nuraghe Gennacili e sas duas tumbas de gigantes. In pius, sos visitadores ant a tennere s’occasione de iscoperrere operas de arte de s’ambiente commente “Sa poesia abbaidat attesu” de Stefania Lai.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22