Is museos cun autonomia ispetziale sunt dotados de autonomia iscientìfica, finantziària, contàbile e organizativa e sunt cumpostos dae diretore, CDA, comitadu scientìficu e collègiu de is revisores de is contos.

Is òrganos primàrios garantint s’acumprimentu de sa missione de su museu, nd’avèrguant s’economitzidade, s’eficàtzia e s’eficatzidade de is fainas e còmpudant sa calidade iscientìfica de s’oferta culturale e de is pràticas de cunservatzione, gosamentu e valorizatzione de is benes in cunsigna a su museu.

Sa cumpositzione de is òrganos collegiales est determinada in su respetu de s’echilìbriu tra is gèneros.

Is àteros museos dotados de autonomia ispetziale in Itàlia sunt sa Galleria Burghesa, is Gallerias de is Uffizi, sa Galleria Natzionale de Arte Moderna e Cuntemporànea de Roma, is Gallerias de s’Acadèmia de Venètzia, su Museu de Capodimonte, sa Pinacoteca de Brera, sa Règia de Caserta, sa Galleria de s’Acadèmia de Firentze, sa Galleria Estense de Mòdena, sa Galleria Natzionale de arte antiga de Roma, su Museu Natzionale de su Bargello, su Museu Archeològicu Natzionale de Nàpoli, su Museu Archeològicu Natzionale de Règiu Calàbria, su Museu Archeològicu Natzionale de Tarantu, su Parcu archeològicu de Paestum, su Palatzu Ducale de Màntova, su Palatzu Reale de Gènova, su Polu Reale de Torinu, sa Galleria Natzionale de is Marcas e sa Galleria Natzionale de s’Ùmbria.

Abarrant dotadas de autonomia ispetziale fintzas sa Subraintendèntzia ispetziale pro su Colosseo, su Museu Natzionale Romanu e s’àrea archeològica de Roma e sa Subraintendèntzia ispetziale pro Pompei, Ercolanu e Stàbia.

Su sìndigu, torrende gràtzias a su ministru, at postu a notu chi «ddoe at bases pro una collaboratzione meda profetosa, Casteddu e sa Sardigna tenent potentzialidades mannas».

Su ministru Franceschini at torradu a sutalineare chi s’idea de investire risursas importantes pro avalorare a su màssimu is Gigantes de Monte Prama.

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22