Su coraddu ruju in Sardigna:unu connottu intre mare e artesanadu.

Sa pisca de su coraddu est una de sas attividades prus antigas e ammaghiantes de sa Sardigna e pro seculos est bistada unu bene de fundamentu pro sas comunidades de sas costas,mescamente in sa zura de s’Alighera inube fintzas a dies de oe custu connottu est meda abbarbadu. Su coraddu ruju de su Mediterraneu est intre sos prus pretziosos e chircados de su mundu pro su colore forte e sa calidade sua.

Fintzas dae s’antichidade at attiradu s’interessu de mercaderis e artesanos e est bistadu a su tzentru de tramudas commertziales importantes. In passadu beniat regortu gratzias a s’esperientzia de sos coradderis chi connoschiant bene su mare e chi funt capatzes de assebertare sos fundales prus riccos e de accomettare unu tribaglius tostu e prenu de arriscos.

Sas tennicas de su connottu fuint simples ma prenas de inzenniu comente sa Rugfhe de sant’Andria, un’istrumentu de linna cun sas retzas chi beniat istrasinadu supra su fundale pro aggantzare sos rampos de su coraddu. Custa cosa dimandaiat un’abilidade  e connoschentzia de sas currentes e de sos fundales manna abberu, ma daiat problemas a s’ambiente marinu.

Cun su passare de su tempus sa manera de piscare si est amplariada. Oe sa regorta benit fatta pro mesu de accabussones sutta de s’abba cun
regulas chi permittint interventos prus de selessione e chi tenent rispettu de s’ecosistema.Su coraddu, difattuis, creschet abbellu. Pro custu motivu sunt bistadas fattas regulas chidrinas chi ponent marghines pretzisos supra sa cantidade e sos tempos de sa pisca. In s’Alighera su connottu de su coraddu sighit a bivere fintzsa gratzias a s’artesanadu. In sas buttegas de su tzentru istoricu su coraddu benit tribagliadu cun tennicas passadas dae ingendra a ingendra, dande vida a prendas e oggettos decoradivos de balore mannu. Donzi picculu est unicu e contat un’istoria fatta de fadiga e passione.

Su coraddu tenet puru unu signifficu simbolicu forte. In passadu fuit cussideradu unu coccu capatze de diffendere dae su male e battire fortuna mescamente a sos pitzinnos e marineris. Beniat a s’ispissu donadu comente sinzu de bonu auguriu e fintzas oe est ligadu a connottu populare e credentzias antigas.Addia de s’aera culturale e accolomica sa pisca de su coraddu ets fintzas un’importante elementu de s’identidade pro medas comunidades sardas.Sas istorias de sos coraddaros faghent parte de sa memoria de tottus e sunt una testimontzia de unu appitzicu fungudu intre s’omine e s’ambiente.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22