Cabudanne in Sardigna: intre usantzias antigas, figuras de bonu auguriu e festas modernas.

Cabudanne in Sardigna est meda de prus de una simple notte de festa: est unu beru e propriu mamentu de coladorzu, riccu de signifficu de figura, ritos antigos de bonu auguriu chi contant s’istoria e s’identidade de s’isula.

In su tempus passadu s’incumintzu de s’annu no abbojait semper cun su 1° de bennarzu, tantu chi in sardu sa paraula cabudanne in issida indittait s’incumintzu de unu ciclu novu, a s’ispissa ligadu a su mundu de sa laurantza e a sa represa de sos tribaglios in sos campiles, ma oe tottu sa Sardigna si aunit a su calendariu modernu tzelebrande santu Silvestru cun chenas mannas, brindisi e abbenimentos mannos in sas pratas.

Accanta a sas festas prus de custu tempus, resistins connottos populares chi dant un balore ispeciale a sas primas oras de s’annu novu: cussu chi si narat, si faghet o si addobiat sa prima die de s’annu est ancora cussideradu dae medas unu suspentu po sos meses imbenientes, motivu po su cale si chircat de si arrodare cun zente cara, de peraulas gentiles e de gestos positivos.

Su mandicu tenet unu rolu tzentrale in custa notte de coladorzu, pro itte dae semper in Sardigna, bustare imparis tenet su signifficu de cundividere fortuna e abbundantzia: supra sas mesas de Cabudanne si agattant a s’ispissu legumenes comente sas lentizas, figura de ricchesa, imparis a prattos importantes de su connottu comente arrustos de petza,pasta prena, suppas prenas de sustantzia e durches tipicos comente pabassinos, gueffus e seadas, preparados po augurare durcura,abbonidade e salude.

In sa parte de intro de s’isula su tempus de su jerru est fintzas ligadu a sos fogos rituales mannos, chi mancari siant azzesos mescamente in bennarzu contant sa figura de su disizzu de puriffigassione e torrada a bida, su mattessi chi accumpanzat su coladorzu dae s’annu bezzu a su novu.

Unu tempus custos fogos funt puru occasione de addobiu e de contos, a inghiriu de sas flammas si bettaiant in daesegus de sas palas timorias e difficultades. Oe,a  custos ritos antigos si accostat una cabentzia prus moderna e festaggiola de su Cabudanne, fatta de cuntzertos, ispettaculos, lughes e brindisi tott’umpare in sas tzittades prus mannas e in sos paisos de sa costa, inube sos chi bi istant e sos bisitadores si agattant tott’umpare po saludare su mesunotte. Mancari sos cambiamentos, peroe, s’ispiritu addurat frimmu:in Sardigna su Cabudanne sighit a essere unu mamentu de cundivisione, de isperantzia e ligamene cun sas proprias raighinas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22