Sos biddizzolos pantuma de sa Sardigna:mudores chi contant istorias.

Sa Sardigna no est fatta solu de plajas de cartolina e tzittades pipirudas. In sa parte de intro, intre montes,campedas e baddes ismentigadas, bivent sos burgos pantuma, biddizzolos pitticcos chi sutempus at isboidadu ma chi cusserbant s’ammaju de su passadu, logoso in sos cales su mudore diventat contu e donzi pedra custoit una memoria.

Calicunu est bistadu abbandonadu po problemas de sa nadura, atteros po motivos accolomicos o puitte troppu bolantzigos e diffitziles de segudare. In Ozzastra, po esempiu, Gairo Bezzu e Osini Bezzu sunt duos intre sos burgos ammaghiantes abbandonados de s’isula:su primu est bistadu movidu in sos annos ’50 pustis de sas fogosas prenas e franas chi nde ant compromittidu sa firmesa, dassande a sas intemperias domos e carrelas, oe iscenariu ammaghiante e tristu; su secundu, Osini Bezzu, cun sas domos suas de pedra apperricadas in su corongiu e sa cresia chi est ancora in pe’, est bistadu a sa mattessi manera sinzadu dae sas franas chi ant custrintu sos abitantes a fraigare pius a monte, ma sighit a bivere comente unu museu a chelu abbertu.

Addià s’Ozzastra, atteros logos ant tentu unu destinu simile: in su Sulcis e in s’Iglesiente sos biddizzolos de Ingurtosu, Montevecchio e Argentiera sunt naschidos a inghiriu de sas minieras e po deghinas de annosa ant accasazzadu iscolas,cresias, buttegas e pratas animadas, fintzas a cando sa crisi de sas attividades de sas minieras at istudadu sa vida de donzi die dassande in pe solu sas architetturas, chi oe testimonzant una sumana.

Passizzare intre sos burgos pantuma de sa Sardigna cheret narrere s’affundare in aeras suspesas e casi fantasticas: sas domos chentza copertura, sas pratas ficchidas dae su prantamine, sas cresias chi resistint a su tempus sunt iscenarios capatzes de attraere biazzadores in chirca de emossiones, e pessonas chi amant sos logos bolanzigos e fottograffos in chirca de bistas unicas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22