Gaddura, blitz anti-malusantzias in sos fraigos:siziglios a villas, cumplessos turisticos e zilleris supra su mare.

Dae sas villas privadas a sos cumplessos turisticos, dae sos magasinos de sa laurantza a sos zilleris supra sas plajas: sos controllos de su Corpu Forestale e de mirada ambientale, dimandados dae sa Procura de Tempio Pausania, ant battidu a una passada de sequestros de prevensione po malusantzias in sos fraigos in Gaddura e in sa costa norte-orientale de sa Sardigna. S’operassione puntat a tutelare sa bista e s’ambiente dae cambiamentos chentza autorissasione in zuras de primore mannu.

Intre sos casos cuntestados bi sunt villas de isfartzu in Porto Rotondo, cun allargamentos abbusivos e fundagos divennidos domos chentza permissos; unu magasinu de laurantza in Terranoa, passadu in deposit e buttega po bendere materiales po fraigare; unu cumplessu turisticu in
Punta Volpe cun accreschimentu de sa volumetria e cambiu de s’impittu de su fundagu; tres domos in Golfo Aranci postas intro de una zura dilica cun pischinas, isbuscamentu de arbules e una carrela de terra po andare in sa plaja; e unu zilleri in Arzachena, supra sa plaja de Liscia Ruja, cun istrutturas deffinitivas supra sa rena demaniale brivas de autorissasiones.

Sas scruccullas sunt andande a daenanti po accrarare sas responsabilidades, mentres domos e zuras adurrant sutta de sequestru ispettande sas detzisiones de sos zuighes. Su blitz cunfirmat comente, in d’una regione inube sa bellesa de sa bista est fintzas una calidade accolomica e de identidade de fundamentu, sa tutela de s’iscrocca adduret una prioridade assoluda, no solu po cuntrastare s’abbusivismu, ma fintzas po garantire un’isviluppu turisticu chi potat agguantare e chi rispettet s’ambiente.

In d’unu cuntestu comente cussu gadduresu, inube turismu e nadura bivent a cuntattu istrintu, su cuntrastu a sas anti- malusantzias in sos fraigos de domos assuntat fintzas unu balore importante meda e chi serbit a ammentare a tottu sos tzittadinos eimprendidores chi su rispettu de sas regulas est essentziale po mantennere sa bellesa de s’iscrocca, diffendere sa biodiversidade e garantire sa possibilidade de godire de una bista innida.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22