Buddusò,aggiudadore de su 118 mortu cun battoro corpos: scruccullas supra su passatu de su mortu.

Sighint chentza si frimmare sas scruccullas de sos carabbineris po acciappare s’autore de su mortorzu de Marco Pusceddu, 50 annos, naschidu in Portoscuso e aggiudadore de su 118, mortu sa notte de giovia in Buddusoò, in Gaddura, cun a su nessis battoro corpos de pistola, isparados dae pagu trettu intro de sa sede de assotziu de succursu Intervol, inube s’0mine fuit in  servitziu.

S’iscruccullu est in manu de sos militares de su Nucleu Investigativu de su Cumandu Provintzale de Tattari e de sa cumpanzia de Othieri, sutta su cumandu de sa Procura de Tattari chi in  custas oras est iscurtande parentes, amigos e cumpnazos de su mortu. Secundu sos primos nunzos, su killer si diat essere presentadu in sa bia Pietro Nenni a sas 23 de notte, giammande Pusceddu fora cun boghe firma e detzisa; cando s’aggiudadore est bessidu a fora,s’affraccadore, chenta si cuare sa cara, ma cun d’unu cucuddu in conca po cuare in parte sa cara, at bogat a pizu sa pistola e at isparadu, battoro o chimbe corpos chi lu ant leadu a sa carena e a su trugu, bocchindelu derettu chenta li dare tempus de si arrenoare o de si cuare.

Pustis de aere mortu s’omine, su bocchidore si ch’est istesiadu a pe in sas carraleas accanta, faghinde perdere sas andalas. Po acciappare elementos chi serbant a connoschere su bocchidore, sos carabbineris sunt abbaidande sos filmados de telecameras de video sorvegliantzia. In parallelu, sunt controllande fattos de su passadu de su mortu, in particulare, carchi mese faghet Pusceddu che  fuit bistadu leadu a s’ispidale po una ferta in conca e interrogadu supra custu fattu, aiat nadu a sos duttores de si essere fertu in domo, chentza narrere atteras cosas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Unu fogu mannu at devastadu su pinedu prus mannu de sa zura de Marrubiu, in su coro de sa provintzia de Aristanis, cajonande sa perdida de una figura importante po s’ambiente, sa cultura e sa memoria de sa comunidade locale.

Secundu sas primas novas su fogu at attraessadu una supraffitzie de prantamine in d’una zura intre Marrubiu e Arborea, inube bi sunt imbuschimentos mannos de oppinos e eucalittos chi dae pius de 50 annos deffinint sa bista e sunt unu prummone birde po tottu su Campidanu aristanesu.

Sas framas, alimentadas dae su bentu forte de su sero e dae sas cunditziones de siccagna tipicas de s’istajone, si sunt movidas lestras meda e ant dimandadu s’interventu importante de isquadras, vigiles de su fogu,de sa Forestale e aereos Canadair e elicotteros, po resessire a alindare su fronte de sas framas, ma su bilanciu, mancari siant chircande de faghere su contu, faeddat de deghinas de ettaros de pinedu brusiados.

Sa destrussione de custu pinedu corpat in manera funguda siat dae su puntu de bista ambientale siat dae cussu culturale e sotziale: po sos chi bistant incue, cussos buscos funt una memoria biva de su conntottu de sa laurantza e rurale de sa zura, logos dae sos cales partiant sas istorias de familias chi in sos annos aiant camminadu intre cussas andalas po regollere linna o solu po chircare umbra e illepiu. Po medas betzos fuit unu logu prenu de ammentos, po sos zovanos unu logu po istare in fora, po sos assozios locales unu teatru naturale de momentos tott’impare e de cura de su birde.

Sa perdida de custu pinedu est unu corpu tostu po Marrubiu e sa comunidade sua, chi como si at a teppere cunfrontare non solu cun su recuberu de s’ambiente naturale, ma fintzas cun su signifficu de una ferida abberta in su coro de un’iscrocca chi po medas annos est bistada un’esempru de connottu, identidade e arroddu cumone.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22