Torrant a incumintzare sos isbarcos in su mesudie de sa Sardigna: arrivadas pius de 50 pessonas.

Sunt torrados a incumintzare sos isbarcos de disterrados in sas costas de su mesudie de sa Sardigna,  pro itte sunt mesoradas sas cundissiones de su tempus in mare chi sunt favoressinde sas travessadas de su mare. Casi 50 pessonas sapadu sunt resessidas a arrivare a s’isula, arribande in logos divressos de sa costa de su Sulcis, supra sa plaja de Porto Pino, in s’iscrocca comunale de S. Anna Arresi. In mesu de issos, fintzas una femina raida, chi est bistada succursa dae sos duttores una borta arrivada a terra.

Sos carabinneris e sa politzia ant provvididu a los reconnoschere e a che los leare a sutzentru de primu accasazu de Monatisr, inube ant essere fattos sos atzertamentos sanidarios e a los reconnoschere. Secundu cantu at nadu sa politzia, s’accreschimentu de sos isbarcos in custu tempus de s’annu est ligadu a sas conditziones de su tempus, chi sunt faghinde divennere su mare pius calmu e duncas pius pagu periculosu po chie tentat sa travessada dae sas costas de s’Africa de su nord. Sas deretturas impittadas sunt a s’ispissu sas mattessi: iscaffas pius pitticcas, a s’ispissu prenas e chi tenent motores de potentzia mèdia, partint dae sas costas de sa Tunisia puntande a su mesudie de sa Sardigna, in manera particulare a sa parte de Sant’Antiogu, Teulada, e Porto Pino, dae annos logos chi favoressint s’arrivu.

Sas autoridades locales, mancari mantenzant in arvithiu sos apparitzos po su controllu e pattugliamentu in mare, cunfirmant sas difficultades de prevennere de su tottu sos isbarcos, chi a s’ispissu, capitant a denotte e in logos isolados de sa costa. Fintzas po custu motivu, in sas urtimas chidas est bistada affortigada sa presentzia de sas fortzas de s’ordine in sas zuras cussideradas pius a chimentu, gai comente est bistada affortigada sa collaborassione cun sa Guardia de Finantzia e sa Guardia Costiera po controllare su traffigu in mare.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22