Todde respundit a sas accusas e cunfirmat:”Appo a sighire a tribagliare po sa Regione”.

Sa presidente de sa Regione Sardigna, Alessandra Todde, at cummentadu sa sententzia de su tribunale chi at revessadu su ricursu suo po sa decadentzia ligada a su rendicontu de sas elessiones, pretzisande chi mancari rispettet sas detzisiones de sos zuighes, no las cundividit e las at a impunzare.

Todde at rebuidu sa cunfiantza sua in s’Istadu de dirittu chi prevedit tres grados de zudissiu, e su dovere de si difendere in su protzessu, chentza si opponnere a s’ispinnigu. At puru evidentziadu sa differentzia intre chie seperat s’atzocchiu cun sos zuighes e chie imbetzes rispettat su rolu de sos zuighes e sas detzisiones insoro, fintzas cando no las cundividit. E relatandesi a sa sententzia, sa presidente at evidentziadu chi su tribbunale at reconnoschidu s’incumpetentzia de su Collezu de garantzia a s’ispriccare supra sa decadentzia, cunfirmande duncas unu puntu chi favoressit sa positzione sua. Bell’e gai, Todde at evidentziadu paritzas cosas chi non andant bene e coladas triversias, mescamente po sa proportzionalidade de sa pena supra sa decadentzia sua e cussa de su Cunsizzu Regionale intreu, chi si pensat no siat cumbinchente.

At puru critigadu su ragionamentu de su tribbunale po su cale serbit de rendicontare pessonalmente, mancari issa no eppat ispesu pessonalmente su inari. Secundu Todde, sa dichiara chi benit cunsiderada iscurretta no podet essere cunfrontada a una presentada chi no est bistada fatta, mescamente pro itte est nodidu in manera trasparente cale sumas sunt bistadas pagadas, dae chie e comente sunt bistadas ispesas dae su Comitadu, s’unicu suzettu destinatariu de sos contribbudos.

Po s’accottu de sa currettesa de su rendicontu bi sunt bistadas fintzas balutatziones positivas dae sa Corte de sos Contos e de sa Procura de sa Repubbrica de Casteddu. Mancari sas critigas e sos attaccos politicos chi dimandant sas dimissiones suas, Todde at assiguradu de essere in su prenu de sas funtziones suas e de sighire a tribagliare po su bene de sa Sardigna.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

S’istoria de su Casteddu Fubbalu, s’isquadra simbulu de sa Sardigna.

Sa sotziedade fundada in su 1920 in sa tzittade de Casteddu. Dae prus de chentu annos est unu puntu de relata po s’isport sardu e po medas appassionados de fubbalu. In sos primos annos de s’istoria sua, s’iquadra giogaiat mescamente in sos campionados regionales e minores de su fubbalu italianu. In cussu tempus su Casteddu non fuit ancora intre sas isquadras prus fortes de s’Italia, ma cun su passare de su tempus est creschida e at incumintzadu a mezzorare sos risurtados suos.

Una bortada importante arribat in sos annos Sessanta,cando su Casteddu resessit a arribare in Serie A, su campionadu prus importante de su fubbalu italianu. Dae cussu mamentu s’isquadra incumintzat a si faghere connoschere semper de prus fintzas a livellu naztionale. Su mamentu prus importante de s’istoria de su club arribat in s’istajone 1969-1970. In cuss’annu su Casteddu resessit a binchere s’iscudetto, su campionadu italianu. Est unu risurtadu istoricu pro itte est s’unicu iscudetto binchidu dae un’isquadra de sa Sardigna.

In cussos annos s’isquadra fuit ghiada dae s’allenadore Manlio Scopigno e intre sos giogadores prus importantes bi fuit Gigi Riva. Riva est cussideradu unu de sos attaccantes prus mannos de s’istoria de su fubbalu italianu. Gratzias a sos goals suos est divennidu su simbulu de su Casteddu e fintzas unu de sos giogadores prus amados dae sos tiffosos sardos.

Sa binchida de s’iscudetto est bistada una festa manna po totta sa Sardigna. Fintzas oe cussu sutzessu est ammentadu cun galabera manna e d’est unu de sos mamentos prus importantes in s’istoria de s’isport italianu. Pustis de cussos annos su Casteddu at sighidu a giogare po meda tempus in Serie A, ma at tentu fintzas mamentos diffitziles. S’isquadra at tentu simanas positivas e atteras prus cumplicadas, cun carchi masqada in sas categorias prus bassas. In sos annos Noranta su Casteddu est torradu a tennere resurtados bonos e at partetzipadu fintzas a cumpetissiones europeas, accomettande isquadras de atteros Paisos. Ets bistadu unu periodu importante po sa sotziedade e sos tiffosos.

In sos urtimos annos s’isquadra est bistada in serie A e in serie B.Mancari custu, su Casteddu sighit a essere un’isquadra sighida meda e d’est fintzas oe unu simbulu po totta sa Sardigna.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22