Sa Fundassione Domus de Luna at retzidu su Premiu de archida “Bonas Novas 2025”, unu riconnoschimentu natzionale chi tzelebrat donz’annu s’impignu in sas pratigas sotziales bonas e in sa notissias positivas, dande visibilidade a realidades chi fraigant donzi die su bene comune po mesu de attos materiales, attesu dae sas lughes e a s’ispissu innorados dae sos arrodeos mediaticos mannos.

Su premiu est bistadu cussinnadu in sas dies passadas a su fundadore de sa Fondassione, Ugo Brassanello, in su mentres de una tzerimonia sulenne chi est bistada fatta in sa Biblioteca de su Geminariu de Caserta, cun sa presentzia de ingarrigados de sas istitussiones, gazeteris, zente de su mundu de sa cultura e de su terzu campu. Su riconnoschimentu, un’iscultura de brunzu fatta apposta dae s’artista Battista Marello, affigurat s’arrancu e sa partiatzesa de chie tribagliat po dare isperantzia, dignidade e tempus benidore a sas fascas pius debiles de sa populatzione.

S’initziativa est fatta dae s’Unione Stampa Cattolica Italiana de Caserta, cun s’azzudu de su “Corriere Buone Notizie” de su Corriere della Sera. Arrivadu cust’annu a s’edissione numeru seighi, su Premiu “Bonas Novas” est una de sas pagas initziativas in Italia, dedicadas solu a sas novas positivas, premiande donz’annu gazeteris, disignos, assotzios e pessones chi cun sas cosas chi faghent contant sa menzus parte de su Paese nostru.

Cust’annu, po sa prima borta, su Premiu at creffidu puntare sa mirada supra sa Sardigna, seperande sa Fundassione Domus de Luna comente iscarmentu de impignu sotziale virtudosu, mezoramentu educativu e torrada a bida de sa comunidade. Fundada in su 2005 in Casteddu, Domus de Luna est divennida in pagu tempus unu puntu de relata regionale e natzionale po sa capatzidade sua de coggiare accasazu, formassione, cultura e tribagliu in disignos capatzes de revertire in manera reale sa vida de pitzinnos, zovanos e familias in difficultade.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sos  tres mastros mannos de su tzinema sardu:identidade e memoria supra s’ischermu mannu.

Intre sos registas sardos prus famados e de signifficu bi sunt Gianfranco Cabiddu, Sarbadore Mereu  e Enrico Pau, tres personalidades differentes po formassione e istile ma postas impare dae su disizu de contare s’isula in sa cumplessidade sua, binchinde friguras de su folklore. Su tzinema insoro at dadu unu contribbudu detzisivu pro fraigare unu contu modernu de sa Sardigna, capatze de faeddare cun sa bista natzionale e internatzionale.

Gianfranco Cabiddu est cussideradu unu de sos ispegilizatores de su tzinema sardu de oe. Sa carriera sua si distinghet po s’attentzione a sa mannesa culturale e litteraria, addia chi po unu ligonzu forte cun sa musica e su teatru. Operas comente Disamistade ant accomettadu temas chi pertoccant a s’istoria de s’isula in manera funguda, comente sa vinditta e sos codices de onore, apparande una mirada critiga ma mai subrana. Cun

La stoffa dei sogni, ambientadu in s’Asinara e ispiradu a Shakespeare, Cabiddu at mustradu sa capatzidade de fundere connottu e universalidade,alcansande reconnoschimentos importantes e candidandesi a premios natzionales. Su caminu artisticu suo est ligadu fintzas a sa frigura de De Andrè. Sarbadore Mereu est invetze una boghe prus deretta e de su tempus nostru. Su tzinema suo est a s’ispissu deffinidu reale e intimu, capatze de contare sa Sardigna dae sas foranias de sas tzittades, de sos zovanos e de sas trasformassiones sotziales.

Cun Ballo a tre passi at tentu unu sutzessu de critica mannu abberu, mentres Bellas Mariposas at conchistadu su pubbricu e sa critiga gratzias a unu limbazu novu e una contassia chi chi ponet impare unu eja e unu no dillezu e dramma. Mereu impittat a s’ispissu su sardu e attores chi non lu faghent po tribagliu, seperu chi dat berteresa e fortza de signifficu a sos films suos.

Enrico Pau si annodittat po un’istile prus poeticu e pensamentosu, deffinidu dae un’attentzione particulare a sa memoria, a sa mannesa de sas feminas e a s’istoria de s’isula. Cun l’Accabbadora at giuttu supra s’ischermu una frigura simbulu de su connottu sardu, accomettande temas diligos cun sensibilidade manna. Su tzinema suo si movet intre realidade e bellesa, apparande bistas cadrias e contos fungudos chi iscumbattant s’identidade de donzunu e de tottus.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22