Sa Regione Sardigna diventat immazinariu cun su zemellu digitale.

Sa Regione Sardigna faghet unu passu addaenanti importante in su protzessu de digitalizzazione cun s’introiduzione de su Zemellu Digitale, un’assentu nou chi at a cambiare in manera deffinitiva sa manera in sa cale benint amministrados sos protzedimentos amministrativos. Gratzias a custa tennologia avantzada, at essere possibile intregare bases digitales in d’unu solu eco- assentu collegadu, mezorande in manera importante s’efficentzia e sa lestresa de s’amministratzione pubbrica.

Custu, sinzat s’incominzu de una trasformassione funguda, in sa cale su controllu de s’iscrocca e de sos servitzios regionales at essere poderada dae istrumentos tennologicos avantzados, chi siant capatzes de controllare sos datos in presse meda, finghere iscenarios e mezorare sas operaziones.
S’idea naschet in s’industria, inube benit impittada po creare repricas immazinarias de macchinas e protzessos de produssione, permittinde de controllare su funtzionamentu insoro e prenettare sos problemas prima chi si presentent.

Attuadu a s’Amministratzione Pubbrica, custu istrumentu permittit de repricare in manera digitale su funtzionamentu de s’ente regionale, intregande datos chi arrivant dae logos divressos e poninde in comunicatzione intre issos sos campos de s’amministratzione. Custu cheret narrere chi tottu sos protzedimentos, dae sas praticas burocraticas a sas autorissassiones de s’ambiente, dae sas autorissasiones po fraigare e su controllu de sos benes naturales, si ant a podere controllare in manera pius lestra e cordinada.

Una de sas visuras pius revolussionarias est sa capatzidade sua de faghere divennere pius lestru e balente tottu s’assentu amministrativu. In custu momentu, medas protzedimentos dimandant tempos longos pro itte sas informatziones chi arrivant dae sos uffitzios sunt cotzadas e bi est sa netzessidade de coladorzos burocraticos complicados. Gai, invetze, sos datos ant essere centralizzados e atzessibbiles in presse meda, permittinde unu controllu pius lestru e pretzisu de sas pratigas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Sa torrada de s’ora legale intre vantazos praticos e discumbenios pitticcos a s’incumintzu.

Cun s’arrivu de su beranu torrat fintzas una de sas mudas prus nodidas de s’annu. In sa notte intre sapadu 28 e dominica 29 martu sas lantzittas de sos relozos ant devere essere movidas a daenantis de un’ora. Custu determinat una notte prus curza e duncas un’ora de sonnu in mancus, mancari pro chie impittat telefoneddos e computer su coladorzu at essere in automaticu chenza deppere intervennere.

S’ora legale bi est in Italia dae su 1966. Est bistada fatta po irfruttare menzus sa lughe de su sole in sos meses de beranu e istiu, cando sas dies si allonghiant. Poninde a daenantis s’orariu si tenet prus lughe in sas oras de su sero, minimande gai sa netzessidade de impittare sa lughe artifitziale. Custa cosa battit beneffissios importantes.

Su primu est pro su risparmiu de energia, pro itte si azzendent prus pagu sas lughes in sas domos e sas tzittades, minimande gai sa netzessidade. Ma no est s’unica cosa positiva. Sas dies parent prus longas e custu cambiat fintzas sos imbitzos de sas pessonas. Si tenet prus tempus po istare in fora, po faghere attividade fisica oppuru pro si abbambiai pustis de su tribagliu o s’iscola. Fintzas sa vida sotziale nde tenet unu vantazu.

Non bisonzat peroe de s’ismentigare sas cosa prus pagu positivas. Sa muda de s’orariu podet creare carchi difficultade in sas primas dies. Carchi pessona s’intendet prus istracca,faghet fadiga a s’indischidare su manzanu o tenet problemas a si drommire su sero. Podent apparessire fintzas alteriosidade e difficultade a si cuncentrare. Sas pessonas prus sensibiles sunt a s’ispissu sos pitzinnos, sas pessones giai istraccas e chie tenet problemas de sonnu.

Pro issos, s’abesare dimandat carchi die in prus. Mancari custos problemas a s’incumintzu, s’ora legale sighit a essere impittada pro itte sos benefissios totales sunt cussiderados prus mannos. Pustis de pagas dies su numeru prus mannu de pessones si abbituat a s’orariu novu e torrat a incumintzare sas attividades chena problemas particulares.

Pro congruire, su coladorzu a s’ora legale est unu cambiu pitticcu chi dimandat unu tempus curtzu pro si adattare, ma chi apparat acchittos beros in sa vida de donzi die. Seros prus longos,impittu prus mannu de sa lughe naturale e sas opportunidades de bistare in fora faghent de custu tempus unu de sos prus appretziados de s’annu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22