Sa Sardigna interprete in Tokyo: su sutzessu de su Foodex Japan.

Sa Sardigna at brilladu comente interprete a su Foodex Japan, una de sas Mustras internatzionales pius de archida dedicadas a su campu de sa laurantza, chi est bistada fatta in Tokyo. S’abbenimentu at bidu sa partetzipassione de otto dittas sardas, chi ant mustradu cun braga su menzus de sas eccellentzias de sa coghina de s’isula.

Sa presentzia italiana in Giappone est de signifficu, ma bi est ancora unu margine mannu de creschida. S’Italia, difatis, occupat in custu momento su logu numeru bindighi in sa lista de sos fornidores de su mercadu giapponesu, e custu mustrat un’occasione de ispartimentu. In mesu de sos produttos presentados in su mentre de sa Mustra, sutzessu meda at tentu su berbeghinu sardu.

Addià de evidentziare sa calidade de sos produttos fattos cun su casu e de cussu chi si mandigat in Sardigna, sa partzetipassione a su Foodex Japan est bistada un’occasione importante po faghere connoschere sa figura de sa Sardigna a 360 grados. S’isula, difatis, no est solu  connotta po sa cosa de mandigare, ma puru po sas bistas chi che bogant s’alenu, istoria de seculos e cultura. Su pubbricu giapponesu at mustradu interesse mannu po sa ricchesa de su patrimoniu, de sa nadura e istoricu sardu, riconnoschinde in s’isula unu puntu de arrivu chi meresset de essere baloritzada fintzas dae su puntu de bista turisticu.

In manera dislinda, sunt bistados premiados duos produttos de eccellentzia de s’istorica ditta sarda: su berbeghinu Juncu Pitticcu, giai premiadu in su 2024, est bistadu cunfirmadu intre sos 10 menzus berbeghinos friscos de Italia. Su berbeghinu Cardureu, fattu cun cazu de sas mattas, at retzidu un’aterru riconnoschimentu de archida, pustis de aere giai alcansadu sa medalla Super Gold a livellu de su mundu.

S’esperientzia a su Foodex Japan, duncas, si est iscopiada unu sutzessu sutta de medas puntos de bista: at permittidu a sas dittas sardas de
affortigare sa presentzia insoro in su mercadu asiaticu, de faghere connoschere sa genuinidade de sos produttos insoro e de affortigare su ligamene intre cosa de mandigare, cultura e iscrocca.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Einstein Telescope, sa Sardigna puntat supra Sos Enattos: un’istrumentu pro istudiare s’univressu.

S’Einstein Telescope est un’istrumento iscientificu addaenantis medas chi at a permittere a sos istudiosos de iscrudignare sas undas gravitatzionales chi arribant dae s’univressu primarzu e de istudiare sos fenomenos de su trettu chi oe non podimos ancora biere.

Si trattat de unu osservadoriu de ingendra nova chi nos at a podere azzuare a cumprendere menzus comente est naschidu e creschidu s’Univressu. Gratzias a sa dilighesa manna sua at essere possibbile iscrudignare abbenimentos cosmicos istravandos comente sa tumbada intre toffos nieddos o intre istellas de neutrones abbeniddos miliardos de annos faghet.

Sa Sardigna at a presentare ambas sas possibbiles formas de s’osservadoriu: cussa a triangulu e cussa cun duas istrutturas a forma de L. Carchi istudiu at mustradu chi sa soluzione cun duas L diat podere dare risurtados iscientifficos menzus e minimare carchi arriscu tennicu. S’idea est cussa de faghere custa solutzione imparis a sa Sassonia, creande una collaborassione intre Istados Europeos divressos supra unu de sos disignos iscientificos prus importantes de sos annos imbenientes.

Pro sos iscientziados su situ de Sos Enattos, in s’iscrocca de Luvula, est unu de sos logos menzus in su mundu pro fraigare custu osservadoriu. Est difattis una zura meda muttiga dae su puntu de bista sos terremotos e casi briva de cale si siat burdellu motivadu dae sas attividades de s’omine. In prus sa rocca presente sutta de terra est adatta meda a sos iscavos netzessarios pro fraigare sas istrutturas chi ant a accasazzare sos istrumentos iscientifficos.

Su fraigu suo diat podere mustrare un’occasione manna po s’iscrocca. Unu disignu comente custu podet battire imbestimentos novos e occasiones meda de formazione. Sa presentzia de s’osservadoriu diat podere favoressere sa creschida de sa chirca iscientifica e apparare possibilidades novas pro istudiantes,chircadores e tennicos chi tribagliant in sas zuras de s’iscientzia e de s’inzennieria.

Unu fraigu iscientificu gai importante diat podere battire beneffissios fintzas a s’accolomia locale. A inghiriu de su disignu diant podere naschere attividades novas ligadas a sa chirca, modernissassione e servitzios chi serbint pro accotzare unu tzentru iscientificu internatzionale mannu meda. In prus diat podere affortigare sa collaborassione intre universidades, tzentros de chirca e istitutziones europeas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22