Sas scruccullas chi est faghinde  s’ Isquadra Mòbile de sa Questura de Casteddu subra de unu fenòmenu chi inchiettat de molestias sessuales in carrela, accontèssidas in sos ùrtimos meses, ant battidu a una denùntzia.

Un’òmine est istadu identificadu e denuntziadu in su campu de sas scruccullas chi sunt chirchande de faghere lughe subra de una sèrie de abbenimentos chi ant iscuttinadu sa trancuillidade de sa tzitade, in particulare pro su chi pertocat a sas fèminas chi, cando falat su sero, torrant a domo.

Sas molestias, chi si sunt registradas in logos diferentes de Casteddu, ant bìdu fèminas imbistidas a faeddos o fìsigamente dae disconoschidos a sero o denotte. S’autore de unu de sos abbenimentos capitados dae pagu tempus est bistadu denuntziadu, ma sa politzia est chircande de cumprèndere si siat unu solu responsàbile o si siat  una sèrie de assiones crompidas dae prus battasarros.

Segundu sas scruccullas, difattis, sas molestias non pàrent èssere su frutu de unu maniacu solitariu, ma prus de unu cumportamentu difùndidu intre medas persones, àteras de sas cales podent tènnere problemàticas psìchicas chi influentziant  su cumportamentu issoro.

S’ Isquatra Mòbile, a pustis de àere iscurtadu deghes  testimònzos, at regortu medas sinnalatziones e denùntzias formales de parte de sas chi ant tentu rebattu. In particulare, est bistadu cumpiladu unu disignu de sos logos pius corpados dae custas affaccadas, permittinde a sos scrucculladores de trassare  unu pròffilu pius pretzisu de sos autores, chi diant pòdere àer fattu tottu in momentos diferentes ma cun maneras simizantes. Sas scruccullas si cuncentrant como subra de s’iscumbattu de connoschere s’identidade de àteros respnosàbiles, in particulare pro su
chi pertocat a sos casos acontèssidos in Carrela Giotto, una de sas zuras pius corpidas dae custos abbenimentos.

Sos scrucculladores mantènnent s’arrecchettu pius mannu subra de sos elementos de sa balga, in particulare po s’identidade de s’òmine denuntziadu.

Attività realizzata con il contributo della Regione Sardegna – IMPRENTAS 2024-2025. L.R. 22/2018, art.22

Elettrocavu Luvula-Garteddi, sighint sos tribaglios de Terna: imbestimentu de 50 miliones po mezorare sa retza elettrica.

Sighint sos tribaglios de Terna po fraigare su Elettrocavu novu cun cavu sutta de terra longu 19 kilometros chi at a collegare sas cabinas primarzas de Luvula e Garteddi. S’opera faghet parte de sos interventos po affortigare sa retza elettrica locale e at a permittere de la faghet divennere prus balente e sigura. Pro faghere sos tribaglios, sa sotziedade at imbestidu casi 50 miliones de euros. Su collegamentu novu at a dare sustentamentu elettricu in prus a sa cabina primarza de Garteddi chi oe est collegada a sa retza elettrica natzionale po mesu de unu solu elettrocavu.

Pro cantu pertoccat sos tribaglios, los sunt faghinde in sa carrela provintziale 25 e sos cantieris de su lotto 1 e 2 in su trettu chi andat dae su’iscansada de Luvula fintzas a Garteddi. Sos tribaglios sunt andande a daenantis segundu su programma chi si prevediat. Una prima parte at essere finida intro lampadas 2026 mentres
sa fine de sos tribaglios si prevedit intre sa prima metade de su 2027. In su mentres de sos tribaglios po garantire sa siguresa est bistadu netzessariu istringhere sa carrela faghinde passare sas macchinas cun su traffigu regoladu dae unu semafforu.

A sa congruida de sos tribaglios sa sotziedade at a torrare a faghere s’isfaltu in tottu su trettu de sa carrela interessada dae su cantieri. S’abberu de s’opera est bistada deffinida po mesu de unu caminu de cunfrontu cun sas amministratziones locales. In sos primos mamentos su trassadu de su cavu interradu est bistadu istudiadu imparis cun sos entes interessados cun s’intentu de minimare cantu prus est possibile problemas po s’iscrocca e s’ambiente e rispettare sas esigentzias de sas attividades de sa laurantza. S’elletrocavu novu at a passare mescamente accanta a atteras operas chi giai esistint comente carrelas istatales e provintziales minimande sas intromissiones cun sas zuras de majore balore naduralisticu e de bista de sa zura.

Custu interventu est unu passu importante po affortigare sa retza elettrica de s’iscrocca cun beneffissios isettados po sa continuidade de su servitziu e prus siguresa in su faghere arribare prus energia po sas comunidades locales.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22