Sa Corte de sos Contos cuffirmat su bilantzamentu de sas ispesas de sas eletziones de su M5S in Sardigna.

Sa Corte de sos Contos at declaradu s’abbilantzamentu de sas ispesas fattas dae su Comitadu de sas Elessiones de sa Mossa 5 Isteddas in su mentres de sa campagna po sas elessiones regionales in Sardigna, chi bi sunt bistadas in su mese de frearzu 2024. Su rendicontu de sas ispesas, firmadu dae su senatore Ettore Antonio Licheri, est bistadu intregadu in manera uffitziale su 24 de maju de su mattessi annu.

Custa conclusione bessit a pizu dae sa delibera numeru 1 de su 2025, chi at fattu su collezu de controllu de sa Corte de sos Contos, chi at controlladu in manera contipizosa sas ispesas accolomicas de sa campagna po sas elessiones de su M5S.

S’interventu de sa Corte regorret in su cuadru pius mannu de sos controllos supra sas ispesas de sos partidos puliticos, unu controllu chi andata imparis a cussu chi at giai fattu sa Corte de Appellu de Casteddu supra sos candidados. Zustu dae cust’urtimu controllu est bessidu su pregone de decadentzia po sa Presidente de sa Regione, Alessandra Todde, e po sa cale issa at dezisu de impunzare sa disposta. Su ricursu est bistadu presentadu a su tribbunale imparis cun sos abocados suos, e sa prima audentzia po nde chistionare est bistada siddada po su 20 Martu 2025.

In sa delibera de sa Corte de sos Contos benit evidentziada sa distintzione intre su controllu de sas ispesas po sas elessiones de sos partidos e cussas de sos singulos candidados. Sa norma chi bi est oe narat cun claresa chi s’obbrigu de faghere su rendicontu de una formazione politica siat separadu dae cussu de sos singulos. Po custu motivu, sos controllos benint fattos dae duos entes divressos.

Mentres su rendicontu de sas ispesas de sos partidos benit controlladu dae sa Corte de sos Contos, su controllu de sas ispesas personales de sos
candidados est de cumpetentzia de su collegiu regionale de garantzia elettorale, chi est in sa Corte de Appellu de Casteddu, comente prevedit sa legge regionale.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Elettrocavu Luvula-Garteddi, sighint sos tribaglios de Terna: imbestimentu de 50 miliones po mezorare sa retza elettrica.

Sighint sos tribaglios de Terna po fraigare su Elettrocavu novu cun cavu sutta de terra longu 19 kilometros chi at a collegare sas cabinas primarzas de Luvula e Garteddi. S’opera faghet parte de sos interventos po affortigare sa retza elettrica locale e at a permittere de la faghet divennere prus balente e sigura. Pro faghere sos tribaglios, sa sotziedade at imbestidu casi 50 miliones de euros. Su collegamentu novu at a dare sustentamentu elettricu in prus a sa cabina primarza de Garteddi chi oe est collegada a sa retza elettrica natzionale po mesu de unu solu elettrocavu.

Pro cantu pertoccat sos tribaglios, los sunt faghinde in sa carrela provintziale 25 e sos cantieris de su lotto 1 e 2 in su trettu chi andat dae su’iscansada de Luvula fintzas a Garteddi. Sos tribaglios sunt andande a daenantis segundu su programma chi si prevediat. Una prima parte at essere finida intro lampadas 2026 mentres
sa fine de sos tribaglios si prevedit intre sa prima metade de su 2027. In su mentres de sos tribaglios po garantire sa siguresa est bistadu netzessariu istringhere sa carrela faghinde passare sas macchinas cun su traffigu regoladu dae unu semafforu.

A sa congruida de sos tribaglios sa sotziedade at a torrare a faghere s’isfaltu in tottu su trettu de sa carrela interessada dae su cantieri. S’abberu de s’opera est bistada deffinida po mesu de unu caminu de cunfrontu cun sas amministratziones locales. In sos primos mamentos su trassadu de su cavu interradu est bistadu istudiadu imparis cun sos entes interessados cun s’intentu de minimare cantu prus est possibile problemas po s’iscrocca e s’ambiente e rispettare sas esigentzias de sas attividades de sa laurantza. S’elletrocavu novu at a passare mescamente accanta a atteras operas chi giai esistint comente carrelas istatales e provintziales minimande sas intromissiones cun sas zuras de majore balore naduralisticu e de bista de sa zura.

Custu interventu est unu passu importante po affortigare sa retza elettrica de s’iscrocca cun beneffissios isettados po sa continuidade de su servitziu e prus siguresa in su faghere arribare prus energia po sas comunidades locales.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22