Sa crisi de s’abba b’est ancora, ma sos cadinos codiant su 54% de prenadura.

S’emergentzia de s’abba in Sardigna non est ancora resorta, ma sas temporadas de pagu tempus faghet ant battidu a unu mezoru de sos allocos. Secundu s’urtima bulletta supra sos cadinos de su mese de frearzu, sos cadinos de s’isula ant tentu unu prenamentu de su 54,5%, cheret narrere 994,41 miliones de metros cubos de abba. Custu mustrat unu creschimentu de 88 miliones in cunfruntu a sa fine de bennarzu, cando sa parte de prenamentu fit de su 49,6%.

Bell’ e chi custa creschida, sa situassione addurat critiga, cun d’unu indittu de utta de su 0,19 chi marcat ancora unu livellu de perigulu. Custu cheret narrere chi s’ ispartidura de s’abba depet essere minimada cunsiderende sos impittos po controllare s’eventualidade chi bi siant tempos longos de siccidade. De prusu, serbint mesuras po assulenare e prettare sas difficultades de su tempus benidore.

Se mezoru de sas bardias de abba non est pari in tottu sa Regione. Si Nugoresu e Baronia bident una represa de sos allocos, sa situassione st pius pesante in su Sulcis, in manera particulare in s’impiantu de s’Artu Cixerri. Inoche sos cadinos de Punta Gennarta e Medau Zirimilis sunt minimados a su 14% de sa cabida totale insoro, unu elementu allarmante chi evidentziat sa netzessidade de interventos apprettosos.

Fintzas su sistema de s’abba de su nord-ovest de s’isula, chi incluit sos cadinos de Coghinas, Bidighinzu,Cuga e Temo, est in cundissiones chi affuscant. S’indittu de istadu est sutta sa media regionale (0.17) e su prenamentu est firmu a su 44,8%. De prusu, si sinzalant difficultades in su Tirso-Flumendosa, cun d’unu livellu de prenamentu de su 51,8%. S’unica iscrocca chi paret tenzat beneffissios dae sas temporadas est sa Gaddura. Sos comunes chi leant s’abba dae su cadinu de su Liscia podent contare subra unu cadinu prenu a su 74,9%, un’elementu chi affiantzat una securesa idrica pius manna in cunfrontu a atteros logos de s’isula.

Sas supposissiones po sa fine de sa chida prevedint temporadas novas, una cosa custa chi diat podere mezorare de piusu sa cantidade de abba in sos cadinos. Bell’e gai, sa crisi de s’abba addurat una minetha bera e su controllu de sas disponibbilidades dimandat unu controllu attentu meda.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Nora, sa tzittade supra de su mare chi contat sas issidas de sa Sardigna.

Intre sos logos archeologicos prus ammaghiantes de s’isula,sa zura archeologica de Nora est una de sas testimonias prus importantes de s’istoria antiga de sa Sardigna. Posta in sa costa sud-occidentale , in s’iscrocca de Pula, Nora est unu logu inube su tempus passadu ispuntat a pagos passos dae su mare, intre ruinas chi contant seculos de tzivilidade e barattos in su Mediterraneu.

Fundada cun meda probabilidade dae sos Fenicios intre su IX e s’VIII seculu A.C.,Nora est cussiderada una de sas tzittades prus antigas de s’isula. Pustis est divennida unu tzentru punicu importante meda e, prus a tardu,romanu, leande unu rolu istrategicu dae su puntu de bista de sos negossios chi de s’amministrassione. Sa posissione sua,supra de una penisula accarada supra su mare, l’at fatta divennere unu portu naturale e unu puntu de collegamentu de fundamentu intre sa Sardigna e sos atteros caminos de su Mediterraneu.

Passizzande intre sos restos de sa tzittade si podent biere in manera crara sas fases istoricas divressas chi sunt furriadas in su tempus.Intre sos elementos prus de ammaghiu bi est su teatru romanu, una de sas conas de su situ, chi fintzas oe benit impittadu in su mentres de s’istiu pro abbenimentos culturales e ispettaculos. Accanta a su teatru bi sunt sos istabilimentos termales, cun logos dedicados a su relax e sa vida sotziale, e parizzas domos decoradas cun musaigos chi testimonzant su livellu de isviluppu apperricadu dae sa tzittade in su tempus de sos romanos.

Sos caminos sticcados,sos restos de sas cresias e sas istrutturas de su portu contant de una tzittade biva e ordiminzada, inube si intrintzaiant attividades de barattu,religiosas e de donzi die.Interessante meda est su cuartieri punicu, chi custoid sas andalas de sa fase prus antiga de su logu. Unu de sos trattos pius ammaghiantes de Nora est s’appitzicu suo cun su mare. Parte de sa tzittade antiga s’isterriat in sa costa e oe carchi istruttura si agattat sutta de su livellu de s’abba, e si biet solu in carchi occasione.

Custu elementu dat unu contribbudu a faghere divennere su situ unigu, inube archeologia e bista naturale si fundent in d’unu ecchilibriu ammaghiante.Sos iscavos, chi sunt ancora faghinde, sighint a torrare materiales e informatziones novas, arricchinde sa connoschentzia de unu logu chi no at ancora iscoviadu sos segretos suos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22