Un’operassione dae parte de sa Guardia de Finantza at fattu secuestrare benes mobbiles e domos, in mesu de sas cales paritzas in Sardigna, po unu balore de pius de 2 miliones de euros. Su provvedimentu est bistadu disponnidu dae sa setzione Mesuras de Prevensione de su Tribbunale de Milano, sighinde un’iscrucculla contipizosa accolomica-patrimoniale cordinada dae su Pubbricu Ministeru de sa Direzione Distrettuale Antimafia.

Su fadadu de su secuestru est un’impresariu de sa provintza de Monza e Brianza, giai cundennadu po crimenes finantziarios e sotzietarios, in sos cales bi sunt fintzas de aere trasladadu dinari e bancarutta cun impostura, e chi tenet fintzas cabidianos po illetzidos penales e de tassas e fintzas po abbusivismu finantziariu.

Sas iscruccullas de su Nucleo Politzia accolomico finantziaria de sa Guardia de Finantza ant fattu bessire a pizzu sa differentzia de sos reddidos decrarados dae s’impresariu e sa vida chi biviat. Su patrimoniu chi teniat, secundu sa Guardia de Finantza, est perricante cun sas disponibilidades finantziarias chi diat aere potidu tenere in manera legittima. Addia de sas differentzia patrimoniale, est bistadu riscontradu puru unu teppidu mannu in sos cunfruntos de sas tassas.

Su secuestru est bistadu fattu po noe domos, chi sunt parte in Lumbardia e parte in Sardigna. In mesu de custas bi est una domo manna e de isfartzu, chi diat podere essere bistada impittada comente residentzia de giudu o comente forma de imbestida. Addià sas domos, sunt bistados firmados contos in banca, macchinas de balore artu meda e una cassitta de sicuresa chi tenet intro cosas chi sunt ancora de controllare.

Un’attentzione particulare est bistada dada a sas attividades de s’impresa de s’omine: su provvidimentu at fartadu difattis fintzas una sotziedade po domos chi est in Milano e sas cotas de partetzipassione in duas sotziedades de caudali, mustrande comente s’omine fetterat operassiones cun dinari unu pagu in tottue.

Sa presentzia de bene
secuestrados in Sardigna no est una cosa de paga importantzia, ma unu elementu importante meda de s’iscrucculla. S’isula, cun su mercadu de sas domos chi est semper creschinde e cun logos de archida chi attirant imbestimentos dae tottu s’Italia, est medas bortas a su tzentru de operassiones accolomicas divressas, cumprendinde cussas illetzidas.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Continuidade de s’iscrocca, billettos a pagu preziu fintzas po sos familiares de sos chi bistant in Sardigna.

Si podent comporare da oe sos billettos in continuidade de s’iscrocca riservados a sos familiares de sos chi bistant in Sardigna. Sa novidade est po su sistema de pesos de servitziu pubbricu chi regulat sos collegamentos aereos da e pro s’isula e accreschit su numeru de pessonas chi podent godire de sos pretzios aggevolados.

Sos billettos si podent comporare po sos bolos dae su 29 de martu, die in sa cale at a bintrare in fortilesa su sitema novu de sa continuidade de s’iscrocca. Cun custu seperu sa Sardigna reconnoschet su dirittu de biazzare a pretziu bassu, non solu a chie bistat in s’isula, ma puru a chie, mancari bivat in d’unu atteru logu, tenet unu ligonzu istrintu cun chie bistat in Sardigna.

S’assessora regionale a sas Carraduras Barbara Manca at nadu chi si trattat de unu passu in daenantis importante meda pro itte affortigat su cuntzettu de continuidade de s’iscrocca e tenet contu de su balore de sas famiglias in d’una iscrocca de isula comente sa Sardigna. Su risurtadu est fruttu de su tribagliu leadu a daenantis dae sa Regione Autonoma de sa Sardigna impare cun su Ministeru de sas Infrastrutturas e de sas Carraduras e sa Cummissione Europea, rispettande sas regulas europeas po sos collegamentos garantidos dae s’Istadu.

Ant a podere godire de sos pretzios aggiudados, cun d’unu accreschimentu minimu in cunfrontu a cussos istabilidos po sos chi bistant inoghe, ma cun d’unu pretziu massimu giai istabilidu, sos parentes fintzas a su terzu gradu. At a serbire a fizzos, babbos e mamas, frades e sorres, giagios e nepodes,tios e atteros nepodes. S’azzudu balet fintzas po maridos e muzzeres e po sos fizzos de sos famigliares chi tenent dirittu a s’iscontu.

Sa misura punnat a alcansare chie at dassadu sa Sardigna po motivos de tribagliu o de istudiu ma sighit a mantennere unu ligonzu forte cun s’isula, gai comente sas famiglias chi bivent partidas intre regiones divressas. S’intentu est de faghere divennere prus simple e prus pagu caru su viazu po chie depet torrare a domo pro motivos famigliares.

Sa cabuda de sos billettos a pretziu bassu affortigat duncas su dirittu a si podere movere in d’una regione chi po sa posissione geografica sua depet faghere sos contos cun collegamentos prus cumplicados e caros in cunfrontu a atteras zuras de s’Italia, azzuande non solu sos chi b’istant ma fintzas sas famiglias insoro.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22