Doighi “migrantes” isbarcant in su Mesudie de sa Sardigna: secuestrada s’iscaffa usada po sa travessada.

Doighi migrantes, undighi omines e una femina, sunt isbarcados in sas costas de su mesudie de sa Sardigna, accanta a Sarroch, in sa provintzia de Casteddu. Sos migrantes, tottu mannos e chentza documentos, sunt bistados frimmados dae sos carabinneris de Sarroch, chi los ant accattados in sa Carrela Istatale 195, a su kilometru 41+900.

Est unu logu chi no est attesu dae sa costa sud occidentale de s’isula, inube est meda probabile chi siant isbarcados pagu prima chi los acciapperant. Secundu cantu si connoschede, sos migrantes tiant aere decraradu de essere tunisinos e de essere arrivados in Sardigna supra un’iscaffa pitticca de bidruresina. S’iscaffa, cun d’unu motore Suzuky de 30 caddos, est bistadu pius a tardu acciappida e secuestrada dae sos carabinneris, in su mentres de sas operassiones de cuntrollu po ponnere in siguresa su logu.

S’iscaffa est una proa de fundamentu po sas scruccullas, chi serbint a cumprendere commente sunt isbarcados e po chircare de cumprendere si bi sunt responsabiles de traffigu de omines. Sos migrantes funt in cundiziones de salude bonas a su momentu chi los ant acciappidos. Pustis de sos primos controllos, che los ant leados a su tzentru de accasazu de Monastir, un’istruttura chi serbit po accomettare sas pessonas chi arribant in Italia po mesu de isbarcos chentza regulas.

Inoghe lo ant a bisitare e identifigare, commente prevedint sas protzeduras po s’accasazu e su controllu de sos migrantes. Custu accadessimentu est unu fenomenu chi si biet a s’ispissu in sas costas de sa Sardigna sud occidentale, in manera particulare in sos meses pius de favore po sas travessadas.

S’isula, po commente est posta geograficamente, in su coro de su mare Mediterraneu, est a s’ispissu unu puntu seperadu dae sos migrantes chi partini dae su nord de s’Africa chircande unu menzus tempus benidore. Intames, custos biazos los faghent a s’ispissu in cunditziones de precariedade manna, supra iscaffas de fortuna chi ponent a arriscu sa vida de sos passizeris.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22